ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 օգոստոսի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

«Հայաստան – Ավստրիա՝ 1918-1921թթ. պաշտոնական շփումները» խորագրով ցուցահանդես Վիեննայում՝ նվիրված մայիսյան հերոսամարտերի և Հայաստանի Հանրապետության 100-ամյակին

07 հունիսի, 2018 | 18:58

Հունիսի 1-ին Ավստրիայում ՀՀ դեսպանության նախաձեռնությամբ և կազմակերպմամբ Վիեննայի Մխիթարյանի միաբանության վանքում տեղի ունեցավ «Հայաստանի Հանրապետություն-Ավստրիա՝ 1918-1921թթ. պաշտոնական շփումները» անվանումը կրող ցուցահանդեսի բացումը՝ նվիրված մայիսյան հերոսամարտերի և Հայաստանի առաջին Հանրապետության 100-ամյակին:

Ցուցահանդեսն իրենից ներկայացնում է հիշյալ շրջանին վերաբերող և Հայաստանի Հանրապետության, Ավստրիայի Հանրապետության պետական արխիվներում և Մխիթարյան միաբանության գրադարանում պահպանվող փաստաթղթերի, նամակների, հայտագրերի, լուսանկարների, գրքերի, ինչպես նաև Հայաստանի Հանրապետությունում, Արցախում և Սփյուռքում այդ ժամանակահատվածում լույս տեսած թերթերի հրապարակումների հավաքածու:

Ավստրիայի պետական արխիվում հայտնաբերված մի շարք փաստաթղթեր վերաբերում են հիմնականում 1918թ. հունիս-սեպտեմբեր ամիսների ընթացքում մի կողմից՝ Փարիզի խաղաղության վեհաժողովին Հայաստանի Հանրապետության պատվիրակության, ինչպես նաև Բեrլինում և Վիեննայում Հայաստանի Հանրապետության պատվիրակությունների, իսկ մյուս կողմից՝ Ավստրո-Հունգարիայի արտաքին գերատեսչության և արտերկրում ավստրո-հունգարական դիվանագիտական առաքելությունների միջև նամակագրությանը:

Հայկական կողմը, համաձայն հրապարակված փաստաթղթերի, իր առջև նպատակ էր դրել հասնել Օսմանյան կայսրության դաշնակից Ավստրո-Հունգարիայի կողմից Հայաստանի նորանկախ Հանրապետության ճանաչմանը և օգնել հայ ժողովրդին առավել շահեկան դիրքերից հանդես գալ Առաջին աշխարհամարտի հետևանքները վերացնելուն նվիրված խաղաղության գործընթացին:

Այդ փաստաթղթերի մի մասը հրապարակվում է առաջին անգամ և բացահայտում հայ-ավստրիական միջպետական շփումների՝ դեռևս քիչ հայտնի էջեր: Ընդգծվում է Մխիթարյան միաբանության հոգևորականների կողմից այդ գործընթացում, ինչպես նաև Վիեննայում՝ Հայաստանի Հանրապետության և հայ քաղաքացիների շահերը պաշտպանելու ուղղությամբ ունեցած արժեքավոր ներգործությունը:

Ցուցահանդեսը, որը գտնվում է Վիեննայի Մխիթարյան միաբանության վանքում գործող թանգարանում, մինչև տարվա վերջ բաց է լինելու այցելուների համար:


Առնչվող նյութեր
1. Անընդունելին եւ ընդունելին՝ քարոզչական պատերազմին մէջ. Րաֆֆի Տուտագլեան
2. Խորհրդարանական արտահերթ ընտրություններից առաջ՝ սահմանադրական փոփոխություններ եւ անցումային արդարադատության մարմիններ. ասել է Ն. Փաշինյանը հանրահավաքում
3. Նազարէթ Սրմաքեշ. Նիկոլ Փաշինեանի խաղաղ յեղափոխութեան 100 օրուայ առիթով
4. Օլեգ Եսայանին Մինսկում կփոխարինի պրոֆեսիոնալ դիվանագետ Արմեն Ղեւոնդյանը
5. Խաղողօրհնեք. Երկար դադարից հետո վերստին ղողանջեց Ախթալայի վանքի զանգը
6. Կառավարությունը ստեղծելու է բոլոր պայմանները, որպեսզի քաղաքացիները հարստանան ու հարստացնեն մեր երկիրը. շարունակվում է վարչապետի այցը Տավուշի մարզ
7. Մայիսից սկսած՝ ավելի շատ մարդ է գալիս Հայաստան, քան հեռանում. վարչապետը հանդիպել է Տավուշի մարզի բնակիչներին
8. 100 տարի առաջ այս օրը գումարվել է անկախ Հայաստանի խորհրդարանի Առաջին նիստը
9. Ինչքանո՞վ են ՀՀ նոր իշխանությունները գիտակցում Ջավախքի ռազմավարական նշանակությունը
10. Նախիջևանի սահմանը՝ Հայաստանի դեմ երկրորդ ճակատ. քննարկումներ Երեւանում

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: