ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
15 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ընտրությունները լավ էին կազմակերպված, բայց դրանց վրա ազդել է ընտրակաշառքը:-ԵԱՀԿ/ԺՀՄԻԳ, ԵՄ

04 ապրիլի, 2017 | 07:59

ԵՐԵՎԱՆ.– lragir.am, elq.am.- Ապրիլի 2-ի խորհրդարանական ընտրությունները լավ էին կազմակերպված, բայց դրանց վրա ազդեցություն է ունեցել ընտրակաշառքը: Այս մասին այսօր հրավիրած ասուլիսում ասաց ԵԱՀԿ/ԺՀՄԻԳ-ի դիտորդական առաքելության համակարգող Իգնասիո Սանչես Ամորը:

OSCE Minsk Group observers summarized the parliamentary elections results at Armenia Marriott Hotel

OSCE Minsk Group observers summarized the parliamentary elections results at Armenia Marriott Hotel

«Չնայած իրավական  համակարգի բարեփոխումներին, ընտրական անճշտությունների  վերացմանն ու ընտրությունների ազատությանն ուղղված տեխնոլոգիաների ներդրմանը, ընտրությունների վրա հետք են թողել ընտակաշառքների վերաբերյալ վստահության արժանի տեղեկությունները և քաղաքացիական ծառայողների ու մասնավոր ընկերությունների աշխատակիցների վրա ճնշումների մասին տեղեկությունները: Դրա հետևանքով նկատվել է հանրային վստահության պակաս առ ընտրությունները», ասաց Իգնասիո Սանչես Ամորը:

Նրա խոսքով՝ իրենք արձանագրել են, որ քվեարկության օրն ընդհանուր առմամբ շատ հանդարտ ու խաղաղ է եկել, սակայն նկատվել են կազմակերպչական խնդիրներ և անհարկի միջամտություն գործընթացի նկատմամբ՝ հիմնականում կուսակցությունների ներկայացուցիչների կողմից: Քվեարկության գործընթացին բնորոշ են եղել կուտակումները, ընտրատեղամասերում երկար հերթերը և կուսակցության ներկայացուցիչների ու ոստիկանների կողմից միջամտությունները:

«Երեկվա ընտրություները գծանշեցին Հայաստանի՝ նոր քաղաքական համակարգ կառուցելու առաջին քայլը, սակայն փոփոխությունը չի կարող տեղի ունենալ մեկ գիշերում: Քաղաքական կուսակցություններին անհրաժեշտ է վարքագծային փոփոխություն, պետք է ավելի մեծ հասունեություն ցուցաբերել և հրաժարվել անցյալի գործելակերպից», ասաց ԵԱՀԿ/ԺՀՄԻԳ-ի դիտորդական առաքելության համակարգողը:

Նա նշեց, որ դրական էր ընտրացուցակների ճշգրտման բարելավումը, ընտրողների ճանաչման սարքերի օգտագործումը, իսկ ընտրողների ստորագրված ցուցակների հրապարակումը կարևոր նշանակություն ունեցավ այլ անձի փոխարեն քվեարկելը բացառելու համար:«Սակայն վարքագծի որոշ դրսևորումներ նպաստել են, որպեսզի գործընթացի նկատմամբ հանրային վստահության պակաս արձանագրվի:

Մարդիկ էլ ընտրախախտումների մասին չեն ահազանգում, քանի որ որ բավարար վստահություն չկա դատական մարմնի, ընտրական մարմինների ու իրավապահների նկատմամբ»,- նշեց նա:

Իսկ Եվրամիության խոսնակի տարածած հայտարարությունում նշվում է . 

«Ս.թ. ապրիլի 2-ին Հայաստանում տեղի ունեցան խորհրդարանական ընտրություններ: Ընտրությունների միջազգային դիտորդական առաքելության նախնական եզրակացության համաձայն՝ ընտրությունները լավ կազմակերպված էին և ընդհանուր առմամբ առկա էր հարգանք հիմնարար ազատությունների նկատմամբ։

Այդուհանդերձ, ընտրությունների վրա ստվեր է գցել արժանահավատ տեղեկատվություն առ այն, որ եղել են քվեներ գնելու դեպքեր, քաղաքացիական ծառայողների և մասնավոր հատվածի աշխատակիցների նկատմամբ ճնշումներ, որն էլ իր հերթին հանգեցրեց ընտրությունների նկատմամբ հանրային վստահության պակասի խորացմանը:

Այնուամենայնիվ, ընտրությունների արդյունքներն արտացոլում են Հայաստանի ժողովրդի կամքը: Չնայած որ աննախադեպ քանակի միջազգային և տեղական դիտորդների համար ստեղծվել էր աշխ­ատանքային նպաստավոր միջավայրը, միջազգային ոչ-կառավարական կազ­մակերպությունները չէ­ին հրավիրվել դիտորդո­ւթյուն իրականացնելու՝ ի հակադրումն 1990 թվականի ԵԱՀԿ Կոպենհա­գենյան փաստաթղթի:

Ըն­տությունների միջազգա­յին դիտորդական առաքե­լությունը ողջունեց բարեփոխումների իրավակ­ան շրջանակը, ինչպես նաև նոր տեխնոլոգիանե­րի ներմուծումը, որին իր աջակցությունն է տրամադրել Եվրոպական միությունը՝ ՀՀ իշխան­ությունների հետ համա­տեղ հաջողությամբ իրա­կանացված ծրագրի միջո­ց:

Չնայած որոշ ոչ նշանակալի տեխնիկական խնդիրների առկայութ­յան՝ դիտորդներն արձա­նագրել են քվեատուփերի լցոնման, բազմակի քվեարկության, քվեների հաշվարկի և աղյուսակ­ավորման վերաբերյալ  իրավախախտումների ավե­լի քիչ դեպքեր: Եվրոպական միությունը հետամուտ է Հայաստանի կայուն, ժողովրդավար և բարեկեցիկ ապագայ­ին:

Ընտրական գործընթ­ացների ամփոփումից հե­տո ակնկալում ենք աշխ­ատել ժողովրդավարությ­ան սկզբունքներին համ­ապատասխան  ընտրված նոր Խորհրդարանի և Կառ­ավարության հետ՝ ամրա­պնդելու քաղաքական եր­կխոսությունն ու շարո­ւնակելու ԵՄ օժանդակո­ւթյունը սոցիալ-տնտես­ական ոլորտի բարեփոխո­ւմներին, այդ թվում՝  հիմք ընդունելով վեր­ջերս նախաստորագրված ԵՄ-Հայաստան Համապարփ­ակ և ընդլայնված գործ­ընկերության համաձայն­ագիրը, ինչպես  նաև Եվրոպական հարևանության վերանայված քաղաքա­կանության ու Արևելյան գործընկերության ավ­ելի լայն շրջանակը»:


Առնչվող նյութեր
1. Հայաստանի դպրոցներում կներդրվի Աշխարհատեղեկատվական համակարգը
2. ՀՀ մշտական ներկայացուցիչ դեսպան Արման Կիրակոսյանի հայտարարությունը ԵԱՀԿ Մշտական Խորհրդի նիստին
3. ԱՆՇԱՐԺ ԳՈՒՅՔԻ ԳՆԵՐԸ ԲԱՐՁՐԱՆՈՒ՞Մ ԵՆ
4. Հայաստանի խորհրդարանը երկրորդ անգամ վարչապետ չընտրեց. տեղի կունենան արտահերթ խորհրդարանական ընտրություններ
5. 52 տարի` օգտակար լինելու ցանկությամբ
6. Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ
7. Հայկ Մարությանի ուղերձը՝ «Էրեբունի-Երևանի» հիմնադրման 2800-ամյակի առթիվ
8. ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՓՈՐՁԻ ՓՈԽԱՆԱԿՄԱՆ ԾՐԱԳԻՐ ՀԱՅԱՍՏԱՆՈՒՄ
9. Այս փուլում և՛ կառավարությունը, և՛ բոլոր պետական մարմինները պետք է անխափան գործեն. Նիկոլ Փաշինյանը և Արմեն Սարգսյանը քննարկել են ներհայաստանյան քաղաքական իրավիճակը
10. Դեկտեմբերի արտահերթ ընտրություններում քվերակությունը կատարվելու է առանց գրիչի. Նիկոլ Փաշինյան

Մեկնաբանություն

Վերջին լուրեր
1.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
2.Գարեգին Բ- Նիկոլ Փաշինյան հանդիպում Մայր Աթոռում
3.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
4.Արման Նուռի անհատական մեծ ցուցահանդեսը Վենոզայում
5.Հայաստանի դպրոցներում կներդրվի Աշխարհատեղեկատվական համակարգը
6.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
7.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
8.Յուրի Վարդանյանի հուղարկավորությունը Կոմիտասի պանթեոնում
9.«Մենք սպասում ենք Հայաստանի Հանրապետության պատմության մեջ լավագույն ընտրություններին». Պյոտր Սվիտալսկին:
10.Չեխական «Դոմեստիկ» ֆիլմը կցուցադրվի Երեւանում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: