ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
14 դեկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայկական տոներին նվիրված համերգ Հռոմում.

20 սեպտեմբերի, 2018 | 17:02

Սեպտեմբերի 17-ին Հայաստանի Հանրապետության անկախության օրվա և Էրեբունի-Երևանի հիմնադրման 2800-ամյակի կապակցությամբ Հռոմի օպերային թատրոնում կայացավ համերգ, որտեղ հնչեցին աշխարհահռչակ հայ կոմպոզիտոր Արամ Խաչատրյանի ստեղծագործությունները:

Նվագախումբը, որը ղեկավարում էր դիրիժոր Սերգեյ Սմբատյանը, բաղկացած էր շուրջ 7 տասնյակ իտալացի երաժիշտներից: Ելույթներով հանդես եկան նաև մենակատարներ՝ ջութակահար Հայկ Կազազյանը և դուդուկահար Կամո Սեյրանյանը:

Համերգին ներկա էին Իտալիայի քաղաքական, հասարարակական, մշակութային գործիչներ՝ Իտալիայի ԱԳ և միջազգային համագործակցության նախարարի տեղակալ Էմանուելա Դել Ռեն, Իտալիայի նախագահի դիվանագիտական խորհրդատու, դեսպան Էմանուելա Դ՛Ալեսանդրոն, Պատգամավորների պալատի արտաքին կապերի հանձնաժողովի նախագահ Մարտա Գրանդեն, սենատորներ և պատգամավորներ, պետական մարմինների ներկայացուցիչներ, Հռոմի քաղաքապետի պատվիրակը, Իտալիայում հավատարմագրված  դիվանագիտական կորպուսի ներկայացուցիչներ, Իտալիայի գործարարներ և մշակութային գործիչներ:

Միջոցառմանը ներկա էին Արևմտյան Եվրոպայի հայրապետական պատվիրակ և Սուրբ Աթոռում Մայր Աթոռի ներկայացուցիչ Խաժակ արքեպիսկոպոս Պարսամյանը, Լևոնյան վարժարանի տնօրեն գերաշնորհ Հայր Նարեկ վարդապետ Նամոյանը, հայ համայնքի ներկայացուցիչներ Հռոմից և Իտալիայի մի շարք նահանգներից:

Համերգից առաջ ելույթներով հանդես եկան դեսպան Վիկտորյա Բաղդասարյանը և Իտալիայի ԱԳ և միջազգային համագործակցության նախարարի տեղակալ Էմանուելա Դել Ռեն:

Իր խոսքում դեսպանը նշեց, որ Հայաստանի Հանրապետությունը կայացավ որպես անկախ պետություն և անցած տարիների ընթացքում իր արժանի տեղը զբաղեցրեց ժողովրդավար երկրների միջազգային ընտանիքում: Այդ տարիները հանդիսացան հայ ժողովրդի քաղաքական հասունության և քաղաքացիական գիտակցության դրսևորման հանգրվանը: Հայաստանի դեսպանը նշեց, որ այսօր Հայաստանում մարդու իրավունքների հարգումը և ժողովրդավարությունը բացարձակ արժեքներ են, իսկ տնտեսական և սոցիալական ոլորտներում հավասար պայմանների երաշխավորումը նպաստավոր պայմաններ է ստեղծում երկրի զարգացման համար: Դեսպան Բաղդասարյանը ներկայացրեց նաև տարբեր միջազգային կառույցների միջև Հայաստանի` կապող կամուրջ հանդիսանալու հանգամանքը:

Անդրադառնալով հայ-իտալական հարաբերություններին՝ դեսպանը խոսեց երկու ժողովուրդների միջև հազարամյա բարեկամության, կրթության, մշակույթի, տնտեսության ոլորտներում հայ-իտալական ներկայիս համագործակցության և հեռանկարների մասին՝ նշելով, որ հայկական կողմը հաստատակամ է անել առավելագույնը երկկողմ հարաբերություններն էլ ավելի սերտացնելու, ջերմացնելու ու փոխշահավետ դարձնելու համար: Դեսպանը հիշատակեց շուրջ երկու ամիս առաջ նախագահ Սերջո Մատարելայի՝  Հայաստան կատարած պատմական պետական այցը՝ նշելով, որ այն ամուր հիմքեր է ստեղծել հայ-իտալական քաղաքական երկխոսությունն ու բազմաշերտ համագործակցությունը բոլոր ուղղություններով որակական նոր մակարդակի բարձրացնելու համար։

ՀՀ դեսպանն անդրադարձավ նաև հայ համայնքի դերին՝ որպես երկու ժողովուրդներին և երկրներին կապող կամուրջ։ Դեսպան Բաղդասարյանը խոսեց նաև Էրեբունի-Երևան մայրաքաղաքի հոբելյանի կարևորության մասին:

Իտալիայի ԱԳ և միջազգային համագործակցության նախարարի տեղակալ Էմանուելա Դել Ռեն անդրադարձավ հայ-իտալական՝ դարերի խորքից եկող բարեկամությանը, ջերմ հարաբերություններին, Իտալիայի գիտակրթական, մշակութային և հասարակական կյանքում հայ համայնքի ունեցած ավանդին և կարևոր դերակատությանը՝ հատկապես շեշտելով Վենետիկում հայկական հետքի առկայությունը: Նախարարի տեղակալը խոսեց նաև ԵԱՀԿ շրջանակներում համագործակցության կարևորության մասին:

ՕՐԵՐ

 


Առնչվող նյութեր
1. Վատիկանում ՀՀ դեսպանը հրաժեշտ է տվել Հռոմի Պապին
2. Ամենայն Հայոց Կաթողիկոսը Հռոմում. հանդիպում Ֆրանչիսկոս Սրբազան Քահանայապետի հետ
3. Իտալիա. Հայրապետական Սուրբ Պատարագ Միլանի Սուրբ Քառասուն մանկանց եկեղեցում
4. Իտալիա. «Նարեկացի» ժողովրդական գործիքների նվագախմբի ելույթը Սալենտոյի միջազգային 15-րդ կինոփառատոնի փակմանը
5. Դեսպան Բաղդասարյանը Հռոմի քաղաքապետին հրավիրել է Երևանի հիմնադրման 2800-ամյա հոբելյանին
6. «Լաւագոյն հայկական կրթօջախ» ` Հայ Լեզուի և Մշակոյթի Ամառնային Խտացեալ Դասընթացքին
7. Իտալիայի Հանրապետության նախագահն այցելեց Մայր Աթոռ Սուրբ Էջմիածին
8. Հայ-իտալկան միջպետական երկու փաստաթուղթ է ստորագրվել Երեւանում
9. Հայաստանի եւ Իտալիայի նախագահների ներկայությամբ բացվել է Մշակութային ժառանգության պահպանման հայ-իտալական կենտրոնը
10. Նիկոլ Փաշինյանը և Սերջիո Մատարելլան կարևորել են տարածաշրջանում կայունության ամրապնդումը

Մեկնաբանություն

Վերջին լուրեր
1.Ավստրիայում ՀՀ դեսպան Արման Կիրակոսյանի հրաժեշտի միջոցառումը Ավստրիայի արտաքին գերատեսչությունում
2.Արման Կիրակոսյան. Ցեղասպանության թեման պետք է դառնա դասագրքային ուսումնառության առարկա
3.Ժնեւ. ՀՀ վարչապետի պաշտոնակատարի տիկին Աննա Հակոբյանի հանդիպումը Շվեյցարիայի հայ համայնքի հետ
4.«Այաս-Կիլիկիա» ռեստորանում այցելուներին փոխանցում են հայկական ավանդական ընտանիքի տրամադրությունները
5.ՊՐԱՀԱ. Ամանորյա տոնական հանդես մանուկների համար
6.Սպիտակի երկրաշարժի 30-րդ տարելիցին նվիրված միջոցառումներ Ֆրանսիայում
7.Դեսպան Տիգրան Սեյրանյանի հանդիպումը Չեխիայի Սենատի նախագահ Կուբերայի հետ
8.Բժիշկ Թոմ Քաթինան՝ «Ավրորա» մարդասիրական նախաձեռնության նախագահ
9.Թեքեյան կենտրոնը իրականացնում է «Անվճար դասագրքեր կարիքավոր երեխաների համար» ամենամյա ծրագիրը
10.Հայաստանի պատմական քարտեզների ցուցադրություն Կաունասի հանրային գրադարանում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: