ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 հոկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Երվանդ Քոչարի թանգարանին նվիրատվության արարողություն Հռոմում

28 սեպտեմբերի, 2015 | 20:31

sargis ghazaryanՍեպտեմբերի 28-ին Իտալիայում ՀՀ դեսպանությունում կայացավ Երվանդ Քոչարի թանգարանին նվիրատվության արարողություն:

Հռոմում բնակվող Պաոլո Զաքարյանը համաձայնվել էր Երվանդ Քոչարի թանգարանին նվիրել իր հոր՝ Գևորգ Զաքարյանի դիմաքանդակը, որը հայտնի արվեստագետը ստեղծել էր 1922-23թթ. Վենետիկի Սուրբ Ղազար կղզում՝ Մխիթարյան միաբանությունում եղած ժամանակ:

Արարողությանը ներկա էին Երվանդ Քոչարի թանգարանի տնօրեն Լալա Մարտիրոսյան-Քոչարը, վարպետի թոռ Կարինե Քոչարը և վերջինիս պատանի դուստրերը, Պաոլո Զաքարյանը, ՀԲԸՄ Միլանի մասնաճյուղի ղեկավար, Իտալիայի հայերի միության խորհրդական-քարտուղար Կեկել Խաչատրյանը:

Իտալիայում ՀՀ դեսպան Սարգիս Ղազարյանն իր խոսքում բարձր գնահատեց Պաոլո Զաքարյանի՝ հոր դիմաքանդակը թանգարանին նվիրաբերելու որոշումը: Նա կարևորեց աշխարհով մեկ սփռված հայկական մշակութային արժեքների վերադարձը հայրենիք և վստահելի ու պրոֆեսիոնալ խմամքի ներքո գտնվելը՝ միաժամանակ անհրաժեշտ համարելով միջազգային մշակութային կարևոր հարթակներում դրանց ցուցադրումը: Դեսպան Ղազարյանը նշեց, որ «դիմաքանդակը վերադառնում է հայրենիք», որտեղ Հայաստանի ներկա և ապագա սերունդները հնարավորություն կստանան այն տեսնելու ու ըստ արժանվույն գնահատելու:

Պաոլո Զաքարյանն իր ելույթում ընդգծեց, որ նվիրատվության որոշումը դժվարությամբ է կայացրել, քանի որ ողջ կյանքի ընթացքում հոր դիմաքանդակն իր հետ է եղել, սակայն հասկացել է, որ այն առաջին հերթին արվեստի ստեղծագործություն է և պատկանում է հայ ժողովրդին: Նա հավելեց, որ Հայաստանն է դիմաքանդակի ամենաապահով տեղը, և այն պետք է իր արժանի տեղը զբաղեցնի Երվանդ Քոչարի թանգարանում՝ վարպետի ստեղծագործությունների շարքում:

Տիկին Լալա Մարտիրոսյան-Քոչարը շնորհակալություն հայտնեց Պաոլո Զաքարյանին նվիրատվության համար՝ այն բնութագրելով որպես «իմաստուն» որոշում: Նա նաև իր երախտիքի խոսքն ուղղեց ՀՀ մշակույթի նախարարությանն ու Իտալիայում ՀՀ դեսպանությանը՝ նվիրատվության հարցում աջակցություն ցուցաբերելու համար:


Առնչվող նյութեր
1. Հայկական տոներին նվիրված համերգ Հռոմում.
2. Իտալիա. «Նարեկացի» ժողովրդական գործիքների նվագախմբի ելույթը Սալենտոյի միջազգային 15-րդ կինոփառատոնի փակմանը
3. Դեսպան Բաղդասարյանը Հռոմի քաղաքապետին հրավիրել է Երևանի հիմնադրման 2800-ամյա հոբելյանին
4. «Լաւագոյն հայկական կրթօջախ» ` Հայ Լեզուի և Մշակոյթի Ամառնային Խտացեալ Դասընթացքին
5. Իտալիայի Հանրապետության նախագահն այցելեց Մայր Աթոռ Սուրբ Էջմիածին
6. Հայ-իտալկան միջպետական երկու փաստաթուղթ է ստորագրվել Երեւանում
7. Հայաստանի եւ Իտալիայի նախագահների ներկայությամբ բացվել է Մշակութային ժառանգության պահպանման հայ-իտալական կենտրոնը
8. Նիկոլ Փաշինյանը և Սերջիո Մատարելլան կարևորել են տարածաշրջանում կայունության ամրապնդումը
9. Իտալիայի նախագահը Ծիծեռնակաբերդի հուշահամալիրում
10. Միքայել Օհանջանյանի նոր հաղթանակը Իտալիայում. գլխավոր մրցանակ Ֆլորենցիայի մրցույթում

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: