ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Իսպանական Կույերան ճանաչեց Հայոց ցեղասպանությունը

03 մայիսի, 2017 | 07:09

Իսպանիայի Կույերա քաղաքի քաղխորհրդի նիստում չորս կուսակցություններ միաձայն ճանաչեցին Հայոց Ցեղասպանությունը `դատապարտելով մարդկության դեմ հանցանքը, հորդորելով Իսպանիայի այլ իշխանություններին և հատկապես կենտրոնական կառավարությանն ու Թուրքիային հետևել իրենց օրինակին:

Քաղաքապետ Ջորդի Մայորն իր խոսքում մասնավորապես նշեց, որ իրերը պետք է կոչել իրենց անուններով, և այն, ինչ տեղի ունեցավ հայ ժողովրդի հետ 20-րդ դարասկզբին, միայն մեկ անուն ունի`ցեղասպանություն:

Տպավորիչ ելույթ ունեցավ Պոդեմոս կուսակցության խոսնակը, ով նշեց, որ Թուրքիան ոչ միայն պետք է ճանաչի ցեղասպանությունը, այլև հատուցի վնասները և հատկապես վերադարձնի հայերի պատմական հողերը:

Նիստին ներկա էին հայ համայնքի ներկայացուցիչներ, որոնց անունից Արարատ Ղուկասյանը շնորհակալություն հայտնեց քաղաքապետարանին` նշելով, որ Կույերան դարձավ Իսպանիայի 27-րդ քաղաքը, որը ճանաչում է Հայոց Ցեղասպանությունը և, որ սա պատմական օր է ոչ միայն իսպանահայության, այլ նաև քաղաքի համար:

Միջնորդագիրը քաղաքապետարանին ներկայացրել էր Արարատ հայկական միության Կույերայի ներկայացուցիչ Հերմինե Աբրահամյանը:

 

ՕՐԵՐ


Առնչվող նյութեր
1. Հայոց ցեղասպանության թանգարան-ինստիտուտի նոր տնօրեն է ընտրվել Հարություն Մարությանը
2. ՑԵՂԱՍՊԱՆՈՒԹՅՈՒՆԸ ԴԱՐՁՅԱԼ ՀԱՄԱՇԽԱՐՀԱՅԻՆ ՕՐԱԿԱՐԳՈՒՄ Է
3. Ծայրահեղականության, խտրականության և ատելության միտումները ցնցում են միջազգային օրակարգը. Զոհրաբ Մնացականայան
4. Ջորջ Բարսեղյանի եզակի նվիրատվությունը Հայոց ցեղասպանության թանգարանին
5. Գերմանիայի կանցլերը ծաղկեպսակ դրեց ցեղասպանության հուշակոթողին եւ եղեւնի տնկեց Ծիծեռնակաբերդում
6. Իվետա Մուկուչյանի համերգը “Պաչա Բարսելոնայում”
7. Կոստադին Բոնեւի ցեղասպանության մասին ֆիլմը ,,Ոսկե ծիրան,,ում
8. Հայաստանի դեսպանությունն իր անհանգստությունն է հայտնել «հայկական մաֆիա» ձևակերպման վերաբերյալ
9. ՀԱՅՈՑ ՑԵՂԱՍՊԱՆՈՒԹՅԱՆ ԹԱՆԳԱՐԱՆ-ԻՆՍՏԻՏՈՒՏԻ ՇՈՒՐՋ ՍՏԵՂԾՎԱԾ ԻՐԱՎԻՃԱԿԻ ՄԱՍԻՆ
10. Թերեզինում բացվել է «Հոլոքոստ. ոչնչացում, ազատագրում, փրկություն» խորագրով ցուցահանդեսը

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: