ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Լեհաստան. Հայոց ցեղասպանության 102-րդ տարելիցին նվիրված միջոցառումներ

27 ապրիլի, 2017 | 17:00

Հայոց ցեղասպանության 102-րդ տարելիցին նվիրված բազմաթիվ միջոցառումներ են տեղի ունեցել Լեհաստանի մի շարք քաղաքներում:

Ապրիլի 24-ին Վարշավայի Սադիբա թաղամասում գտնվող Հայկական պուրակում տեղադրված խաչքարի մոտ Լեհաստանում ՀՀ դեսպանության կողմից կազմակերպվել էր հիշատակի միջոցառում:


Արարողության մեկնարկին ծաղկեպսակներ և ծաղիկներ զետեղվեցին Լեհաստանում ՀՀ դեսպանության և Լեհաստանի Սեյմի, ինչպես նաև Ռուսաստանի Դաշնության, Վենեսուելայի, Վատիկանի, Ֆրանսիայի, Սլովենիայի, Արգենտինայի դեսպանությունների, Վարշավայի քաղաքապետարանի, ԼՀ կառավարության և Ազգային ու էթնիկ փոքրամասնությունների համատեղ հանձնաժողովի, Լեհաստանում գործող մի շարք լեհական և հայկական կազմակերպությունների կողմից:


Արարողության ընթացքում հնչեց Կոմիտասի «Կռունկ» ստեղծագործությունը` Լեհաստանում բնակվող հայազգի երգչուհի Սոնա Մաթևոսյանի կատարմամբ:


Միջոցառման մասնակիցներին ուղղված իր խոսքում Լեհաստանում ՀՀ դեսպան Էդգար Ղազարյանը նշեց, որ միջազգային հանրության՝ Առաջին աշխարհամարտի քողի ներքո հայերի դեմ Օսմանյան իշխանության կողմից իրականացված Ցեղասպանությանն արժանի պատասխանի բացակայությունը ճանապարհ հարթեց «իսկ ո՞վ է հիշում այսօր հայերի կոտորածների մասին» հայտնի խոսքերի ներքո նոր ոճրագործությունների իրականացման համար: Սակայն Հայոց ցեղասպանության միջազգային ճանաչումն ու դատապարտումն աշխարհի մի շարք երկրների կողմից, որոնց 2005 թվականի ապրիլի 19-ին միացավ նաև Լեհաստանը, վկայում են նման հանցագործություններ թույլ չտալու մեր հաստատակամության մասին: Դեսպանը նաև երախտիքի խոսքեր հղեց լեհ ժողովրդի մեծ զավակ Հռոմի Սուրբ Հովհաննես Պողոս II Պապի հասցեին, որի գահակալության երանելի ժամանակաշրջանում Վատիկանը պաշտոնապես ճանաչեց և դատապարտեց հայերի ցեղասպանությունը:


Ապրիլի 23-ից 24-ը Հայոց ցեղասպանության 102-րդ տարելիցին նվիրված միջոցառումներ, պատարագներ, համերգներ, ցուցահանդեսներ, հիշատակի այլ արարողություններ տեղի ունեցան Լեհաստանի Վրոցլավ, Գլիվիցե, Կիելցե, Կրակով, Կրասնոստավսկի, Գդանսկ, Էլբլոնգ, Պուլանով և այլ քաղաքներում:


Առնչվող նյութեր
1. Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
2. Դեսպան Էդգար Ղազարյանի և գործընկերների հրաժեշտի պաշտոնական արարողություն Լեհաստանում հավատարմագրված դիվանագիտական կորպուսի կողմից
3. Սամվել Մկրտչյանը՝ Լեհաստանում Հայաստանի դեսպան
4. «Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
5. Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
6. Դոկտ. Արման Կիրակոսեանի նոր մենագրութեան շնորհահանդէս-գինեձօնը Ավստրիայում
7. Աբովյանի «Վերք Հայաստանի» գիրքը լեհերեն. շնորհանդես Կրակովում
8. Մակրոնը այցելեց Հայոց ցեղասպանության հուշահամալիր
9. Ֆրանսահայ լուսանկարիչ Գրիգոր Ճօլօլեանի հազվագյուտ ու անտիպ լուսանկարները՝ Հայոց ցեղասպանության թանգարանում
10. Լեհական Շչեցինեկ քաղաքում բացվեց հայկական խաչքար

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: