ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Լեհաստան.Հոբելյանական միջոցառումներ Կուրով, Պուլավի և Նալեչով քաղաքներում

06 դեկտեմբերի, 2017 | 07:55

 

Դեկտեմբերի 3-ին և 4-ին Լեհաստանում ՀՀ դեսպանության պատվո հովանու ներքո, Լեհաստանի հայ համայնքի 650-ամյակին նվիրված մի շարք միջոցառումներ տեղի ունեցան Լեհաստանի Կուրով, Պուլավի և Նալեչով քաղաքներում:

Դեկտեմբերի 3-ին Կուրովի եկեղեցում տեղի ունեցավ հիշատակի միջոցառում և մատուցվեց Սուրբ պատարագ` ի հիշատակ հայկական արմատներով ականավոր լեհ պետական, հասարակական-քաղաքական գործիչ, հոգևորական Գժեգոժ Պիրամովիչի: Նույն օրը Լեհաստանի գյուղատնտեսական կենտրոնական գրադարանի Պուլավի մասնաճյուղում պաշտոնապես բացվեց «Հայերը Լեհաստանում» խորագրով ցուցահանդեսը:

Դեկտեմբերի 4-ին Լեհաստանի Նալեչով քաղաքի Մալախովսկիների պատմական ամրոցի դահլիճում մեկնարկեց «Հայերը 650 տարի շարունակ հավատարիմ Ռեչ Պոսպոլիտային» խորագրով գիտաժողովը, որի աշխատանքներին մասնակցել են նաև Լեհաստանում ՀՀ դեսպան Էդգար Ղազարյանը, Լեհաստանի Կաթոլիկ եկեղեցու վարդապետ, Արքեպիսկոպոս Անտոնի Դիդիչը, Կուրովի վույտ (համայնքի ղեկավար) Ստանիսլավ Վոյչիխը, անվանի հոգևորականներ, գիտնականներ, մտավորականներ, լրագրողներ Լյուբլինի համալսարանի ուսանողներ և այլն:
Գիտաժողովի ընթացքում ողջույնի խոսքով հանդես եկան Լեհաստանում ՀՀ դեսպան Էդգար Ղազարյանը, ով իր խոսքում շնորհակալություն հայտնեց գիտաժողովի կազմակերպիչներին և մասնակիցներին` շեշտելով Լեհաստանի հայ համայնքի հարուստ պատմության կարևորությունը ոչ միայն Լեհաստանի, այլև հայ ժողովրդի համար: Դեսպանը համառոտ ներկայացրեց 2017 թվականի ընթացքում Լեհաստանում պետական ամենաբարձր մակարդակով տեղի ունեցած մի շարք կարևոր միջոցառումները, Լեհաստանի խորհրդարանի երկու պալատների կողմից ընդունված բանաձևերը, որոնք լավագույնս են արտահայտում Լեհաստանի իշխանությունների և ժողովրդի մշտական հարգանքը հայ ժողովրդի և դրա արժեքավոր պատմության նկատմամբ:


Գիտաժողովի ընթացքում Լեհաստանի հայ համայնքի պատմությանը, ականավոր հայազգի գործիչներին նվիրված տարբեր գիտական թեմաներով զեկույցներով հանդես եկան Լեհաստանի մի շարք համալսարանների և գիտական կենտրոնների ականավոր գիտնականներ և հոգևորականներ:
Միջոցառումները կազմակերպել են Լեհաստանում գործող Հայկական հիմնադրամը, Լեհաստանի գյուղատնտեսության կենտրոնական գրադարանը` տեղի գործընկեր կազմակերպությունների հետ համատեղ:


Առնչվող նյութեր
1. Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
2. Դեսպան Էդգար Ղազարյանի և գործընկերների հրաժեշտի պաշտոնական արարողություն Լեհաստանում հավատարմագրված դիվանագիտական կորպուսի կողմից
3. Սամվել Մկրտչյանը՝ Լեհաստանում Հայաստանի դեսպան
4. Աբովյանի «Վերք Հայաստանի» գիրքը լեհերեն. շնորհանդես Կրակովում
5. Լեհական Շչեցինեկ քաղաքում բացվեց հայկական խաչքար
6. Լեհաստանի Զամոշչ քաղաքում բացվել է հայկական խաչքար և տեղի են ունեցել մի շարք մշակութային միջոցառումներ
7. Լեհաստանի հեղինակավոր «w SIECI HISTORII» ամսագիրը Հայաստանի մասին հոդվածաշար է հրապարակել
8. Լեհահայոց նոր հոգևոր հովիվն է Տ. Ներսես աբեղա Հարությունյանը
9. Լեհաստանաբնակ հայ նկարիչներ Հելեն Հարութի եւ Սուրեն Վարդանյանի ցուցահանդեսը Լուբաչով քաղաքում
10. Լեհաստանում Հայաստանի եւ Եվրամիության միջեւ համաձայնագրի վավերացումը կատարվել է միասնության մթնոլորտում. դեսպան Էդգար Ղազարյան

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: