ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
25 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Խորվաթիա.Արտակ Համբարձումյանի նոր խաչքարը Դուբրովնիկում

27 ապրիլի, 2016 | 16:29

Dubrovnik Xorvatia 2016Ապրիլի 24-ին Խորվաթիայի Դուբրովնիկ քաղաքի Դոմինիկյան վանքի բակում տեղի ունեցավ խաչքարի բացման արարողություն՝ նվիրված Հայոց ցեղասպանության 101-րդ տարելիցին: Միջոցառմանը ներկա էին պատգամավորներ, հոգևոր գործիչներ, ԶԼՄ ներկայացուցիչներ և Դուբրովնիկի քաղաքացիներ:

Բացման խոսքով հանդես եկավ Դոմինիկյան ուխտի անդամ, պատմական և աստվածաբանական գիտությունների պրոֆեսոր Հայր Ստեպյան Կրասիչը, ով իր խոսքում անդրադարձավ հայ ժողովրդի դարավոր պատմությանը, քրիստոնեության ընդունմանը և ընդգծեց, որ հայ ժողովուրդը իր հավատքի համար ամենաշատ տառապած ժողովուրդն է: Այնուհետև հանդես եկավ Խորվաթիայում ՀՀ հյուպատոս (նստավայրը՝ Հռոմ) Արման Հովհաննիսյանը: Վերջինս իր խոսքում նշեց, որ նրանք, ովքեր փորձել են բնաջնջել հայ ժողովրդին, ոչնչացրել են նաև հայության ներկայության հետքերը, այդ թվում նաև խաչքարերը՝ հիշատակելով ադրբեջանական բարբարոսությունները Նախիջևանում: Նշվեց, որ Հայոց ցեղասպանությունը դեռևս չի արժանացել միաձայն ճանաչման և դատապարտման: Թուրքիայից եկող ազդակները այս առնչությամբ հուսադրող չեն: Այս 101 տարվա ընթացքում Թուրքիայի իշխանությունները միայն հարստացրել են իրենց մերժողականության գործիքակազմը, ինչպես նաև խրախուսել Ադրբեջանի բռնապետական ռեժիմին կրկնել անցյալի ոճիրները, ինչպես դա տեղի ունեցավ օրեր առաջ Լեռնային Ղարաբաղում:

Այնուհետև վանքի առաջնորդ հայր Մատիաս Ֆարկաշը կատարեց խաչքարի օծման արարողությունը: Միջոցառումն ուղեկցվել է հայկական թառի հնչյունների ներքո՝ Միքայել Ոսկանյանի կատարմամբ:

Տեղեկանք. Խաչքարի քանդակագործն է Արտակ Համբարձումյանը: Խաչքարի պատրաստման և տեղադրման նախաձեռնությունը պատկանում է Հայ-խորվաթական ընկերակցության նախագահ Նաիրա Ասատրյանին: 

Dubrovnik Xorvatia xachkar 2016

 


Առնչվող նյութեր
1. Հայոց ցեղասպանության թանգարան-ինստիտուտի նոր տնօրեն է ընտրվել Հարություն Մարությանը
2. ՑԵՂԱՍՊԱՆՈՒԹՅՈՒՆԸ ԴԱՐՁՅԱԼ ՀԱՄԱՇԽԱՐՀԱՅԻՆ ՕՐԱԿԱՐԳՈՒՄ Է
3. Ծայրահեղականության, խտրականության և ատելության միտումները ցնցում են միջազգային օրակարգը. Զոհրաբ Մնացականայան
4. Ջորջ Բարսեղյանի եզակի նվիրատվությունը Հայոց ցեղասպանության թանգարանին
5. Գերմանիայի կանցլերը ծաղկեպսակ դրեց ցեղասպանության հուշակոթողին եւ եղեւնի տնկեց Ծիծեռնակաբերդում
6. Կոստադին Բոնեւի ցեղասպանության մասին ֆիլմը ,,Ոսկե ծիրան,,ում
7. ՀԱՅՈՑ ՑԵՂԱՍՊԱՆՈՒԹՅԱՆ ԹԱՆԳԱՐԱՆ-ԻՆՍՏԻՏՈՒՏԻ ՇՈՒՐՋ ՍՏԵՂԾՎԱԾ ԻՐԱՎԻՃԱԿԻ ՄԱՍԻՆ
8. Թերեզինում բացվել է «Հոլոքոստ. ոչնչացում, ազատագրում, փրկություն» խորագրով ցուցահանդեսը
9. Սա մշակութային ցեղասպանություն է. Չեխական թերթը Թուրքիայում հայկական ժառանգության մասին
10. Դեսպան Արման Կիրակոսյանը Խորվաթիայի Հանրապետությունում

Մեկնաբանություն

Վերջին լուրեր
1.Աշխարհի առաջնորդները միավորվում են երիտասարդությանը որակյալ կրթություն տրամադրելու նոր նախաձեռնության շուրջ
2.Նիկոլ Փաշինյանն ու Ամենայն Հայոց կաթողիկոսը այցելել են Նյու Յորքի Մետրոպոլիտեն թանգարանում բացված «Արմենիա» խորագրով ցուցահանդես
3.Հայ-գերմանա-ֆրանսիական համատեղ միջոցառում Բեռլինում՝ նվիրված Երևանում կայանալիք Ֆրանկոֆոնիայի գագաթաժողովին
4.«Հայրենիքն սկսվում է սահմանից» ռազմահայրենասիրական ցուցահանդեսը «Նարեկացի» արվեստի միությունում
5.Վարչապետ Նիկոլ Փաշինյանը ՄԱԿ-ի կենտրոնակայանում մասնակցել է Նելսոն Մանդելային նվիրված խաղաղության գագաթաժողովի բացմանն ու հանդես եկել ելույթով
6.Անտոնիո Գուտերեշ. Հայաստանի հետ արդյունավետ համագործակցությունն առավել կամրապնդվի և կզարգանա
7.Հայաստանում պետք է իրականացնել ոչ թե բարեգործական, այլ զարգացման ծրագրեր. Նիկոլ Փաշինյան
8.Նորվեգիա. Հայկական խաչքարի օրհնություն և օծում Կրագերո քաղաքում
9.Հայրիկ Մուրադյանի «Հայրենի երգեր» ժողովածուն ներկայացվել է Երեւանում
10.Ռիգա. Հայաստանի և Լատվիայի հարյուրամյակներին նվիրված համերգ
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: