ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
16 հունվարի, 2019
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Երեւանում մեկնարկել է «Քայլ դեպի տուն» ծրագիրը

10 օգոստոսի, 2018 | 11:09

Օգոստոսի 10-ին Հայ-ռուսական համալսարանում տեղի ունեցավ սփյուռքի նախարարության «Քայլ դեպի տուն» ծրագրի բացման միջոցառումը:

Բարի գալուստ մաղթելով մասնակիցներին նոր Հայաստանում՝ սփյուռքի նախարար Մխիթար Հայրապետյանը նշեց. «Ես մեզ բոլորիս ուզում եմ շնորհավորել երկու իրադարձության առթիվ: Նախ այն բանի համար, որ դուք իսկապես գտնվում եք նոր Հայաստանում, և իհարկե շնորհավորում եմ «Քայլ դեպի տուն» ծրագրի մեկնարկի առթիվ: Սա սփյուռքի նախարարության համար աննախադեպ ծրագիր է, երբևէ նախարարությունը միաժամանակ 400 սփյուռքահայ պատանիների չի հյուրընկալել: Մեզ համար մարտահրավեր է, սակայն մենք անելու ենք մեր լավագույնը, որ թերացումներ չլինեն»:

Նախարարը շնորհակալություն հայտնեց ծրագրի գործընկերներին՝ Հայ-ռուսական համալսարանին, «Teach for Armenia» և «Birthright Armenia» հիմնադրամներին, Հայկական բարեգործական ընդհանուր միությանը, «GG» տաքսի ծառայությանը, «All Inclusive Armenia» և «Loft» կազմակերպություններին:

«Ես առավել քան վստահ եմ, որ դուք գժի պես սիրահարվելու եք այս երկրին, և Հայաստանն էլ սիրելու է ձեզ: Ուզում եմ, որ տարբեր պատմամշակութային վայրեր այցելելուց բացի՝ երբեմն դուրս գաք և շփվեք մարդկանց հետ: Տեսնեք, թե որքան դրական էներգետիկա է կուտակվել թավշյա հեղափոխությունից հետո: Խոսե՛ք, զրուցե՛ք, կիսվե՛ք, ճանաչե՛ք ձեր հայրենակիցներին: Դուք կսիրեք նրանց»,-ընդգծեց նախարարն ու վստահություն հայտնեց, որ «Քայլ դեպի տուն»-ի մասնակիցներից շատերին տարիներ անց կրկին կհանդիպի, և նախարարությունն ամեն բան անելու է, որ նրանք տեղափոխվեն Հայաստան:

«Դուք այստեղ հյուր չեք, դուք այստեղ եք տանտիրոջ կարգավիճակով: Միշտ հիշեք, որ կա մի փոքր պետություն մեծ ներուժով, 42 հազար կիլոմետր տարածքով, որը սպասելու է ձեզ: Շնորհակալ եմ, սիրում եմ բոլորիդ»,-ամփոփեց իր խոսքը Մխիթար Հայրապետյանը:

Մասնակիցներին ողջունեց նաև Հայ-ռուսական համալսարանի էկոնոմիկայի և բիզնեսի ինստիտուտի տնօրեն Էդվարդ Սանդոյանը:

«Մեր համալսարանում բազմաթիվ սփյուռքահայ ուսանողներ ունենք: Ձեզ նույնպես սպասում ենք այստեղ: Բարո՛վ եք եկել, բարի երթ»,-նշեց Էդվարդ Սանդոյանը:

Ծրագրի մասնակիցներին երաժշտական կատարումներով ողջունեցին երգիչներ Հայկ Ստվերը, Հայկ Եսայանը և Վլադիմիր Ահարոնյանը: Պատանիները պարեցին, ծանոթացան սփյուռքի նախարարի հետ, լուսանկարվեցին:

Այնուհետև ծրագրի 440 մասնակիցները բաժանվեցին հոսքերի ու խմբերի: Նրանք այսօր ըստ ուղղությունների կմեկնեն Հայաստանի պատմության, Երևանի պատմության և «Էրեբունի» պատմահնագիտական արգելոց թանգարաններ:

Այս մասին հայտնում են սփյուռքի նախարարությունից։

ՕՐԵՐ


Առնչվող նյութեր
1. Սկսվել է «Արի տուն» ծրագրի անցումային փուլը, իսկ օգոստոսի 10-ից կսկսվի վերափոխված՝ «Քայլ դեպի տուն» ծրագիրը
2. ՀՀ սփյուռքի նախարար Հրանուշ Հակոբյանը ամփոփել է 2014-ը
3. Կնքվեց համագործակցության հուշագիր
4. Սփյուռքի նախարարը Բարսելոնայում
5. Հայաստանում բնակվող սիրիահայերի 30 տոկոսն ունեն իրենց բնակարանները. սփյուռքի նախարարը` սիրիահայերի դժգոհությունների մասին
6. Հեսսենի հայ մշակութային միության ծրագրերը ներկայացվեցին սփյուռքի նախարարին
7. ՀԲԸՄ ներկայացուցիչները սփյուռքի նախարարի հետ քննարկեցին սիրիահայության խնդիրները

Մեկնաբանություն

Վերջին լուրեր
1.ԱՆԹԻԼԻԱՍԻ ՄԷՋ ԽՈՐՀՐԴԱԿՑԱԿԱՆ ՆԻՍՏԵՐ՝ ՀԱՅ ՄԱՄՈՒԼԻ ՏԱՐԻ ՀՌՉԱԿՈՒՄԻՆ ԱՌԻԹՈՎ
2.«Սրընթաց հեղափոխությունները տեղի են ունենալու նաև մեր ամենօրյա կյանքում». Նախագահ Արմեն Սարգսյան
3.Լենա Նազարյանը, Ալեն Սիմոնյանը եւ Վահե Էնֆիաջյանն ընտրվել են ՀՀ ԱԺ նախագահի տեղակալներ
4.Դեսպան Վարուժան Ներսեսյանն իր հավատարմագրերը հանձնեց ԱՄՆ նախագահին
5.Սահակ Սարգսյանը Սևծովյան տնտեսական համագործակցության կազմակերպությունում ՀՀ մշտական ներկայացուցիչ
6.Ավստրիայում Հայաստանի դեսպանը նաեւ ՀՀ ներկայացուցիչ ԵԱՀԿ-ում եւ ՄԱԿ-ի կազմակերպություններում
7.Արարատ Միրզոյանը միաձայն ընտրվեց 7-րդ գումարման ԱԺ նախագահ
8.Մեկնարկել է ՀՀ ԱԺ յոթերորդ գումարման առաջին նստաշրջանի աշխատանքը
9.Մեր ժողովուրդը մեծ սպասումներ ու ակնկալություններ ունի բարեփոխումների. Գարեգին Բ Ամենայն Հայոց կաթողիկոս
10.«Եղե՛ք ընդդիմախոսներ, բայց երբեք հակառակորդներ: Թիրախավորե՛ք խնդիրները, այլ ոչ թե անձերին»:- Հանրապետության նախագահ Արմեն Սարգսյանի ելույթը 7-րդ գումարման Ազգային ժողովի առաջին նիստում
Դիտել բոլորը
© ORER.CZ 2003-2012, ORER.EU 2012-2019
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: