ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայաստանի աննախադեպ օրեր Մոնակոյում

26 հուլիսի, 2018 | 19:04

Սեպտեմբերի 2-ին  Մոնակոյում կանցկացվեն Հայաստանի օրեր, ինչի մասին ՕՐԵՐ-ին հայտնեց  այդ միջոցառման կազմակերպիչ «Armenian Collection» ծրագրի ղեկավար Վրույր Փենեսյանը։ Միջոցառումը կանցկացվի «Armenia Collection 2018, Monte-Carlo» խորագրով, որը  նվիրված է Արամ Խաչատրյանի 115-ամյակին

Վ. Փենեսյանի ասելով,  Մոնակոյում անցկացվելու է աննախադեպ միջոցառում, որը կկազմակերպվի շատ բարձր մակարդակով: Ասեմ, որ դժվարությամբ ենք  թույլտվություն  ստացել, որպեսզի  վարձակալենք «Òpera de Montecarlo»-ն: Ծրագրի առաջին օրը՝ սեպտեմբերի 2-ին, «Òpera de Montecarlo»-ում կկազմակերպվի բարեգործական համերգ, որին մասնակցելու իրենց պատրաստակամությունն են հայտնել համաշխարհային օպերայի հայտնի սոպրանո  երգչուհի Հասմիկ Պապյանը և աշխարհի լավագույն դաշնակահարների ցանկում ընդգրկված Նարե Արղամանյանը:

Իսկ թե ինչու է նվիրված Արամ Խաչատրյանի հոբելյանին, ապա ըստ Փենեսյանի  Արամ Խաչատրյանն առաջին հայն է, ով 1973 թվականին ջերմ ընդունելության է արժանացել արքայազն Ռենյե III-ի և Գրեյս Քելլիի կողմից, իսկ 1974 թվականին Արամ Խաչատրյանի մասնակցությամբ կազմակերպվել է համերգ այդ համերգասրահում: Ի  դեպ, համերգից առաջ նույն համերգասրահում կներկայացվի  Արամ Խաչատրյանին նվիրված լուսանկարների ցուցադրություն։ Համերգը կրելու է բարեգործական բնույթ, և աջակցելու է Հայաստանում գործող «Ֆոնդ 100» և «Օգնեմ» հիմնադրամներին:

Վ. Փենեսյանի ասելով,  միջոցառման նպատակն է նաեւ Մոնակոյի իշխանություններին եւ ազգաբնակչությանը  ներկայացնել մեր մշակույթը և տնտեսությունը, նաեւ հետաքրքրել  հայկական սփյուռքին, որպեսզի տարբեր երկրներից մեր հայրենակիցները գան եւ  մասնակցեն, նոր կապեր հաստատեն։

Արդեն  բազմաթիվ հայտեր են ներկայացվել տարբեր երկրներից։ Համերգից հետո կկազմակերպվի գալա-ընթրիք, որը կունենա նաև ճանաչողական բնույթ, որի ընթացքում կապեր կհաստատվեն մասնակիցների միջեւ։

Կազմակերպիչը ՕՐԵՐ-ին հայտնեց նաեւ, որ  սեպտեմբերի 3-ին, Մոնակոյում գտնվող լավագույն հյուրանոցներից մեկում՝ «Hôtel Metropole»-ում, կկազմակերպվի հայկական լյուքս դասի ապրանքների ցուցադրություն։

Կներկայացվի  Հայաստանի լավագույն ընտրանին: Կկազմակերպվի «Արարատ» լեգենդար հայկական կոնյակի մի քանի տեսակների ներկայացում-համտես: Այդ նպատակով  ներկա կլինեն միջազգային ճանաչում ունեցող սոմելյեներ, այդ թվում  տարբեր տարածաշրջանների սոմելյեների միությունների նախագահներ: Միջոցառմանը ներկա գործարար շրջանակների ներկայացուցիչները հնարավորություն կունենան ծանոթանալու հայկական ապրանքների որակական ցուցանիշներին։

,, Մեր նպատակն է ստեղծել հնարավորություն, որպեսզի հայկական գինին ու կոնյակը վաճառվի և՛ Մոնակոյում, և՛ տարածաշրջանում,,- ասում է Փենեսյանը:

Աշխատանքներ են տարվում նաեւ  Հայաստան-Մոնակո բիզնես-համաժողովի կազմակերպման ուղղությամբ, որպեսզի հանդիպեն Հայաստանի և Մոնակոյի գործարարները:

Երկրորդ օրը կկազմակերպվի նաեւ լյուքս դասի ապրանքների, ինչպես նաև մշակութային ստեղծագործությունների ցուցադրություն, մի շարք այլ միջոցառումներ: Նույն օրը երեկոյան նախատեսել ենք հայ դիզայներների աշխատանքների ցուցադրություն, որին ներկա կլինեն նաև «Monte-Carlo Fashion Week»-ի ղեկավարության ներկայացուցիչները, ովքեր լավ աշխատանքների հեղինակներին հնարավորություն կընձեռեն «Monte-Carlo Fashion Week 2019» միջոցառման շրջանակում ներկայացնել իրենց աշխատանքները:

Նշենք նաեւ, որ հունիսին Մոնակոյի արքեպիսկոպոս Բեռնարդ Բարսին ընդունել է  Վրույր Փենեսյանին, ում  վերջինս նվիրաբերել է  հայկական գորգ-խաչքար, որը կրկնօրինակված է Գոշավանքում գտնվող 12-րդ դարի խաչքարից, որն իր ուրույն տեղը կգտնի Մոնակոյի նորակառույց մատուռում: Առաջին անգամ  հայկական խաչքարը կներկայացվի Մոնակոյում։  Այս ամենը լավ հիմք է հայկական համայնքի համար հայկական եկեղեցու հետ կապերն ամրապնդելու գործում: Հեռահար  նպատակ ունենք, որ այս միջոցառումը կկրի ամենամյա բնույթ։

ՕՐԵՐ


Առնչվող նյութեր
1. Հայկական օրերը Մոնակոյում վերածվեցին մշակութային հրավառության
2. Մրցույթ- փառատոներ, որոնք ճանապարհ են բացում դեպի մեծ բեմեր…
3. Մինչեւ տարեվերջ կընդունվեն կինոյի եւ թանգարանների մասին օրենքները. Լիլիթ Մակունցն ամփոփել է 100 օրը
4. Վիկտորիա Անանյան. Բալետի հայազգի թագուհին երազում է պարել Հայաստանում
5. Արամ Խաչատրյանի «Գայանե» բալետը ներկայացվեց Մոսկվայի Մեծ թատրոնում
6. Մշակույթի օրենք է պետք, որ լավն ու վատը չորոշվի մեկի ճաշակով. հանդիպում-քննարկում
7. Երեւանում յոթ կառույցի տրվել է պատմության և մշակույթի անշարժ հուշարձանի կարգավիճակ
8. «Ոսկե ծիրանը» մշակութային մեր ամենամեծ գանձն է, որն արժանի է ունենալու պետության ամուր աջակցությունը. Արսինե Խանջյան
9. Մեդինսկին Երեւանում կարևորել է տեղեկատվական տեխնոլոգիաների և ֆիլմարտադրության ոլորտներում համագործակցության խորացումը
10. Վաշինգտոն. Սմիթսոնյան հաստատության փառատոնը ներկայացնելու է Հայաստանի մշակույթը, արհեստն ու արվեստը

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: