ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Օրեր 5-8/ 77/ 2016

Լույս է տեսել Ավստրիայի հայ համայնքին նվիրված ՕՐԵՐ-ի բացառիկ համարը
31 հոկտեմբերի, 2016 | 19:08

ՕՐԵՐ եվրոպական անկախ ամսագրի հերթական համարը նվիրված է Ավստրիայի հայ համայնքի պատմությանը, ներկային ու ապագային։ Ավստրիահայության 50 ներկայացուցիչներ ներկայացրել են իրենց պատմությունն ու համայնքի խնդիրները,  ներկայիս մարտահրավերներն ու ապագա սպասելիքները։ Հարուստ ժառանգություն ունեցող համայնքն ունի բազմաթիվ տաղանդավոր ներկայացուցիչներ։

Orer nov 2016.inddԲացառիկ հարցազրույցներ են տպագրվել ՄԱԿ-ի նախկին բարձր պաշտոնյա  Արշալույս Ճգնավորյանի, համաշխարհային օպերային արվեստի հռչակավոր դեմքեր Սոնա Ղազարյանի եւ Հասմիկ Պապյանի հետ, երաժիշտներ Ավո Գույումճյանի, Վիգեն Կզարթմյանի, Նարե Արղամանյանի, Էմանուել Ճգնավորյանի, Մայք Մովսեսյանի, Կարլոս Սունգուրլյանի, Գերասիմ Սարգսյանի, Հովհաննես Ջիբիյանի, Կարեն Ասատրյանի, Ռիտա Մովսեսյանի, Թերմինե Զարյանի, Սեւանա Հովսեփյանի, Գայանե Միրզոյանի, Ալեքսանդր Կարախանյանի, Լեւոն Ավագյանի, Աստղիկ Խանամիրյանի, Թերեզա Բեգլարյանի, Շուշան Բլեյանի,  նկարիչ Արթուր Կարապետյանի ,ռեժիսոր Զորիկ Մողդասյանի,  ճարտարագետ Սարգիս Աբովյանի, լեզվաբան Մերի Սարգսյանի, թենիսիստ Արմոնդ Բոլբոլյանի, բազմաթիվ շնորհալի երիտասարդների, ինչպես նաեւ հայ եկեղեցական համայնքի ղեկավարների՝ Հայրապետական պատվիրակ Տիրան վարդապետ Պետրոսյանի, եկեղեցական համայնքի ատենապետ Վահագն Ամիրջանյանի, Մխիթարյան միաբանության աբբահայր Պողոս Գոճանյանի, հայր Վահան Հովակիմյանի, Ավստրո-Հայկական մշակութային ընկերության ատենապետ  Ռազմիկ Հարությունյան-Թամրազյանցի, ՚՚Արարատ՚՚ մարզական միության պատվո նախագահ Սեպուհ Բաղդոյանի, հայկական դպրոցի նախկին տնօրեն Գրիգոր Հալլաճեանի, բարերար Կարպիս Փափազյանի եւ շատ այլ ազգայինների հետ։

Համայնքի ու Հայ-ավստրիական հարաբերությունների մասին է խոսել նաեւ Ավստրիայում Հայաստանի արտակարգ եւ լիազոր դեսպան Արման Կիրակոսյանը։

Բացառիկ այս համարում ներկայանում է ավստրիահայության ողջ ընտրանին՝ իրենց ձեռքբերումներով ու հաջողություններով։

Առաջիկայում նաեւ նախատեսում ենք այս համարի շնորհանդեսը Վիեննայում։

Շնորհավորում ենք ավստրիահայության Սուրբ Ծնունդն ու Նոր տարին, ցանկանալով նորանոր հաջողություններ եւ բարօրություն, երջանիկ ընտանեկան կյանք եւ ազգային միասնություն։

Օրեր եվրոպական ամսագիր

Հայտարարություն

Հարգելի հայրենակիցներ, հարգելի ընկերներ, ուրախ ենք տեղեկացնելու Ձեզ, որ այս կիրակի, ս.թ. հունվարի 15.ին (15.01.2017թ). անմիջապես Սուրբ Պատարագից հետո, ժամը 13:00-ին Հայ Առաքելական Եկեղեցական Համայնքի մեծ սրահում տեղի կունենա Ավստրիայի հայ համայնքին նվիրված Եվրիպայում լայն տարածում և բարձր վարկանիշ ունեցող ՕՐԵՐ եվրոպական անկախ ամսագրի’ Ավստրիայի հայ համայնքին նվիրված բացառիկ և հատուկ համարի շնորհանդես- վաճառքը (արժեքը 5 եվրո): Հրավիրում ենք բոլոր հետաքրքրվողներին ծանոթանալու և ձեռք բերելու Ավստրիայի Հայ Համայնքը ներկայացնող այս տոնական տպագիր Եվրոպական հրատարակությունը, որը ամբողջովին նվիրված է Ավստրիայի հայ համայնքի պատմությանը, ներկային ու ապագային։ Բացառիկ այս համարում ներկայանում է ավստրիահայության ողջ ընտրանին՝ իրենց ձեռքբերումներով ու հաջողություններով։ Մեր խորին շնորհակալությունն ենք հայտնում մեր հարգարժան գորընկեր, ՕՐԵՐ-ի գլխավոր խմբագիր պարոն Հակոբ Ասատրյանին նման հրաշալի նախաձեռնության և հետաքրքիր համագործակցության համար:

Լավագույն մաղթանքներով’
Ավստրիայի Հայ Առաքելական Եկեղեցական Համայնքի Վարչություն


Առնչվող նյութեր
1. Դոկտ. Արման Կիրակոսեանի նոր մենագրութեան շնորհահանդէս-գինեձօնը Ավստրիայում
2. Սարգիս Մարտիրոսյանը՝ Ավստրիայի ծանրամարտի թիմային առաջնության հաղթող
3. Viennacontemporary ժամանակակից արվեստի ցուցահանդեսում «Կիզակետում Հայաստանն է» (Focus:Armenia) պավիլիոնի բացումը
4. Արման Կիրակոսյանը՝ Ատոմային էներգիայի միջազգային գործակալության Կառավարիչների խորհրդի նախագահի տեղակալ
5. Կարինե Արթունին վերանորոգել է Պրահայի քաղաքապետարանի հին աշտարակի զինանշանները
6. «Հայաստան – Ավստրիա՝ 1918-1921թթ. պաշտոնական շփումները» խորագրով ցուցահանդես Վիեննայում՝ նվիրված մայիսյան հերոսամարտերի և Հայաստանի Հանրապետության 100-ամյակին
7. Հայաստանի Հանրապետության 100-ամյա հոբելյանին նվիրված հայ պատանի երաժիշտների համերգաշարը Ավստրիայում
8. Լեհաստանի հայերի երրորդ համագումարը Վարշավայում. ներկայացվեց նաեւ ՕՐԵՐ-ի լեհահայությանը նվիրված հատուկ համարը
9. Դեսպան Կիրակոսյանի հանդիպումը Ավստրիայի դաշնային խորհրդարանում
10. Վիեննայում տեղի ունեցան Եվրոհայկական 23-րդ խաղերը

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: