ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
11 դեկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Լատվիա. Ներկայացվել է ՀՀ-ԵՄ շրջանակային համաձայնագրի շուրջ ընթացող բանակցությունների ներկա փուլը

02 դեկտեմբերի, 2016 | 16:00

Դեսպան Մկրտչյանն ավարտեց իր աշխատանքային այցը Ռիգա

latvia

Ռիգա աշխատանքային այցի շրջանակներում համատեղության կարգով Լատվիայի Հանրապետությունում ՀՀ դեսպան Տիգրան Մկրտչյանը (նստավայրը՝ Վիլնյուս) դեկտեմբերի 2-ին հանդիպել է Սաեյմայի արտաքին հարաբերությունների հանձնաժողովի նախագահ Օյարս Էրիկս Կալնինշի հետ: 

Դեսպան Մկրտչյանն իր զրուցակցին ներկայացրել է ապրիլի սկզբին Ադրբեջանի կողմից Արցախի դեմ սանձազերծված ռազմական գործողությունների հետևանքները, ինչպես նաև Ադրբեջանի ապակառուցողական գործելաոճը միջազգային խորհրդարանական ձևաչափերում:

Դեսպան Մկրտչյանը ներկայացրել է ՀՀ-ԵՄ շրջանակային համաձայնագրի շուրջ ընթացող բանակցությունների ներկա փուլը:

Զրուցակիցները նաև մտքեր են փոխանակել միջազգային և տարածաշրջանային մի շարք հրատապ հարցերի շուրջ:

Դեկտեմբերի 1-ին ՀՀ դեսպանը հանդիպել է Լատվիայի Ազգային գրադարանի տնօրեն Անդրիս Վիլկսի հետ:

Հանդիպման ընթացքում զրուցակիցները քննարկել են երկու երկրների ազգային գրադարանների միջև համագործակցության հեռանկարները, անդրադարձ է կատարվել Հայաստանի Մատենադարանի հետ փոխգործակցություն հաստատելու հեռանկարներին, Լատվիայի Ազգային գրադարանում առաջիկայում տարբեր միջոցառումներ անցկացնելու հնարավորություններին: Երկուստեք կարևորվել է նաև գրադարանների տնօրենների փոխայցելությունների կազմակերպումը:

Նույն օրը դեսպան Մկրտչյանը Ռիգայի Սուրբ Գրիգոր Լուսավորիչ հայկական եկեղեցում հանդիպում է ունեցել հայ համայնքի ներկայացուցիչների հետ: Մասնակիցներին հյուրընկալել է Բալթյան երկրներում Հայ Առաքելական եկեղեցու հոգևոր հովիվ Տեր Խոսրով քահանա Ստեփանյանը:

Դեսպան Մկրտչյանը ներկայացրել է առաջիկայում Լատվիայում, Լիտվայում և Էստոնիայում նախատեսվող մշակութային միջոցառումների մանրամասները, քննարկել դեսպանություն-համայնք համագործակցության ոլորտները:latvia 2016latvia 2016latvia 2016


Առնչվող նյութեր
1. Դեսպան Մկրտչյանի հանդիպումները Էստոնիայի գործադիր, օրենսդիր և տեղական ինքնակառավարման մարմիններում
2. Մտորումներ Լատվիայի անկախության 100-ամյակի առթիվ
3. Ռիգա. Հայաստանի և Լատվիայի հարյուրամյակներին նվիրված համերգ
4. Հայաստանի և Էստոնիայի հարյուրամյակներին նվիրված համերգ Տալլինում
5. Էստոնիա. Քննարկվել է հայ-էստոնական թվային ֆորում անցկացնելու գաղափարը
6. Լիտվա. Բացվեց Ուժուպիսի սահմանադրության հայերեն թարգմանության ցուցատախտակը
7. Հայաստանի և Լիտվայի Հանրապետությունների 100-ամյակներին նվիրված համերգ Վիլնյուսում
8. Սումգայիթյան ջարդերին նվիրված ցուցահանդես Կլայպեդայում
9. Նկարիչ-քանդակագործ Արսեն Քլյանի նվերը հայ ժողովրդին
10. Հայոց ցեղասպանության 103-րդ տարելիցին նվիրված միջոցառումներ Լիտվայի Շյաուլյայ քաղաքում

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: