ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայաստանում նշվեց Լեռների օրը

11 հոկտեմբերի, 2017 | 09:24

Այն կազմակերպել էր  «Հայաստանի Ալպինիզմի և լեռնային տուրիզմի հայկական ֆեդերացիան» 

1829 թվականի հոկտեմբերի 9-ին Խաչատուր Աբովյանը ոտք դրեց Հայկական լեռնաշխարհի ամենաբարձր կետին՝ Արարատի գագաթին:

Այս օրը խորհրդանշական համարելով, արդեն 6 տարի է հոկտեմբերի 9-ը նշվում է որպես Հայաստանի լեռների օրը:

Այս տարի էլ նշվեց Հայաստանի լեռների օրը, որի շրջանակներում «Ալպինիզմի և լեռնային տուրիզմի հայկական ֆեդերացիայում» իրականացվեցին մի շարք միջոցառումներ: Այն անցկացվեց  լեռների բարձրության մակարդակում և շատ ջերմ միջավայրում:

Միջոցառումը բաղկացած էր մի քանի մասից։ Բացման խոսքով հանդես եկավ Հայաստանի Ալպինիզմի և լեռնային տուրիզմի փոխնախագահ Սուրեն Դանելյանն, ով «4 ԳԱԳԱԹ» լեռնային ակումբի ավարտական խմբի վկայագրեր հանձնեց պատանի լեռնագնացներին,նշելով որ սա դեռ սկիզբն է և որ այդ սերունդն է լինելու հայկական լեռնային տուրիզմի ու ալպինիզմը զարգացնող օղակը մեր երկրում։

Այնուհետև ելույթ ունեցավ  Ելենա Շուվաեվա-Պետրոսյանն, ով ներկայացրեց Մոսկվայում հրատարակվող ու տարածվող «Гора»/Լեռ/ ամսագիրը, հույս հայտնելով, որ այն իր տարածումը կգտնի նաև Հայաստանում ու Սփյուռքում՝ ներկայացնելով ինչպես հայ, այնպես էլ ռուս լեռնագնացներին ու գործարարներին։

Միջոցառման ընթացքում շնորհակալգրեր հանձնվեցին «Ալպինիզմի և լեռնային տուրիզմի հայկական ֆեդերացիայի» անդամներին և գործընկեր ակումբներին, ովքեր 2017թ. ներդրում են ունեցել լեռնագնացության և լեռնային տուրիզմի զարգածման գործում, ինչպես նաև տեղի ունեցավ ֆեդեռի կայքի ներկայացում,«Վերելքներ Գեղամա լեռների բոլոր գագաթներ» ծրագրի ավարտական հաշվետվություն /Շուշան Ռուբենյան, Նարինե Ճաղարյան/-ի կողմից,իսկ Սուրեն Պետրոսյանը պատմեց Այգեր լեռան վերելքի մասին, որը աննախադեպ էր Հայաստանյան լեռնագնացության պատմության մեջ, Միջոցառման վերջում ԱրմԼենդ ակումբի ղեկավար Արտյոմ Մարտիրոսյանը վկայագրեր հանձնեց Կազբեկի վերելքի թիմին:

Այդ օրն ուղեկցվում էր  Voskeni wines-ը իր յուրահատուկ գինիներով և Beauty production-ը: Այպիսով՝Հայաստանի ալպինիզմի և լեռնային տուրիզմի հայկական ֆեդերացիան գործում է 2011թ. փետրվարից:

Ֆեդերացիայի ստեղծման նպատակն էր նպաստել ալպինիզմի և լեռնային տուրիզմի զարգացմանը և լեռնագնացության մշակույթի ձևավորմանը: Երբ ֆեդերացիան նոր էր կազմավորվել, մեր հիշողություններում սովետական միության հայ լեռնագնացների ձեռքբերումներն էին միայն, ինչը հուշում էր, որ շատ անելիքներ կան <<լեռնագնացություն>> բառին նոր  և ակտիվ շունչ տալու համար:

Պարզ էր, որ պետք է ամեն ջանք ներդնել լեռնագնացությունը Հայաստանում վերակենդանացնելու համար:

Այս տարիների ընթացքում կազմակերպվել և անցկացվել են ուսումնամարզական հավաքներ, սեմինարներ, քննարկումներ, կազմակերպվել են հանդիպումներ Հայաստանից դուրս բնակվող մեր լեռնագնաց հայրենակիցների, ինչպես նաև օտարեկրացի լեռնագնացների հետ: Այս հանդիպումների միջոցով փորձի փոխանակում է կատարվել, ինչն էլ նպաստել է լեռնագնացության հմտությունների և գիտելիքների կատարելագործմանը:

Տարվա մեջ երկու անգամ 5-7 հոգանոց խմբեր լեռնագնացության, լեռնային պատրաստվածության տեսական և գործնական  ուսումնական ծրագիր են անցնում, և տարեցտարի մեր շարքերը համալրվում են փորձառու լեռնագնացներով, ովքեր մեծ դեր են կատարում լեռնագնացությունը Հայաստանում զարգացնելու համար:

Թե ինչպիսի  ոգևորություն, հպարտություն և հիացմունք է տարածվում լեռնասեր և լեռնագնաց մարդկանց շրջանում, երբ հաջողված վերելքներ ենք ունենում, բառերով դժվար է փոխանցել: Իսկ այդպիսի զգացողություններ մեկ անգամ չէ, որ ունեցել ենք: Ֆեդերացիայի ստեղծման առաջին տարիներին մեծ ձեռքբերում էր Կազբեկ, Էլբրուս, Արարատ և Դամավանդ լեռներ բարձրանալը, իսկ այսօր վստահորեն կարող ենք ասել, որ փոխվել են և´ լեռների բարձրությունը, և´ բարդությունը, և´ քարտեզը:

Ֆեդերացիան միշտ դրական է գնահատել հարևան երկրների, այլ ֆեդերացիաների և կազմակերպությունների հետ համագործակցությունը, ինչն էլ իր արտացոլումը գտավ փոխգործակցության հուշագրերի ստորագրմամբ:

Վեց տարի է, ինչ Հայաստանում գործում է Ալպինիզմի և լեռնային տուրիզմի ֆեդերացիան, որի շրջանակներում կազմակերպվել են տարրաբնույթ միջոցառումներ, ինչպես Հայաստանում, այնպես էլ դրա սահմաններից դուրս՝ ներկայացնելու հայկական ալպինիզմն ու լեռնային տուրիզմը: Կազմակերպության հիմնական նպատակներից է զարգացնել և մասսայականացնել լեռնագնացությունը Հայաստանում՝ ձևավորելով ժայռամագլցողների և լեռնագնացների ազգային ու օլիմպիական հավաքականներ:

Այսպիսով բարի երթ մաղթենք մեր հայ լեռնագնացներին, հույս ունենալով, որ մոտ ապագայում կհաղթահարեն նորանոր բարձունքներ։

Գարիկ Ավետիսյան

Լուսանկարները Սիրարփի Կարապետյանի


Առնչվող նյութեր
1. Արա Խաչատուրյանը վազքով Մարսելից հասել է Երեւան. նախագահը հանդիպել է նրան

Մեկնաբանություն

Վերջին լուրեր
1.Սեւան Քէլէշեանը կամրջում է հայաստանցուն եւ սփյուռքահային. «Ի՞նչ Կ’ըսեմ, Ի՞նչ Կ’ըսես» հարղորդումը եթերում
2.Երկարամյա դադարից հետո Եպիսկոպոսական Պատարագ մատուցվեց Բուրգասի Ս. Խաչ եկեղեցում
3.Էստոնիա. Քննարկվել է հայ-էստոնական թվային ֆորում անցկացնելու գաղափարը
4.Լեհաստանի Զամոշչ քաղաքում բացվել է հայկական խաչքար և տեղի են ունեցել մի շարք մշակութային միջոցառումներ
5.Ին՞չ եփել այսօր՝ քաղաքական կաթսայում. հայացք Երեւանից
6.Աշխարհում յուրաքանչյուր 5 վայրկյանը մեկ 15 տարին չլրացած երեխա է մահանում. ՄԱԿ-ի զեկույց
7.Բուլղարահայ նկարիչ Բեդիգ Բեդրոսյանի հուշարձանը Սիլիստրայում
8.Լոնդոնի Թագավորական քոլեջում փորձաքննվել է ՀՀ Չինաստանի «Մետաքսի ճանապարհին» միանալու ռազմավարությունը` հայ գիտնականի մասնակցությամբ
9.Րաֆֆի Հերմոն Արաքսին՝ սփյուռքի նախարարության պատվոգիր
10.Ռումինիա. Գալաց քաղաքի Ս. Աստվածածին հայոց եկեղեցու 160 ամյակը նշվեց մեծ շուքով
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: