ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Էստոնիան բարձր է գնահատում Հայաստանի հետ բարեկամական կապերի խորացումը

24 փետրվարի, 2017 | 09:57

Դեսպան Մկրտչյանի հանդիպումները Տալլինում

estonia mkrtchian 2017

Էստոնիայի Հանրապետության կազմավորման 99-ամյակին նվիրված միջոցառումներին մասնակցելու նպատակով Տալլինում էր գտնվում Էստոնիայում ՀՀ դեսպան Տիգրան Մկրտչյանը (նստավայրը՝ Վիլնյուս), որտեղ վերջինս ունեցավ մի շարք հանդիպումներ:Այս մասին հայտնում են ՀՀ ԱԳՆ-ից։

Էստոնիայի ազգային գրադարանի գլխավոր տնօրեն Յաննե Անդրեսոյի հետ ունեցած հանդիպման ընթացում դեսպան Մկրտչյանը շնորհակալություն հայտնեց տիկին Անդրեսոյին Հայոց ցեղասպանության հարյուրամյակի միջոցառումների շրջանակներում «Հայոց ցեղասպանության լուսաբանումը միջազգային մամուլի առաջին էջերին» խորագրով ցուցահանդեսը գրադարանում անցկացնելու կապակցությամբ, ինչպես նաև արժևորեց գրադարանի և դեսպանության միջև արդեն ավանդական դարձած արդյունավետ համագործակցությունը:

Ազգային գրադարանի տնօրենը հայտնեց, որ շահագրգռված է ՀՀ դեսպանության հետ կառուցողական համագործակցության զարգացման հարցում:

Հանդիպման ընթացքում քննարկվեցին Ազգային գրադարանի հետ մի շարք ծրագրեր իրականացնելու առաջարկություններ և միաժամանակ ընդգծվեց Հայաստանի և Էստոնիայի ազգային գրադարանների միջև հարաբերություններին իրավական հիմք հաղորդելու կարևորությունը:

Հանդիպման ավարտին դեսպան Մկրտչյանը Էստոնիայի Ազգային գրադարանին նվիրեց Հայոց պատմությանը վերաբերող գրականություն:

Այնուհետև, Տիգրան Մկրտչյանը հանդիպում ունեցավ Էստոնիայի վարչապետի արտաքին կապերի հարցերով գլխավոր խորհրդական Ռեյն Տամմսաարի հետ, որի ընթացքում քննարկվեցին երկկողմ տնտեսական կապերը խորացնելուն միտված երկուստեք ձեռնարկվելիք անհրաժեշտ քայլերը:

Դեսպան Մկրտչյանը նշեց, որ Հայաստանի կառավարությունն իր առաջնահերթություններից մեկն է համարում բարձր տեխնոլոգիաների զարգացումը, և, հաշվի առնելով էստոնական կողմի մեծ փորձն այդ ոլորտում, ընդգծեց երկու երկրներում բնագավառի պատասխանատուների համաժողովներ և հավաքներ նախաձեռնելու անհրաժեշտությունը:

Ռեյն Տամմսաարը նշեց, որ Էստոնիան բարձր է գնահատում Հայաստանի հետ բարեկամական կապերի խորացումը, և առկա են բոլոր նախապայմանները տնտեսության տարբեր ոլորտներում փոխշահավետ համագործակցություն ծավալելու համար: Էստոնիայի վարչապետի խորհրդականը նաև նշեց, որ երկու երկրների կառավարությունների համագործակցությունն առավել արդյունավետ կարող է զարգանալ երկկողմ ոլորտային պայմանավորվածությունների ձեռքբերման և դրանց արդյունավետ իրականացման պարագայում:

Նույն օրը դեսպան Մկրտչյանը հանդիպում ունեցավ նաև Ռիիգիկոգուի (խորհրդարան) արտաքին հարաբերությունների հանձնաժողովի նախագահ Մարկո Միհկելսոնի հետ, որի ընթացքում մտքեր փոխանակվեցին երկկողմ հարաբերությունների առավել զարգացմանն ու օրենսդիր մարմինների միջև փոխհարաբերությունների խորացմանն ուղղված քայլերի շուրջ:

Մարկո Միհկելսոնի խնդրանքով դեսպան Մկրտչյանն անդրադարձավ Արցախի Հանրապետության և Ադրբեջանի միջև շփման գծում Ադրբեջանի կողմից շարունակվող, պարբերական բնույթ կրող հրադադարի կոպտագույն խախտումներին, ինչն ավելի է սրում լարվածությունը տարածաշրջանում և հանգեցնում նորանոր զոհերի:

Դեսպանը նաև անդրադարձավ Ադրբեջանի ղեկավարության կողմից պատմության կեղծարարություններին և դրանց հիման վրա տարբեր խորհրդարաններում քաղաքական օգուտներ կորզելու փորձերին:
ՕՐԵՐ


Առնչվող նյութեր
1. Հայաստանի և Էստոնիայի հարյուրամյակներին նվիրված համերգ Տալլինում
2. Էստոնիա. Քննարկվել է հայ-էստոնական թվային ֆորում անցկացնելու գաղափարը
3. Լիտվա. Բացվեց Ուժուպիսի սահմանադրության հայերեն թարգմանության ցուցատախտակը
4. Սումգայիթյան ջարդերին նվիրված ցուցահանդես Կլայպեդայում
5. Նկարիչ-քանդակագործ Արսեն Քլյանի նվերը հայ ժողովրդին
6. Հայտնի թավջութակահար Լեւոն Մուրադյանը լիտվացի երաժիշտների հետ ելույթ է ունեցել Վիլնյուսում
7. Լիտվայում բացվեց «Սումգայիթ 30» ցուցահանդեսը
8. «Մայրիկ» ֆիլմի ցուցադրությունը Վիլնյուսում
9. Լատվիա. դեսպան Տ. Մկրտչյան-ԱԳՆ պետքարտուղար Ա. Պիլդեգովիչ հանդիպում
10. «Նաղաշ» համույթի համերգը Վիլնյուսի Սբ. Հովհաննես եկեղեցում

Մեկնաբանություն

Վերջին լուրեր
1.Գավառում վերաբացվեց Լևոն Քալանթարի անվան դրամատիկական թատրոնը
2.«Բուկինիստ» գրախանութում տեղի ունեցավ Ալիսա Գանիևայի «Խոցված զգացմունքներ» վեպի շնորհանդեսը
3.Մտորումներ Լատվիայի անկախության 100-ամյակի առթիվ
4.Մեր ժամանակի ամենամեծ վտանգը համարում եմ գերտերությունների մոլագար մրցակցությունը՝ աշխարհի վերաբաժանման համար. Աստղիկ Մելիքբեկյան
5.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
6.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
7.Եվրամիությունը աջակցում է «Հայաստանում ընտրական գործընթացների աջակցություն» ծրագրին
8.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
9.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
10.Գարեգին Բ- Նիկոլ Փաշինյան հանդիպում Մայր Աթոռում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: