ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
24 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Կարել Ապպելից մինչեւ Արմեն Ղոչ. Փարիզյան արվեստի նորություններ

03 ապրիլի, 2017 | 14:03

Արմեն Ղոչը՝  ,,Սոբերինգ,, պատկերասրահում

paris 3

Փարիզի կենտրոնում Պիկասսոյի թանգարանի հարեւանությամբ գտնվող ,,Սոբերինգ,,  պատկերասրահում մարտի 23-ին բացվեց ֆրանսահայ արվեստագետ Արմեն Ղոչի անհատական ցուցահանդեսը։ Այն տեւելու է մինչեւ մայիսի 6-ը։

Արմեն Ղոչ – Հաջյանը հայ ավանգարդ արվեստի երեւելի դեմքերից է, 1980-ականների կեսերին Երեւանում անցկացվող լեգենդար ,,3-րդ հարկ,, ցուցահանդեսների ակտիվ մասնակիցներից մեկը։ Նրա արվեստը կրելով փորձարարական ոգու կնիքը, միաժամանակ շատ  նուրբ է եւ հայեցողական։ 2000 թվականների սկզբից Արմեն Ղոչի ստեղծագործություններում գերիշխում են … սովորական թեյածրարները…բազմահազա՜ր թեյածրարները։  Արվեստագետը դրանք չի գնում խանութներից, այլ համբերատար հավաքում է արդեն օգտագործվածները, դրանց տալով երկրորդ կյանք ու իմաստ։ Ինչպես ինքն է ասում, որպես գեղարվեստական նյութ օգտագործելով թեյածրարները, նա փորձում է դրանցով հաղորդել թեյախմության խորհուրդն ու կենդանի շունչը՝ վերաիմաստավորելով թեյածրարները որպես ներքին երկխոսության եւ գաղտնազրույցի հաղորդիչներ։

Թեյածրարների շարքերը տարբեր դասավորությունների եւ գունային շեշտադրումների համադրությամբ, նրբաճաշակ արվեստագետի հորինվածքներում վերածվում են բարձրարվեստ գեղարվեստական ստեղծագործությունների։ Դրանք էլ տարբեր վիճակներում ցուցադրվում են որպես պատկերներ, օբյեկտներ, կամ ինստալացիա-տեղադրումներ։ Տարբեր ոճի բազմաթիվ նախագծեր արդեն ցուցադրվել են եվրոպական հայտնի տարբեր ցուցասրահներում, ինչպես նաեւ Հայաստանում ՝ Երեւանի ՆՓԱԿ-ում եւ Գյումրիի միջազգային Բիենալեի ժամանակ։

paris 4Այս տարի  ,,Արթ Փարիզ,, նշանավոր ամենամայա միջազգային գեղարվեստական սալոնում ,,Սոբերինգ,, պատկերասրահն այլ հայտնի արվեստագետների գործերի հետ միասին ներկայացրել էր նաեւ Արմեն Ղոչի աշխատանքներից։ Ցուցահանդեսի համադրողն է  Ջիլդա Ռ. Գեղամյանը, պատկերասրահի տնօրենուհին է հայ-ֆրանսիական ծագումով Պատրիսիա Քիշիշյանը, ով իր իսկ ասելով հպարտությամբ է կրում հայրական ազգանունը։

paris 6

paris2

 

Կարեւոր ցուցահանդես Փարիզի d’Art moderne-ում

Կարել Ապպելը(1921-2006) հետպատերազմյան եվրոպական նկարչության առանցքային դեմքերից է, նշանավոր ԿՈԲՐԱ (Կոպենհագեն, Բրյուսել, Ամստերդամ) միջազգային խմբավորման հիմնադիր մասնակիցներից։ Նա կարեւոր հետք է թողել արեւմտաեվրոպական գեղանկարչության վերջին տասնամյակների զարգացումների վրա։ Կարել Ապպելի արվեստը հայտնի է հզոր արտահայտչականությամբ, որը սնվել է հյուսիսային երկրների առասպելներից, մանկական նկարչությունից եւ այլընտրանքային այլ աղբյուրներից։ Փարիզի ժամանակակից արվեստի թանգարանում ընթացող Ապպելի հետահայաց ցուցահանդեսի կազմակերպիչ-համադրողն է հայազգի երիտասարդ արվեստաբան  Շողակաթ Ղազարյանը։

Նա նաեւ մի շարք այլ նշանավոր արվեստագետների՝ օրինակ իտալացի Լուչիո Ֆոնտանայի, ամերիկացի Հենրի Դարջերի եւ այլոց ցուցահանդեսների կազմակերպիչներից է։ Եվրոպական եւ միջազգային հետաքրքիր, դինամիկ ոչ հեշտ արթ միջավայր է մուտք գործել երիտասարդ ու խոստումնալից մի անհատականություն, ով վստահաբար արվեստագետներին  կուրախացնի նոր եւ հետաքրքիր բազմաթիվ այլ նախագծերով։

Ցուցահանդեսը կգործի մինչեւ 2017-ի օգոստոսի 20-ը։

 

Սեփ. Թղթ.

 

Փարիզ

ՕՐԵՐ

karel appel8 karel appel7 karel appel 4 karel appel 5 karel appel 3 karel appel1


Առնչվող նյութեր
1. Չինական գեղագրությունը և գրաֆիկան Հայաստանում
2. Լեհաստանաբնակ հայ նկարիչներ Հելեն Հարութի եւ Սուրեն Վարդանյանի ցուցահանդեսը Լուբաչով քաղաքում
3. «Քարերի պոեզիա. Անի». ցուցահանդես Երեւանում
4. Նախագահ Արմեն Սարգսյանը Փարիզում հանդիպումներ է ունեցել ֆրանսիական խոշոր ձեռնարկությունների ղեկավարների հետ
5. Առաջին Հանրապետության 100-ամյակին նվիրված ցուցահանդեսի բացում Երեւանում
6. Հայաստանի Ազգային Պատկերասրահում բացվեց Վալմարի հոբելյանական ցուցահանդեսը
7. Արաքսիա Ղազարյանի «Մեր ակունքները» խորագրով ցուցահանդես Պրահայում
8. Բանակի սպառազինությունը և պաշտպանական տեխնոլոգիաները մեկ վայրում․Երևանում բացվեց «ArmHiTec-2018» միջազ­գային ցուցահանդեսը
9. Հայաստանն առաջին անգամ մասնակցեց Լայպցիգի Գրքի ամենամյա տոնավաճառին
10. Հայաստանը «ITB Berlin – 2018» միջազգային զբոսաշրջային ցուցահանդեսում

Մեկնաբանություն

Վերջին լուրեր
1.Երեւանի ավագանու ընտրություններում առաջատարը ,,Իմ քայլը,, կուսակացությունների դաշինքն է՝ 80.7 տոկոսով
2.Իսպանիա. Հայաստանին նվիրված տոնական համերգ Սանտա Կոլոմա դե Գրամանետիում
3.«Իմ առաջադրանքը ձեզ շատ պարզ է` ամեն օր լուծել թեկուզ փոքր, բայց որևէ կոնկրետ խնդիր». Վարչապետը հանդիպել է Արարատի մարզի համայնքների ղեկավարներին
4.Գաֆեսճյան արվեստի կենտրոնում տեղի ունեցավ Հայաստանում Եվրոպական Ժառանգության օրերի պաշտոնական բացումը
5.ՀՀ քաղաքացիական ավիացիայի կոմիտեի նախագահի այցը Չինաստան
6.Երեւանի ավագանու ընտրությունների կապակցությամբ Եվրոպայի Հայերի Համագումարի կոչը Երեւանցիներին.
7.Ռումանիոյ Հայոց Թեմի առաջնորդ Տ. Տաթև եպիսկոպոս Հակոբյանի շնորհավորական ուղերձը ՀՀ անկախության 27-րդ տարեդարձի առիթով
8.Հայաստանի անկախության 27-ամյակին նվիրված միջոցառում Լիոնում
9.ԱՌԱՋԻՆԷՆ ՄԻՆՉԵՒ ՉՈՐՐԱՐԴ ՀԱՅԱՍՏԱՆԻ ՀԱՆՐԱՊԵՏՈՒԹԻՒՆ. ԱՆԿԱԽՈՒԹՅԱՆ ՕՐ
10.Պապը Կը Շնորհաւորէ Մխիթարեան Միաբանութեան 300ամեակը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: