ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Էջմիածնում կբացվի Լիդիցկա փողոց՝ Չեխիայի արտգործնախարարի մասնակցությամբ

21 հունիսի, 2015 | 04:56

zaoralekՊՐԱՀԱ- Ինչպես տեղեկեցնում Չեխիայի արտգործնախարարությունը, հունիսի 24-25-ը նախատեսվում է Չեխիայի արտաքին գործերի նախարար Լյուբոմիր Զաորալեկի աշխատանքային այցը Հայաստան։ Այցի նպատակը երկու երկրների միջեւ տնտեսական եւ առեւտրային ոլորտներում համագործակցության ամրապնդումն է։

ՀՀ արտգործնախարար Էդվարդ Նալբանդյանի հետ նախարար Զաորալեկը կքննարկի Հայաստանում բարեփոխումների գործընթացը եւ Արեւելյան գործընկերության շրջանակներում Հայաստանի եւ Եվրամիության համագործակցության հնարավոր ուղիները։ Արտգործնախարարները քննարկելու են  նաեւ միջազգային մի շարք խնդիրներ, այդ թվում Կովկասին եւ Ուկրաինային վերաբերվող հարցեր։

Այցի ընթացքում Չեխիայի արտգործնախարարը կհանդիպի վարչապետ Հովիկ Աբրահամյանի, ԱԺ նախագահ Գալուստ Սահակյանի հետ, կմասնակցի նաեւ  Էջմիածնում փողոցներից մեկի վերանվանմանը, որը կկոչվի ,,Լիդիցկա,,՝ ի նշան Լիդիցե գյուղավանի, ուր 1942 թվականին ֆաշիստները ոչնչացրել են  գյուղի գրեթե ողջ բնակչությանը, այդ թվում մանուկներին։

Հիշեցնենք, որ հունիսի 1-ին Լիդիցեի հուշահամալիրում վարչապետ Հովիկ Աբրահամյանի եւ Չեխիայի մշակույթի նախարար Դանիել Հերմանի մասնակցությամբ բացվեց «Ընդհատված մանկություն. Հայոց ցեղասպանության զոհ մանուկները»  ցուցահանդեսը, որի կազմակերպիչներն էին Լիդիցեի հուշահամալիրը, Երեւանի Հայոց ցեղասպանության թանգարան-ինստիտուտը եւ Չեխիայում Հայաստանի հանրապետության դեսպանությունը։

ՕՐԵՐ

Orer.eu


Առնչվող նյութեր
1. Կարինե Արթունին վերանորոգել է Պրահայի քաղաքապետարանի հին աշտարակի զինանշանները
2. Կյանքից հեռացավ հայ ժողովրդի մեծ բարեկամ պրոֆ. Էվժեն Կինդլերը
3. Պրահան սքանչելի քաղաք է, թանգարան է բաց երկնքի տակ.Արա Բաբլոյան
4. Արա Բաբլոյանի գլխավորած պատվիրակությունը այցելեց Լիդիցեի հուշահամալիր
5. Արա Բաբլոյանը հանդիպել է Չեխիայի վարչապետ Անդրեյ Բաբիշին
6. Միլան Շտյեխ. Չեխիան միշտ պատրաստ է երկխոսության մեջ լինել Հայաստանի հետ
7. Արա Բաբլոյանի գլխավորած պատվիրակությունը վաղը կժամանի Պրահա
8. Չեխիայում նշում են Չեխոսլովակիայի օկուպացման 50-ամյակը
9. Սլովաքիա՝ Իսրայէլի միջոցով զէ՞նք կը վաճառէ Ազէրպայճանին
10. Ինչպե՞ս է չեխական զենքը հայտնվել Ադրբեջանում. բացահայտում են չեխ լրագրողները

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: