ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
25 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայաստան-Ռումինիա.լրացավ դիվանագիտական կապերի 25-ամյակը

19 դեկտեմբերի, 2016 | 13:34

Հայաստանի և Ռումինիայի արտգործնախարարներն ուղերձներ են փոխանակել երկու պետությունների միջև դիվանագիտական հարաբերությունների հաստատման 25-ամյակի կապակցությամբ

nalbandyan ruminia

Ձերդ Գերազանցություն,

Մեծագույն հաճույքով եմ գրում Ձեզ` նշելու համար Հայաստանի և Ռումինիայի միջև դիվանագիտական հարաբերությունների հաստատման 25-ամյակը:

Ռումինիան առաջին երկրներից էր, որ 1991թ. դեկտեմբերի 11-ին, Հայաստանի ինքնիշխան պետականության հռչակումից շատ չանցած, պաշտոնապես ճանաչեց Հայաստանի Հանրապետության անկախությունը: Օրեր անց` դեկտեմբերի 17-ին, Բուխարեստում ստորագրվեց Հայաստանի և Ռումինիայի միջև դիվանագիտական հարաբերությունների հաստատման մասին Համաձայնագիրը` խարսխված հայ և ռումին ժողովուրդների դարավոր բարեկամական կապերի վրա: 1994թ. Հայաստանն իր դիվանագիտական առաջին ներկայացուցչություններից մեկը բացեց Բուխարեստում:

Արդեն քառորդ դար է, ինչ հայ-ռումինական հարաբերությունները վերընթաց են ապրում` հիմնվելով բարձր մակարդակի փոխայցելությունների և ակտիվ քաղաքական երկխոսության, ավելի քան չորս տասնյակ երկկողմ համաձայնագրերի ծանրակշիռ իրավական հենքի, հայ-ռումինական առևտրատնտեսական և գիտատեխնիկական համագործակցության խառը հանձնաժողովի գործունեության, ինչպես նաև մշակույթի, կրթության և գիտության բնագավառներում համագործակցության մասին իրարահաջորդ ծրագրերի շրջանակներում իրականացվող մշակութային փոխանակումների վրա: Երկկողմ ձևաչափից զատ, մեր երկրները համագործակցություն են ծավալում բազմակողմ հարթակներում, ներառյալ՝ Միավորված ազգերի կազմակերպությունը, Արևելյան գործընկերությունը, Ֆրանկոֆոնիայի միջազգային կազմակերպությունը և այլ կառույցներ:

Հայ-ռումինական հարաբերությունները մեծապես շահել են ռումինահայ կենսունակ համայնքի ներդրումից, որը դարեր շարունակ իր ներկայությունն է ունեցել Ռումինիայի քաղաքական, տնտեսական և մշակութային կյանքում:

Համոզված եղեք, որ Հայաստանը կշարունակի ամենայն ջանք գործադրել` ամրապնդելու և զարգացնելու մեր երկրների միջև համագործակցությունը` առաջիկա քառորդ դարում և այդուհետ:

Կուզենայի նաև այս առիթն օգտագործել` Ձեզ և Ռումինիայի բարեկամ ժողովրդին մաղթելու բարօրություն և առաջընթաց:

Ընդունեք, խնդրեմ, Ձերդ Գերազանցություն, խորին հարգանացս հավաստիքը:
ԷԴՎԱՐԴ ՆԱԼԲԱՆԴՅԱՆ

ՆՈՐԻՆ ԳԵՐԱԶԱՆՑՈՒԹՅՈՒՆ
ՊԱՐՈՆ ԼԱԶԱՐ ԿՈՄԱՆԵՍԿՈՒԻՆ
ՌՈՒՄԻՆԻԱՅԻ ԱՐՏԱՔԻՆ ԳՈՐԾԵՐԻ ՆԱԽԱՐԱՐ
ԲՈՒԽԱՐԵՍՏ


Առնչվող նյութեր
1. Ռումանիոյ Հայոց Թեմի առաջնորդ Տ. Տաթև եպիսկոպոս Հակոբյանի շնորհավորական ուղերձը ՀՀ անկախության 27-րդ տարեդարձի առիթով
2. Երկարամյա դադարից հետո Եպիսկոպոսական Պատարագ մատուցվեց Բուրգասի Ս. Խաչ եկեղեցում
3. Հայկական օրեր Ռումինիայի Հարգիտա նահանգի Գեորգեն քաղաքում
4. Բուխարեստ. «Հայերենի ինքնուսույց ռումինախոսների համար» գրքի շնորհանդեսը
5. Ս. Հաճկատար հռչակավոր հայոց վանքում նշվեց Տիրամոր Վերափոխման տոնը.ուխտագնացություն
6. Սոպրանո Արմինե Խաչատրյանի ձայնասկավառակը թողարկվել է Ռումինիայում
7. Ռումինիա. Եպիսկոպոսական Սուրբ Պատարագ Թուլչայի Հայոց եկեղեցում
8. Տոնական համերգ Կոնստանցա քաղաքում` նվիրված Հայաստանի առաջին Հանրապետության 100 ամյա հոբելյանին
9. Բուխարեստում տեղի ունեցան առաջին Հանրապետության 100 ամյակին նվիրված միջոցառումներ
10. Վահագն Մելիքյանը՝ արտաքին գործերի նախարարության գլխավոր քարտուղար

Մեկնաբանություն

Վերջին լուրեր
1.Վարչապետ Նիկոլ Փաշինյանը ՄԱԿ-ի կենտրոնակայանում մասնակցել է Նելսոն Մանդելային նվիրված խաղաղության գագաթաժողովի բացմանն ու հանդես եկել ելույթով
2.Անտոնիո Գուտերեշ. Հայաստանի հետ արդյունավետ համագործակցությունն առավել կամրապնդվի և կզարգանա
3.Հայաստանում պետք է իրականացնել ոչ թե բարեգործական, այլ զարգացման ծրագրեր. Նիկոլ Փաշինյան
4.Նորվեգիա. Հայկական խաչքարի օրհնություն և օծում Կրագերո քաղաքում
5.Հայրիկ Մուրադյանի «Հայրենի երգեր» ժողովածուն ներկայացվել է Երեւանում
6.Ռիգա. Հայաստանի և Լատվիայի հարյուրամյակներին նվիրված համերգ
7.Հայկ Մարությանը քաղաքապետի պարտականությունները կստանձնի հոկտեմբերի 10-ին. երեք քաղաքական ուժ նոր ավագանիում
8.,,Հայաստան» հիմնադրամի նոր գործադիր տնօրեն է հաստատվել Հայկակ Արշամյանը
9.Քանկոր. Պրոֆեսիոնալիզմ ու սրտացավություն, որ Ձեր սիրտը առողջ լինի
10.Երեւանի ավագանու ընտրություններում առաջատարը ,,Իմ քայլը,, կուսակացությունների դաշինքն է՝ 80.7 տոկոսով
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: