ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
15 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Կոմիտաս Շվեյցարիա – Հայաստան բարեգործական կազմակերպության 20-ամյակին նվիրված միջոցառում Ժնևում

06 սեպտեմբերի, 2017 | 16:58

Սեպտեմբերի 3-ին Ժնևի հայկական կենտրոնում տեղի ունեցավ «Կոմիտաս Շվեյցարիա – Հայաստան» (KASA – Komitas Action Suisse-Arménie) բարեգործական միության գործունեության 20-ամյակին նվիրված հանդիսավոր միջոցառում, որի շրջանակներում ողջույնի խոսքով հանդես եկավ Շվեյցարիայի Համադաշնությունում ՀՀ դեսպանորդ Հասմիկ Տոլմաջյանը, ով երախտագիտություն հայտնեց ԿԱԶԱ-ի նախագահ Մոնիկ Բոնդոլֆի-Մասրաֆին և Դարիո Բոնդոլֆիին` Հայաստանում ծավալած մարդասիրական երկարամյա գործունեության համար։

Դեսպանորդ Տոլմաջյանն իր խոսքում ընդգծեց, որ հիշյալ կազմակերպությունը, մարդասիրական գործունեության հետ մեկտեղ բազմաթիվ ծրագրեր սկսեց իրականացնել նաև շինարարության՝ հանրակրթական և արվեստի դպրոցների կառուցում և վերանորոգում, մասնագիտական վերապատրաստման, այդ թվում` առցանց ուսուցման ծրագրի միջոցով, ինչպես նաև գյուղատնտեսության և զբոսաշրջության բնագավառներում՝ դառնալով մեր երկրի կայուն զարգացման կարևոր դերակատարներից մեկը։ Դրվատվեց նաև կազմակերպության կողմից Փախստականների հարցերով ՄԱԿ գերագույն հանձնակատարի գրասենյակի հետ համագործակցաբար իրականացվող գործունեությունը՝ ուղղված սիրիահայ փախստականների ինտեգրմանը:

Նշվեց, որ ԿԱԶԱ-ն իր կարևոր նպաստն է բերել ինչպես հայ-շվեյցարական միջմշակութային կապերի խորացմանը, այնպես էլ հայ և շվեյցարացի ժողովուրդների միջև բարեկամության առավել ամրապնդմանը։

Հայաստանում և Սփյուռքում ծավալած բարեգործական և հասարակական գործունեություն համար՝ դեսպանորդ Հասմիկ Տոլմաջյանը Մոնիկ և Դարիո Բոնդոլֆիներին հանձնեց ՀՀ Սփյուռքի նախարարության կողմից շնորհված «Պողոս Նուբար» մեդալը, իսկ «Արմենիանոս,, հիմնադրամի նախագահ Ժակ Հոշստետերը և անհատ բարերար Լուսիան Շտամպն արժանացան հատուկ շնորհակալագրերի՝ տարիներ ի վեր Հայաստանում ԿԱԶԱ-ի կողմից իրականացվող ծրագրերին ցուցաբերած նշանակալի օժանդակության համար։

Միջոցառումը եզրափակվեց հայ և շվեյցարացի արվեստագետների երաժշտական կատարումներով, ինչպես նաև ԿԱԶԱ-ի անցած 20-ամյա ուղին ներկայացնող ֆիլմի ցուցադրությամբ։


Առնչվող նյութեր
1. Արտգործնախարար Զոհրաբ Մնացականյանի հանդիպումը Շվեյցարիայի հայ համայնքի ներկայացուցիչների հետ
2. Շվեյցարիա. Ժընեւի «Արձագանգ» երկամսեայ թերթը տօնեց իր 30-ամեակը
3. Դիվանագետ Հասմիկ Տոլմաջյանին՝ Ֆրանսիական Հանրապետության Արժանիքի ազգային շքանշան
4. Ժնեւ. Արցախի վարչապետը շվեյցարահայերին ներդրումներ անելու կոչ է արել
5. Հայոց ցեղասպանության 100-րդ տարելիցին նվիրված համերգ Ժնևում
6. Շվեյցարահայ կոմպոզիտոր Հայկ Վարդանի սիմֆոնիաներն առաջին անգամ կկատարվեն Պրահայում փետրվարի 22-ին

Մեկնաբանություն

Վերջին լուրեր
1.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
2.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
3.Գարեգին Բ- Նիկոլ Փաշինյան հանդիպում Մայր Աթոռում
4.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
5.Արման Նուռի անհատական մեծ ցուցահանդեսը Վենոզայում
6.Հայաստանի դպրոցներում կներդրվի Աշխարհատեղեկատվական համակարգը
7.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
8.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
9.Յուրի Վարդանյանի հուղարկավորությունը Կոմիտասի պանթեոնում
10.«Մենք սպասում ենք Հայաստանի Հանրապետության պատմության մեջ լավագույն ընտրություններին». Պյոտր Սվիտալսկին:
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: