ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայերի, հույների ու ասորիների ցեղասպանությունը ներկայացվեց Պրահայի Դոմինիկյան եկեղեցու սրահում

28 հոկտեմբերի, 2017 | 16:30

Հոկտեմբերի 25-ին Պրահայի  Դոմինիկյանների Սուրբ Յիլիի եկեղեցուն կից գիտամշակութային սրահում տեղի ունեցավ Միխալ Ռոուտիլի, Պետրա Կոշտալովայի եւ Պետր Նովակի ,,Քրիստոնյաների աղետը,,/Katastrofa křesťanů/ աշխատության շնորհանդեսը եւ աշխատությանը նվիրված ,,Օսմանյան կայսրության վերջը եւ կրոնական փոքրամասնությունների ճակատագիրը,, թեմայով  զրույց-բանավեճը։ Գիրքը նվիրված է Օսմանյան կայսրությունում 1914-1923թթ-ին հայերի, ասորիների եւ հույների բնաջնջմանը։

Երեկոն վարում էր Լուկաշ Նոսեկը, ով նախքան գրքի հեղինակներին ձայն տալը, նշեց,թե գիրքը ոչ միայն Հայոց ցեղասպանության մասին է, այլեւ այն բոլոր քրիստոնյաների, ովքեր Օսմանյան կայսրությունում ենթարկվել են վայրագությունների։ Այդ իմաստով, նրա կարծիքով գիրքն ընթերցելիս ակամայից հիշել է այսօր Մերձավոր Արեւելքում տիրող վիճակը եւ քրիստոնյաների դեմ շարունակվող ոտնձգությունները։

,,Պատմությունը կարծես կրկնվում է, -ասաց նա, եւ նշեց նաեւ գրքի մի այլ առավելություն, որ այն լի է լուսանկարներով եւ հոյակապ քարտեզներով։ ,,Սա ոչ թե մահվան կամ տեռորի մասին գիրք է, այլ հաղթանակի եւ ուրախության, որն ավելի մեծ ուժ է, քան մահը,,- ասաց բանախոսը։ Այնուհետեւ գրքի հիմնական հեղինակը՝ Միխալ Ռոուտիլը տեսաշարի օգնությամբ մանրամասն անդրադարձավ Հայոց ցեղասպանության իրականացման պատճառներին, դրա աշխարհագրությանը, զոհերի թվին, նշելով, որ այդ տարիներին Օսմանյան կայսրությունում ապրել է 1.5-2 .2 միլիոն հայ։ Ավելի հակիրճ ներկայացրեց հույների եւ ասորիների ցեղասպանությունը, իսկ վերջում պատասխանեց ներկաների հարցերին։ Այս խնդրում նրան օգնեց նաեւ գրքի համահեղինակներից, թուրքագետ Պետր Նովակը եւ թուրքագետ Կատերինա Վիտեյցկովան։

Գիրքն իր տեսակի մեջ լուրջ ներդրում է Չեխիայում ցեղասպանությունների ուսումնասիրման ոլորտում, այն ունի օգտագործված գրականության բավականին պատկառելի ցանկ եւ հղումներ, եւ օգտակար կլինի հայերի եւ այլ ազգերի ցեղասպանությունները ուսումնասիրող ոչ միայն գիտնականների, այլեւ ուսանողների եւ ավագ դասարանների աշակերտների համար։

Գիրքը հրատարակել է Pavel Mervart  հրատարակչությունը՝ Չեխիայի մշակույթի պետական հիմնադրամի աջակցությամբ։

Ցանկացողները այն կարող են պատվիրել հրատարակչության կայքէջում՝ pavelmervart.cz կամ kosmas.cz համացանցային գրախանութում։

http://pavelmervart.cz/kosik/

Գրքի արժեքը՝ 539 կրոն, փոստով ուղարկելն՝ անվճար։


Առնչվող նյութեր
1. Անդրան Աբրահամյանը ճանաչվեց Լավագույն ռեժիսոր ՙՖամուֆեստ՚ կինոփառատոնում
2. «Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
3. Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
4. Հայկ Մարությանն ընդունել է Չեխիայի դեսպանին
5. Չեխահայ անվանի գործիչ Ալեքսանդր Սարգսյանին՝ Սփյուռքի նախարարության Ոսկե հուշամեդալ
6. Դոկտ. Արման Կիրակոսեանի նոր մենագրութեան շնորհահանդէս-գինեձօնը Ավստրիայում
7. Հայաստանի դեսպանը շնորհավորել է չեխ ժողովրդին 100-ամյա հոբելյանի առիթով
8. Պրահայում նշվում է Չեխոսլովակիայի հիմնադրման 100 ամյակը
9. Չեխիան հարգում է հակամարտության կողմերին զենք-զինամթերք չվաճառելու պայմանավորվածությունը. դեսպան Միկիսկա
10. Մակրոնը այցելեց Հայոց ցեղասպանության հուշահամալիր

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: