ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
14 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Համբարձման տոնը Մայր Աթոռում «Ահա այս վայրն է մեր հայոց հավատքի Ձիթենյաց լեռը, որտեղ երկինքն ու երկիրը հանդիպում են»

15 մայիսի, 2015 | 06:53

hambartsman tonՄայիսի 14-ին Հայաստանյայց Առաքելական Սուրբ Եկեղեցին նշեց մեր Տեր և Փրկիչ Հիսուս Քրիստոսի Համբարձման տոնը: Այս օրը տոնախմբվում է նաև Հայոց Հայրապետական Աթոռի` 1441 թ. Սսից Սուրբ Էջմիածին փոխադրության հիշատակը:

Այս առիթով Մայր Աթոռ Սուրբ Էջմիածնում մատուցվեց Ս. Պատարագ: Պատարագիչն էր Մայր Աթոռի լուսարարապետ Գերաշնորհ Տ. Հովնան եպիսկոպոս Հակոբյանը:

Սուրբ Պատարագի արարողության ավարտին Հովնան Սրբազանը քարոզեց օրվա խորհրդի շուրջ:

Իր խոսքում պատարագիչ Սրբազանն անդրադարձ կատարեց նաև Հայրապետական Աթոռի Սսից Էջմիածին փոխադրման պատմական իրողությանը` մասնավորապես նշելով. «Հայրապետական Մայր Աթոռը, երկար տարիներ դեգերելով, 1441 թվականին վերջնականապես հաստատվեց այս Միածնաէջ վայրում: Մեր հայրապետները պատմության դաժան թելադրանքով ստիպված են եղել Հայրապետական Աթոռը տեղափոխել զանազան վայրեր: Ի վերջո, այն վերահաստատվել է Մայր Աթոռ Սուրբ Էջմիածնում: Ահա այս վայրն է մեր հայոց հավատքի Ձիթենյաց լեռը, որտեղ երկինքն ու երկիրը հանդիպում են, և այս եկեղեցու քարերը, ինչպես բանաստեղծն է վկայում, դեպի երկինք բարձրացող գաղտնի ճամփաներ ունեն»:

Մայր Աթոռի լուսարարապետն իր խոսքում նաև հայցեց, որ վերին զորքերի բարեխոսությամբ միշտ անշարժ մնա Հայկազյան Աթոռը, և Աստված ազգընտիր Հայոց Հայրապետին պարգևի կենաց արևշատություն:

Այնուհետև Իջման Ս. Սեղանի առջև, նախագահությամբ ԳԵրաշնորհ Տ. Նաթան արքեպիսկոպոս Հովհաննիսյանի, կատարվեց Հայրապետական մաղթանք` Մայր Աթոռ Ս. Էջմիածնի անսասանության ու պայծառության և Ամենայն Հայոց Կաթողիկոսի երկարամյա արդյունաշատ գահակալության համար:

###


Առնչվող նյութեր
1. Սուրբ Ծննդյան և Աստվածհայտնության տոնը Մայր Աթոռ Սուրբ Էջմիածնում
2. Լույս է տեսել «Արարատ»-ի բնագիրները» գրքի Բ հատորը
3. Էջմիածնում բացվեց «Էօրնեկեան հանրակրթական դպրոց»ի նոր կրթահամալիրը
4. Գերագույն հոգևոր խորհրդի ժողով Մայր Աթոռ Ս. Էջմիածնում
5. Էջմիածնում ընտրվել է Գերագույն հոգևոր խորհրդի նոր կազմը
6. Եկեղեցական-ներկայացուցչական վեցերորդ ժողովը սկսվեց Մայր Աթոռ Սուրբ Էջմիածնում
7. Մայր Աթոռը հայտարարում է Ավագ Շաբաթվա ծրագիրը
8. Մեկ տարում աշխարհում օծվել է 22 հայկական եկեղեցի
9. Աթեշյան Սրբազանի լիազորությունները դադարեցվում են, տեղապահի ընտրությունը մինչեւ մարտի 15
10. Ի Տեր ննջեց Տ. Մեսրոպ արքեպիսկոպոս Գրիգորյանը

Մեկնաբանություն

Վերջին լուրեր
1.Գարեգին Բ- Նիկոլ Փաշինյան հանդիպում Մայր Աթոռում
2.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
3.Արման Նուռի անհատական մեծ ցուցահանդեսը Վենոզայում
4.Հայաստանի դպրոցներում կներդրվի Աշխարհատեղեկատվական համակարգը
5.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
6.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
7.Յուրի Վարդանյանի հուղարկավորությունը Կոմիտասի պանթեոնում
8.«Մենք սպասում ենք Հայաստանի Հանրապետության պատմության մեջ լավագույն ընտրություններին». Պյոտր Սվիտալսկին:
9.Չեխական «Դոմեստիկ» ֆիլմը կցուցադրվի Երեւանում
10.Ամենայն Հայոց Կաթողիկոսն ընդունեց Հայկական Բարեգործական Ընդհանուր Միության նախագահին
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: