ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 հոկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Երեւանի տոնին բացվեց «Այբ» դպրոցի նոր մասնաշենքը

14 հոկտեմբերի, 2017 | 16:50

Հոկտեմբերի 14-ին տեղի ունեցավ «Այբ» դպրոցի նոր՝ երրորդ (Գ) մասնաշենքի բացման հանդիսավոր արարողությունը։ Միջոցառմանը ներկա էին ՀՀ նախագահ Սերժ Սարգսյանը, ՀՀ կրթության և գիտության նախարար Լևոն Մկրտչյանը, այլ բարձրաստիճան անձինք, դպրոցի բարերարներն ու աջակիցները։  Այս մասին հայտնում է aybschool կայքէջը։

Հանդիսավոր արարողությունը բացվեց «Այբ» դպրոցի երգչախմբի ելույթով, որին հաջորդեցին ԿԳ նախարար Լևոն Մկրտչյանի և «Այբ» դպրոցի հոգաբարձուների խորհրդի նախագահ Տ. Մեսրոպ քահանա Արամյանի ելույթները, Գ մասնաշենքի օրհնության կարգը և ժապավենը կտրելու հանդիսավոր արարողությունը:

ՀՀ նախագահն ու հյուրերը շրջեցին դպրոցի նոր մասնաշենքում: «Ստորակետ» ճարտարապետական արվեստանոցի նախագծած յուրօրինակ ճարտարապետական լուծումներով քառահարկ նոր մասնաշենքի ընդհանուր մակերեսը 4200 մ2 է։ Այն ունի 11 դասասենյակ և նախատեսված է 180 աշակերտի համար։ «Այբ» դպրոցի Գ մասնաշենքը հագեցած է ժամանակակից կրթական տեխնոլոգիաներով, ունի բազմաթիվ լաբորատորիաներ, արվեստի ստուդիաներ, սպորտդահլիճ և ավելին՝ երեխաների հագեցած, հետաքրքիր ուսումնառությանն ու նրանց ստեղծագործ ներուժի բացահայտմանը լավագույնս նպաստելու համար:

«Այբ»-ի նոր մասնաշենքի կառուցումը հնարավոր է դարձել «Այբ» համայնքի՝ կրթության գաղափարի շուրջ միավորված տասնյակ բարերարների ֆինանսական աջակցությամբ:

Տնօրեն Արամ Փախչանյանի խոսքով՝ «Այբ» դպրոցը շարունակում է իր առաքելությունը՝ ձգտելով ստեղծելու Հայաստանում օրինակելի կրթական միջավայր, և նոր մասնաշենքի բացումը հերթական քայլն է այդ ուղղությամբ:

«Մեր նպատակն է ձևավորել դպրոցաշինության մշակույթ, որտեղ կձևավորվեն մարդկային լավագույն որակները, կզարգանան երեխաների երևակայությունը, ստեղծարար ներուժը, իսկ սովորելն ու դասավանդելը կլինի ոգևորիչ և արդյունավետ»,- ասաց Արամ Փախչանյանը։

«Մեր կրթության փիլիսոփայությունը խարսխված է ազատության և ստեղծարարության վրա: Մենք փորձել ենք դա արտացոլել մեր կրթական տարածքներում, քանի որ ուզում ենք, որ մեր ապագա սերունդը լինի ազատատենչ, ստեղծարար, նորարարությունների ձգտող և ճշմարտության հետևից գնացող: Եվ այս մասնաշենքը դրա արդյունքն է»,- Տ. Մեսրոպ քահանա Արամյանը նշեց իր բացման խոսքում:

orer.eu


Առնչվող նյութեր
1. Աշխարհի առաջնորդները միավորվում են երիտասարդությանը որակյալ կրթություն տրամադրելու նոր նախաձեռնության շուրջ
2. Ֆիզմաթ. ժամանակը կրթության մեջ
3. Կրթության խնդիրները, գումարները, հարգանքն ու ապագան. հանդիպում- քննարկում
4. Գերմանիան ճանաչում է ՀՀ դպրոցական ավարտական վկայականները. հայ շրջանավարտները կարող են դիմել գերմանական բուհեր
5. «ԼՈՒՅՍԻ» ԿՐԹԱԹՈՇԱԿԻ ՏՐԱՄԱԴՐՄԱՆ ԿԱՆՈՆԱԿԱՐԳԻ ՓՈՓՈԽՈՒԹՅՈՒՆՆԵՐԻ ՆԵՐԿԱՅԱՑՈՒՄ
6. Նոր գիրք. «Բոլոնիայի գործընթացի ուղենիշները. Երևանից Փարիզ»
7. Հայաստանում անցկացվեց երկրորդ Աշխարհի ամենածավալուն դասը
8. Իսպանական Վալենսիան համագործակցում է Հայաստանի համալսարանների հետ
9. Կրթութեան եւ գիտութեան նախարարութիւնը անհրաժեշտ կը նկատէ արեւմտահայերէնի զարգացման կեդրոնի ստեղծումը
10. Հայաստանցիները կարող են մասնակցել Եվրամիության «Հորիզոն-2020»-ի գիտության և նորարարության մրցույթներին

Մեկնաբանություն

Վերջին լուրեր
1.Հայկ Մարությանի ուղերձը՝ «Էրեբունի-Երևանի» հիմնադրման 2800-ամյակի առթիվ
2.Վենետիկի հանձնաժողովը չի խոչընդոտելու երկրի կայուն զարգացման գործընթացին
3.Նիկոլ Փաշինյանը և Սաադ Հարիրին քննարկել են Հայաստանի և Լիբանանի միջև հարաբերությունների զարգացման հեռանկարները
4.ԱՐԱ ԿԻՒԼԷՐ ՅԱՒԵՐԺՈՒԹԵԱՆ Կ՚ՈՒՂԵՒՈՐՈՒԻ ԲԻՒՐ ՅԱՐԳԱՆՔՈՎ
5.Լիբանանը միակ երկիրն է տարածաշրջանում, որը պաշտոնապես ճանաչել է Հայոց ցեղասպանությունը.Նիկոլ Փաշինյան
6.Գերմանիայի Հալլեի համալսարանի «Մեսրոպ» հայագիտական կենտրոնի 20-ամյա հոբելյանին նվիրված միջոցառում
7.,,Ֆինանսական խնդիրները չպետք է արվեստի զարգացման համար խոչընդոտ դառնան». Արման Ղուկասյան
8.350 ԱՄԵԱԿ. ՀԱՅԵՐԷՆ ԱՍՏՈՒԱԾԱՇՈՒՆՉԻ Ա. ՏՊԱԳՐՈՒԹԻՒՆԸ ԱՄՍԹԵՐՏԱՄԻ ՄԷՋ
9.ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՓՈՐՁԻ ՓՈԽԱՆԱԿՄԱՆ ԾՐԱԳԻՐ ՀԱՅԱՍՏԱՆՈՒՄ
10.Հայաստանի արտգործնախարարի և ԵՄ Եվրոպայի և Կենտրոնական Ասիայի հարցերով գործադիր տնօրենի հանդիպումը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: