ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Կարել Շվարցենբերգին՝ Հայաստանի Ազգային ժողովի Պատվո մեդալ

03 հուլիսի, 2017 | 13:00

ՊՐԱՀԱ.ՕՐԵՐ.- Հուլիսի 3-ին Չեխիայում Հայաստանի դեսպանություն այցելեց Չեխիայի խորհրդարանի Պատգամավորների պալատի արտաքին հարաբերությունների հանձնաժողովի նախագահ, Չեխիայի նախկին արտգործնախարար Կարել Շվարցենբերգը։

Չեխիայում Հայաստանի դեսպան Տիգրան Սեյրանյանը ողջունելով պատվարժան հյուրին, տեղեկացրեց, որ նա  Հայ-չեխական խորհրդարանական կապերին ցույց տված մեծ աջակցության, ինչպես նաեւ չեխական խորհրդարանի կողմից Հայոց ցեղասպանության մասին բանաձեւի ընդունման հարցում ունեցած ներդրման համար արժանացել է   Հայաստանի Ազգային ժողովի Պատվո մեդալին։

Դեսպանից  ստանալով Պատվո մեդալը , Կարել Շվարցենբերգը նշեց, որ շատ զգացված է նման պարգեւի արժանանլու համար եւ չէր սպասում, որ իր համեստ աշխատանքին նման գնահատական կտրվի։

Պարգեւատրմանը հետեւեց մտերմիկ զրույց, որի ընթացքում նախկին արտգործնախարարին դեսպանը հիշեցրեց, որ 5.5 տարի առաջ Պրահայում նա է Հայաստանի արտգործնախարար Նալբանդյանի հետ միասին բացել Հայաստանի դեսպանությունը եւ մեծ է նրա ավանդը հայ-չեխական դիվանագիտական կապերի զարգացման գործում։ Այդ տարիներին նաեւ Երեւանում բացվեց Չեխիայի դեսպանությունը։ Իսկ 2015 թվականին նրա ղեկավարած արտաքին հարաբերությունների կոմիտեն առաջինը ընդունեց Հայոց ցեղասպանության մասին բանաձեւ։

Պարոն Շվարցենբերգի խնդրանքով, դեսպան Սեյրանյանը նաեւ անդրադարձավ Արցախի հիմնախնդրի լուծման ներկա փուլին, մեր տարածաշրջանում առկա քաղաքական իրավիճակին, սիրիահայության խնդիրներին եւ Հայաստանում ապաստան գտած սիրիահայերի վիճակին։

Հանդիպմանը ներկա էին նաեւ դեսպանության խորհրդական Նունե Զաստուխովան, հյուպատոս Աննա Ավետիսյանը, ՕՐԵՐ ամսագրի գլխավոր խմբագիր Հակոբ Ասատրյանը։

 

ՕՐԵՐ


Առնչվող նյութեր
1. Կարինե Արթունին վերանորոգել է Պրահայի քաղաքապետարանի հին աշտարակի զինանշանները
2. Կյանքից հեռացավ հայ ժողովրդի մեծ բարեկամ պրոֆ. Էվժեն Կինդլերը
3. Պրահան սքանչելի քաղաք է, թանգարան է բաց երկնքի տակ.Արա Բաբլոյան
4. Արա Բաբլոյանը հանդիպել է Չեխիայի վարչապետ Անդրեյ Բաբիշին
5. Միլան Շտյեխ. Չեխիան միշտ պատրաստ է երկխոսության մեջ լինել Հայաստանի հետ
6. Արա Բաբլոյանի գլխավորած պատվիրակությունը վաղը կժամանի Պրահա
7. Չեխիայում նշում են Չեխոսլովակիայի օկուպացման 50-ամյակը
8. Հայաստանի դեսպան Տիգրան Սեյրանյանը պատռում է Աշոտ Գրիգորյանի իրական դեմքը՝ պատասխանելով նրա հերյուրանքներին
9. Սլովաքիա՝ Իսրայէլի միջոցով զէ՞նք կը վաճառէ Ազէրպայճանին
10. Ինչպե՞ս է չեխական զենքը հայտնվել Ադրբեջանում. բացահայտում են չեխ լրագրողները

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: