ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

«ՀԱՅԵՐԸ 2115ԻՆ» ՌԱԶՄԱՎԱՐԱԿԱՆ ՍԵՄԻՆԱՐ

31 հոկտեմբերի, 2014 | 11:55

 Armenians in 2115 conferenceՂեկավարներ եւ մտաւորականներ կը հաւաքուին «Գալուստ Կիւլպէնկեան» Հիմնարկութեան մէջ՝ հայկական ապագայ ռազմավարութիւնը քննարկելու համար

 «Գալուստ Կիւլպէնկեան» Հիմնարկութեան Հայկական Համայնքներու Բաժանմունքը հայ ղեկավարներու երկօրեայ եզակի սեմինար մը հիւրընկալեց՝ ապագայի տեսիլքով։ Մասնաւոր հրաւէրով կազմակերպուած Հոկտեմբեր 13-14ի հաւաքոյթը բարձր մակարդակի ֆորում մըն էր, ուր ռազմավարական քննարկումներ տեղի ունեցան առանձնացած միջավայրի մը մէջ։

Մասնակիցներուն կիզակէտը հայաշխարհը յուզող ու ձեւաւորող միտումներ էին։ Հայութեան վրայ ներգործող բանալի հարցեր, ինչպէս Թուրքիա, Ռուսաստան, Ատրպէյճան, Վրաստան, Եւրոպա, Միջին Արեւելք, Հայաստան եւ Սփիւռք տեղի ունեցող իրադարձութիւններ, ուրուագծուեցան մասնագէտ համակարգողներու կողմէ։

Քննարկուած հարցերուն շարքին էին Սփիւռքի յարաբերութիւնը Հայաստանի կառավարութեան ու քաղաքացիական ընկերութեան հետ, դիմակայումը Թուրքիոյ, Ատրպէյճանի եւ Վրաստանի հետ, սփիւռքեան համայնքներու պահպանման հեռանկարները եւ ինքնութեան բանաձեւումներ։ Անոնք փոխկապակցուած էին ապագայի հնարաւոր բեմագիրներու հետ, որոնք կը ներառնեն ռուսական ազդեցութիւնը Հայաստանի մէջ, Թուրքիոյ ժողովրդավարական զարգացումը, Ատրպէյճանի հետ պատերազմի սպառնալիքը, միջինարեւելեան Armenians 2115 strategy seminarհակամարտութիւններուն ներգործութիւնը հայոց վրայ եւ Եւրոպական Միութեան ներքին հոլովոյթները։

Սեմինարին մասնակցող քառասուն անձերը աշխարհասփիւռ հայութեան բոլոր շրջանները կը ներկայացնէին՝ Եւրոպա, Հիւսիսային եւ Հարաւային Ամերիկա, Թուրքիա, Միջին Արեւելք, Ռուսաստան եւ, անշուշտ, Հայաստան։ Սփիւռքի մտաւորական ու համայնքային գլխաւոր միտումները ամբողջութեամբ ներկայ էին։ Որոշ ոչ-հայ մասնագէտներ հրաւիրուած էին որպէս համակարգողներ։

Բոլոր մասնակիցները համաձայն էին, որ ժողովը հիմնական կարեւորութիւն ունէր եւ որ քննարկումները պէտք է շարունակուին կանոնաւոր կերպով։ Առաջարկուեցաւ, որ նախաձեռնութիւնը ժողովներու շարքի մը վերածուի, նման՝ Տաւոսի միջազգային տարեկան հաւաքոյթին, ռազմավարութեան շուրջ վիճելու, գործունէութիւն համադրելու եւ տեղեկութիւններ կիսելու համար։

«Այդպիսի ընտիր եւ այլազան խումբ մը մարդոց մէկտեղումը սենեակի մը մէջ, հայ ժողովուրդի՝ հայրենիքի եւ սփիւռքի ապագան քննարկելու համար, իսկական առանձնաշնորհում մըն էր եւ եզակի փորձառութիւն մը», յայտնեց «Գալուստ armenia 2115Կիւլպէնկեան» Հիմնարկութեան հոգաբարձու եւ սեմինարի հիւրընկալողներէն Մարթին Էսայեանը։ «Մասնակիցներէն շատերը պատրաստ են շարունակելու իրենց յանձնառութիւնը եւ շնորհաւորեցին Հիմնարկութիւնը՝ հաւաքոյթը կազմակերպելու կարողութեան համար։ Ժողովը որոշապէս ցոյց տուաւ Հայկական Համայնքներու Բաժանմունքին նոր ուղղութիւնը որպէս դերակատար ու համախմբող, աւելի քան պարզ նուիրատու մը, հայաշխարհի մէջ»։

Սեմինարին արձանագրութիւններուն տեղեկագիրը պիտի հրատարակուի յետագային։

Սեմինարին մասնակիցներն էին՝ Մ. Էսայեան եւ Ռ. Փանոսեան (հիւրընկալներ), Փ. Ագըլեան, Ա. Անտոնեան, Ռ. Արտալճեան, Ն. Աֆէեան, Ճ. Գարասլանեան, Ռ. Գէորգեան, Մ. Գրիգորեան, Ն. Դաւիթեան, Ե. Զօրեան, Խ. Թէօլէօլեան, Ա. Իշխանեան, Ժ. Լիպարիտեան, Ք. Խաչիկեան, Ֆ. Մ. Կէօչէք, Ճ. Հիւզ, Ս. Ղազարեան,  Օ. Ղազարեան, Ե. Ճէրէճեան, Ռ. Մարկոսեան, Վ. Ս. Մարքէս, Ս. Միրոնիւք, Վ. Յովսէփեան, Ա. Նալճը, Ա. Չալապեան, Վ. Չեթերեան, Հ. Չիլինկիրեան, Հ. Չոպոյեան, Գ. Պարտագճեան, Պ. Պուսեթօ, Ա. Ջիլաւեան, Ս. Սամուէլեան, Ս. Սիմոնեան, Խ. Տէր Ղուկասեան, Տ. Տինք, Ս. Փանոսեան, Վ. Փափազեան, Թ. տէ Վաալ, Ռ. Վարդանեան։


Առնչվող նյութեր
1. Արեւմտահայերէնով «Ուիքի ճամբար»ը Փորթուկալի մէջ. Օգոստոս 17էն մինչեւ Օգոստոս 26
2. «Գալուստ Կիւլպէնկեան» թարգմանական մատենաշար. Թարգմանուելիք գիրքերու ցանկը ու կոչ թարգմանիչներու
3. «Գալուստ Կիւլպէնկեան» Հիմնարկութիւնըհայաստանեան ծրագրերու խորհրդատու կը նշանակէդոկտ. Համազասպ Դանիէլեանը
4. «Գալուստ Կիւլպէնկեան» թարգմանական մատենաշար
5. «Գալուստ Կիւլպէնկեան» Հիմնարկութեան Հայկական Համայնքներու Բաժանմունքի Յայտարարութիւնը
6. Ռազմիկ Փանոսեանը նշանակուած է Հայկական Համայնքներու բաժանմունքի տնօրէն

Մեկնաբանություն

Վերջին լուրեր
1.Գավառում վերաբացվեց Լևոն Քալանթարի անվան դրամատիկական թատրոնը
2.«Բուկինիստ» գրախանութում տեղի ունեցավ Ալիսա Գանիևայի «Խոցված զգացմունքներ» վեպի շնորհանդեսը
3.Մտորումներ Լատվիայի անկախության 100-ամյակի առթիվ
4.Մեր ժամանակի ամենամեծ վտանգը համարում եմ գերտերությունների մոլագար մրցակցությունը՝ աշխարհի վերաբաժանման համար. Աստղիկ Մելիքբեկյան
5.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
6.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
7.Եվրամիությունը աջակցում է «Հայաստանում ընտրական գործընթացների աջակցություն» ծրագրին
8.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
9.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
10.Գարեգին Բ- Նիկոլ Փաշինյան հանդիպում Մայր Աթոռում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: