ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայաստանը շահագրգիռ է Չեխիայի հետ համակողմանի համագործակցության զարգացման եւ մարդկային շփումների ակտիվացման հարցում

14 մայիսի, 2014 | 07:04

czech galust sahakyanՄայիսի 13-ին ՀՀ ԱԺ նախագահ Գալուստ Սահակյանն ընդունեց Չեխիայի խորհրդարանական պատվիրակությանը Պատգամավորների պալատի միջնորդության հարցերով հանձնաժողովի նախագահ Զուզկա Բեբարովա-Ռույբրովայի գլխավությամբ: Հանդիպմանը ներկա էր ԱԺ փոխնախագահ, Հայաստան-Չեխիա բարեկամության խմբի նախագահ Էդուարդ Շարմազանովը:

Տիկին Բեբարովա-Ռույբրովան Գալուստ Սահակյանին փոխանցեց Չեխիայի Պատգամավորների պալատի նախագահ Յան Համաչեկի շնորհավորական ուղերձը ԱԺ նախագահի պաշտոնում ընտրվելու կապակցությամբ:

Շնորհակալություն հայտնելով շնորհավորանքների համար` Գալուստ Սահակյանը նշեց, որ Հայաստանը շահագրգիռ է Չեխիայի հետ համակողմանի համագործակցության զարգացման, քաղաքական երկխոսության շարունակականության, միջխորհրդարանական հարաբերությունների խորացման, առեւտրատնտեսական կապերի ընդլայնման եւ մարդկային շփումների ակտիվացման հարցում: ԱԺ նախագահի համոզմամբ` չեխ խորհրդարանականների այցը Հայաստան լրացուցիչ խթան կհանդիսանա հայ-չեխական հարաբերությունների եւ միջխորհրդարանական համագործակցության զարգացման գործում: «Վստահ եմ, որ մեր երկու երկրների խորհրդարանների միջեւ բարեկամական կապերի վրա հիմնված համագործակցությունն առավել կամրապնդվի եւ կզարգանա՝ ի շահ մեր երկրների»,-ասաց Գալուստ Սահակյանը:

Չեխ պատգամավորները նույնպես կարեւոր համարեցին երկու երկրների խորհրդարանների միջեւ համագործակցության հետագա զարգացումը, տարբեր ձեւաչափերով փոխգործակցության խորացումը: Նրանց համոզմամբ՝ երկկողմ արդյունավետ փոխգործակցությունը պայմանավորված է նաեւ հայ եւ չեխ ժողովուրդների դարավոր բարեկամությամբ: Երկուստեք կարեւորվեց համագործակցությունը միջազգային կառույցներում:

Հանդիպման ընթացքում քննարկվեցին այլ հարցեր եւս:


Առնչվող նյութեր
1. Հայաստանի դպրոցներում կներդրվի Աշխարհատեղեկատվական համակարգը
2. Անդրան Աբրահամյանը ճանաչվեց Լավագույն ռեժիսոր ՙՖամուֆեստ՚ կինոփառատոնում
3. Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
4. Հայկ Մարությանն ընդունել է Չեխիայի դեսպանին
5. Չեխահայ անվանի գործիչ Ալեքսանդր Սարգսյանին՝ Սփյուռքի նախարարության Ոսկե հուշամեդալ
6. ԱՆՇԱՐԺ ԳՈՒՅՔԻ ԳՆԵՐԸ ԲԱՐՁՐԱՆՈՒ՞Մ ԵՆ
7. 52 տարի` օգտակար լինելու ցանկությամբ
8. Հայաստանի դեսպանը շնորհավորել է չեխ ժողովրդին 100-ամյա հոբելյանի առիթով
9. Պրահայում նշվում է Չեխոսլովակիայի հիմնադրման 100 ամյակը
10. Հայկ Մարությանի ուղերձը՝ «Էրեբունի-Երևանի» հիմնադրման 2800-ամյակի առթիվ

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: