ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Լեհաստան. Հայաստանի տնտեսական հնարավորությունները ներկայացվել է Կիելցե քաղաքի գործարարներին

21 հունիսի, 2017 | 12:06

Հունիսի 19-ին Լեհաստանում ՀՀ դեսպան Էդգար Ղազարյանն աշխատանքային այց կատարեց Լեհաստանի Սվիենտոկշիսկե վոևոդության Կիելցե քաղաք, որի ընթացքում հանդիպում ունեցավ վոևոդության տեղական իշխանությունների տնտեսական հարցերով պատասխանատու ներկայացուցիչների և տարածաշրջանի գործարար շրջանակները ներկայացնող մի շարք կազմակերպությունների ղեկավարների հետ:

Դեսպան Ղազարյանը Կիելցեի գործարար համայնքի ներկայացուցիչներին փոխանցեց ՀՀ տնտեսական զարգացման և ներդրումների նախարարության կողմից պատրաստված Հայաստանի ներդրումային քաղաքականությանը և կոնկրետ ծրագրերին վերաբերող ձեռնարկներն ու տեղեկատվական նյութերը:

Ելույթ ունենալով մասնակիցների առջև` դեսպանը ներկայացրեց Հայաստանի տնտեսության ընդհանուր ցուցանիշները, Հայաստանի և Եվրոպական Միության հետ առկա առևտրային ռեժիմներն ու դրանց ընձեռած հնարավորությունները, ԵԱՏՄ-ին ՀՀ անդամակցությամբ պայմանավորված նոր հնարավորությունները, Հայաստանի միջոցով Մերձավոր Արևելքի երկրներում գործարարության ծավալման հեռանկարները և այլն: Գործարարներին ներկայացվեց նաև նոր բիզնես սկսելու, օտարերկրյա ներդրողներին տրվող արտոնությունները և երաշխիքները, հարկային համակարգը, ֆինանսական և ապահովագրական համակարգերը:

Հանդիպման ավարտին դեսպան Ղազարյանը, պատասխանելով հանդիպման մասնակիցներին հուզող հարցերին, Կիելցեի գործարարներին տեղեկացրեց առաջիկայում Լեհաստանում և Հայաստանում նախատեսվող հայ-լեհական գործարար համաժողովների մասին` առաջարկելով ակտիվ մասնակցություն ցուցաբերել դրանց աշխատանքներին և կոնկրետ գործնական կապեր հաստատել հայաստանյան կազմակերպությունների հետ:


Առնչվող նյութեր
1. Հայաստանի դպրոցներում կներդրվի Աշխարհատեղեկատվական համակարգը
2. Դեսպան Էդգար Ղազարյանի և գործընկերների հրաժեշտի պաշտոնական արարողություն Լեհաստանում հավատարմագրված դիվանագիտական կորպուսի կողմից
3. ԱՆՇԱՐԺ ԳՈՒՅՔԻ ԳՆԵՐԸ ԲԱՐՁՐԱՆՈՒ՞Մ ԵՆ
4. 52 տարի` օգտակար լինելու ցանկությամբ
5. Հայկ Մարությանի ուղերձը՝ «Էրեբունի-Երևանի» հիմնադրման 2800-ամյակի առթիվ
6. ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՓՈՐՁԻ ՓՈԽԱՆԱԿՄԱՆ ԾՐԱԳԻՐ ՀԱՅԱՍՏԱՆՈՒՄ
7. Այս փուլում և՛ կառավարությունը, և՛ բոլոր պետական մարմինները պետք է անխափան գործեն. Նիկոլ Փաշինյանը և Արմեն Սարգսյանը քննարկել են ներհայաստանյան քաղաքական իրավիճակը
8. Աբովյանի «Վերք Հայաստանի» գիրքը լեհերեն. շնորհանդես Կրակովում
9. Դեկտեմբերի արտահերթ ընտրություններում քվերակությունը կատարվելու է առանց գրիչի. Նիկոլ Փաշինյան
10. Գանա – Հայաստան. հաստատվեցին դիվանագիտական հարաբերություններ

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: