ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Եվրոպայի խորհրդի գլխավոր քարտուղար Թորբյորն Յագլանդը շնորհավորել է Հայաստանի անկախության օրը

22 սեպտեմբերի, 2017 | 18:01

Եվրոպայի պալատում` Եվրոպայի խորհրդի կենտրոնակայանում, տեղի ունեցավ Հայաստանի անկախության օրվան նվիրված միջոցառում, որը կազմակերվել էր ԵԽ-ում ՀՀ մշտական ներկայացուցչության կողմից:

Միջոցառմանը ներկա էին Եվրոպայի խորհրդի գլխավոր քարտուղար Թորբյորն Յագլանդը, Մարդու իրավունքների եվրոպական դատարանի նախագահ Գիդո Ռայմոնդին, ՄԻԵԴ դատավորներ, ԵԽ անդամ և դիտորդ պետությունների դեսպաններ և դիվանագետներ, Խորհրդարանական վեհաժողովի (ԵԽԽՎ) գլխավոր քարտուղար Վոյցեխ Սավիցկին, ԵԽ քարտուղարության և այլ մարմինների ներկայացուցիչներ, Հայ Առաքելական եկեղեցու և հայ համայնքի ներկայացուցիչներ:

Ներկաներին ողջույնի խոսքով դիմեց Եվրոպայի խորհրդում Հայաստանի դեսպան, մշտական ներկայացուցիչ Պարույր Հովհաննիսյանը, ով իր խոսքում անդրադարձավ անկախությունից ի վեր Հայաստանի որդեգրած ուղուն` միտված խորքային բարեփոխումների միջոցով երկարաժամկետ զարգացման տեսլականի կյանքի կոչմանը:

Անդրադառնալով անդամակցությունից ի վեր ԵԽ կառույցներորւմ ՀՀ ներգրավվածությանը` Հայաստանի դեսպանն ընդգծեց. «Հայաստան-Եվրոպայի խորհուրդ փոխգործակցությունն արդյունավետ և հանձնառու երկխոսության արգասիք է: Եվրոպայի խորհուրդը մշտապես հանդիսացել է և շարունակում է արժեքավոր հենարան լինել Հայաստանում ժողովրդավարության, մարդու իրավունքների և օրենքի գերակայության ամրապնդման համար: Պատահական չէ, որ հենց Եվրոպայի խորհրդի փորձագիտական օժանդակությամբ է ապահովվել ՀՀ Սահմանադրական բարեփոխումների կայացումը, որի արդյունքում հաջողությամբ շարունակվում են իրագործվել նաև ներկայիս լայնածավալ օրենսդրական փոփոխությունները»:

orer.eu

Եվրոպայի խորհրդի գլխավոր քարտուղար Թորբյորն Յագլանդը, շնորհավորելով Հայաստանի անկախության օրվա կապակցությամբ, անդրադարձ կատարեց Հայաստանի և Եվրոպայի խորհրդի միջև հաստատված սերտ համագործակցությանը և դրա արդյունքում արձանագրված արդյունքներին: Իր շնորհավորական ուղերձում Թորբյորն Յագլանդն անդրադարձավ նաև ուշագրավ մի դրվագի` կապված Նանսենյան անձնագրերի և դրանց միջոցով բազմաթիվ հայերի փրկության հետ: Գլխավոր քարտուղարը, մասնավորապես, նշեց. «Եթե մենք մտածենք ժողովուրդների մասին, նման գործեր կկատարվեն նորից: Դա արվեց ողբերգությունից հետո, ինչը հնարավորություն տվեց փրկելու կես միլիոն մարդկանց: Անձնագրերը ճանաչվում էին ավելի քան 50 պետության կողմից, և բոլոր այս մարդիկ հնարավորություն ստացան հատելու սահմաններ և փրկվելու»:

Միջոցառմանը պարային կատարումներով հանդես եկավ մի շարք մրցանակների արժանացած` Ստրասբուրգի Վերածնունդ հայկական պարային համույթը:


Առնչվող նյութեր
1. Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
2. Հայաստանի դպրոցներում կներդրվի Աշխարհատեղեկատվական համակարգը
3. Եվրոպայի խորհրդում նշվեց Երևանի 2800-ամյակը
4. ԱՆՇԱՐԺ ԳՈՒՅՔԻ ԳՆԵՐԸ ԲԱՐՁՐԱՆՈՒ՞Մ ԵՆ
5. 52 տարի` օգտակար լինելու ցանկությամբ
6. Հայկ Մարությանի ուղերձը՝ «Էրեբունի-Երևանի» հիմնադրման 2800-ամյակի առթիվ
7. ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՓՈՐՁԻ ՓՈԽԱՆԱԿՄԱՆ ԾՐԱԳԻՐ ՀԱՅԱՍՏԱՆՈՒՄ
8. Այս փուլում և՛ կառավարությունը, և՛ բոլոր պետական մարմինները պետք է անխափան գործեն. Նիկոլ Փաշինյանը և Արմեն Սարգսյանը քննարկել են ներհայաստանյան քաղաքական իրավիճակը
9. Ստրասբուրգի Մայր տաճարում ելույթ ունեցավ «Նաղաշ» համույթը
10. Դեկտեմբերի արտահերթ ընտրություններում քվերակությունը կատարվելու է առանց գրիչի. Նիկոլ Փաշինյան

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: