ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայաստանէն Առաքուած Մարդասիրական Երկրորդ Օժանդակութեան Առաջին Բաժինը Հասաւ Հալէպ

19 փետրվարի, 2017 | 11:37

halep arm 2 Կիրակի, 19 Փետրուար 2017-ի առաւօտեան ժամը 11։00-ին «Հայաստանի Ժողովուրդէն Սուրիոյ Բարեկամ Ժողովուրդին» խորագիրը կրող Հայաստանի Հանրապետութեան մարդասիրական երկրորդ օժանդակութեան առաջին բաժինը հասաւ Հալէպի Ս. Աստուածածին եկեղեցի՝ ռուսական զինուորական բեռնակառքերով։ Օժանդակութիւնները ստանձնեց ՀՀ Հալէպի Գլխաւոր Հիւպատոս Տիգրան Գէորգեան, ներկայութեամբ փոխհիւպատոս Արմէն Գէորգեանի, Սուրիահայութեան Շտապ Օգնութեան եւ վերականգնումի Կեդրոնական Մարմնի ներկայացուցիչներ, Վերապատուելի Յարութիւն Սելմիեան եւ Տ. Զարեհ Քհնյ. Շաքարեանի, ինչպէս նաեւ Շտապ Օգնութեան Հալէպի Գործադիր Մարմնի, Ազգային Իշխանութեան ներկայացուցիչներուն։

halep arm ognutuinՀայաստանէն մարդասիրական օժանդակութիւններու առաքման հսկողութեան համար ներկայ էր նաեւ ՀՀ  Արտակարգ Իրավիճակներու Նախարարութեան ներկայացուցիչ Գնդապետ Պաւել Կէօզալեան։ ՀՀ Հալէպի Գլխաւոր Հիւպատոս Տիգրան Գէորգեան անդրադառնալով մարդասիրական այս օժանդակութեան «Գանձասար»ին ըսաւ. «Այս օժանդակութիւնը երկրորդն է, առաջինը հասած էր Հոկտեմբեր 2016-ին, երկրորդը առաքուած է երկու օդանաւով, առաջին այս բաժինը, որ Լաթաքիա հասաւ 14 Փետրուարին եւ այսօր Հալէպ, կը պարունակէ սննդամթերք ու առաջին անհրաժեշտութեան իրեր։

Երկրորդ օդանաւը եւս 17 Փետրուարին հասած է Լաթաքիոյ Հըմէյմիմ ռուսական ռազմակայան։ Ան կը պարունակէ փոքրերու եւ մեծերու յատուկ հանդերձանք։ ՕԺանդակութեան մէկ մասը բաժնուած է արդէն Քեսապի, Թարթուսի, Լաթաքիոյ, Դամասկոսի մեր համայնքին եւ արաբ ժողովուրդին։ Օժանդութեան Հալէպի բաժինը Շտապ Օգնութեան Գործադիր Մարմնին ճամբով պիտի բաժնուի համայնքի բոլոր կարիքաւորներուն, առանց խտրականութեան, ինչպէս նաեւ ոչ հայ կարիքաւորներուն։ Հայաստանի կառավարութեան որոշումով մարդասիրական այս օժանդակութիւնները շարունակական բնոյթ պիտի ստանան»։

Հիւպատոսը նշեց թէ, ռուսական եւ հայկական բոլոր լրատուամիջոցները հաղորդեցին մարդասիրական օժանդակութեան առաքումը։ ՀՀ Արտակարգ Իրավիճակներու Նախարարութեան ներկայացուցիչ Գնդապետ Պաւել Կէօզալեան ըսաւ. «Մարդասիրական օժանդակութեան տրամադրման ընթացքին ես ներկայ եղայ Լաթաքիա, իսկ այժմ Հալէպի Ս. Աստուածածին եկեղեցի։ Քաղաք մտած պահուս իմ վրաս շատ ծանր ազդեց այն հանգամանքը, որ քաղաքը ահաբեկչական յարձակումներու եւ մարտական գործողութիւններու հետեւանքով ենթարկուած է հսկայածաւալ քանդումներու։

Այստեղ ցաւով իմացայ նաեւ, որ զոհերուն մէջ եղած են հայեր եւս։ ՀՀ կողմէ տրամադրուած այս օժանդակութիւնը քայլ մըն է՝ մեղմացնելու Սուրիոյ ժողովուրդին տագնապը»։ Շտապ Օգնութեան Հալէպի Գործադիր Մարմնի անդամ Զեփիւռ Գէորգեան նախ շնորհակալութիւն յայտնեց հայրենիքին, ՀՀ Գլխաւոր Հիւպատոսին եւ նշեց թէ, օժանդակութիւնը քանակի եւ տեսակի համաձայն պիտի բաշխուի Հալէպի բոլոր կարիքաւոր ընտանքիներուն, նկատի պիտի առնուին նաեւ տարիքային բաժանումները։ Օրինակ մը տալու համար ան ըսաւ որ, նախորդ օժանդակութեան ծրարներու մէջ գտնուող վերարկուները բաշխուեցան հալէպահայ բոլոր վարժարաններու աշակերտութեան։

Պէթի Քիլէրճեան

՚Գանձասար՚ պաշտոնաթերթ

Հալէպ

 


Առնչվող նյութեր
1. Հայաստանի դպրոցներում կներդրվի Աշխարհատեղեկատվական համակարգը
2. ԱՆՇԱՐԺ ԳՈՒՅՔԻ ԳՆԵՐԸ ԲԱՐՁՐԱՆՈՒ՞Մ ԵՆ
3. 52 տարի` օգտակար լինելու ցանկությամբ
4. Հայկ Մարությանի ուղերձը՝ «Էրեբունի-Երևանի» հիմնադրման 2800-ամյակի առթիվ
5. ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՓՈՐՁԻ ՓՈԽԱՆԱԿՄԱՆ ԾՐԱԳԻՐ ՀԱՅԱՍՏԱՆՈՒՄ
6. Այս փուլում և՛ կառավարությունը, և՛ բոլոր պետական մարմինները պետք է անխափան գործեն. Նիկոլ Փաշինյանը և Արմեն Սարգսյանը քննարկել են ներհայաստանյան քաղաքական իրավիճակը
7. Դեկտեմբերի արտահերթ ընտրություններում քվերակությունը կատարվելու է առանց գրիչի. Նիկոլ Փաշինյան
8. Գանա – Հայաստան. հաստատվեցին դիվանագիտական հարաբերություններ
9. Կեղծիքներով ձևավորված եւ ժողովրդի իղձերին դեմ կանգնած «Ազգային Ժողովը» որքան շուտ պետք է լուծարվի:-Եվրոպայի Հայերի Համագումար
10. Հայը հային երբեք այսքան շատ չի սիրել. Նիկոլ Փաշինյանը Էջմիածնի 2703-ամյա տոնակատարությանը

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: