ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
23 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

ԵԽ. Հայաստանը պետք է լրացնի օրենսդրական բացերը, պայքարի ատելություն սերմանող խոսքի և բռնության դեմ

04 հոկտեմբերի, 2016 | 09:32

eu shenkՀայաստանը պետք է լրացնի օրենսդրական բացերը, պայքարի ատելություն սերմանող խոսքի և բռնության դեմ, նշում է Եվրոպայի խորհրդի՝ Ռասիզմի և անհանդուրժողականության դեմ եվրոպական հանձնաժողովը։

Ստրասբուրգ, 04.10.2016թ. – Հայաստանը ռասիզմի և անհանդուրժողականության դեմ պայքարելու, փախստականներին ինտեգրելու և էթնիկական փոքրամասնություններին աջակցելու հաստատակամություն է դրսևորել։

Այնուամենայնիվ, օրենսդրական բազմաթիվ բացերը, ատելություն սերմանող խոսքի և բռնությունների աճը և ինստիտուցիոնալ թերությունները շարունակում են մտահոգության առարկա լինել, այսօր հրապարակված իր նոր զեկույցում նշել է Ռասիզմի և անհանդուրժողականության դեմ եվրոպական հանձնաժողովը (ՌԱԵՀ)։

Զեկույցը, որը ներառում է 2010թ. դեկտեմբերից մինչև 2016թ. մարտն ընկած ժամանակահատվածը, ողջունել է Քրեական օրենսգիրքը վերանայելու և հակախտրական համապարփակ օրենսդրություն մշակելու, Սիրիայից փախստականների մեծ ներհոսքն ինտեգրելու և էթնիկական փոքրամասնություններին տրամադրվող ֆինանսական աջակցությունն ավելացնելու ուղղությամբ Հայաստանի իշխանությունների գործադրած ջանքերը։

Այնուհանդերձ, քրեական, քաղաքացիական և վարչական օրենսդրությունը և ընթացակարգերը դեռևս տուժում են բազմաթիվ թերությունների պատճառով, որոնք ռասիզմի և խտրականության դեմ պատշաճ պայքարը դարձնում են անհնարին։

Զեկույցում նշվում է ատելություն սերմանող խոսքի աճի, որը հանգեցնում է բռնության, որի հիմնական թիրախը ԼԳԲՏ համայնքի և ոչ ավանդական կրոնական խմբերի անդամներն են, ինչպես նաև քաղաքական և հանրային դիսկուրսում այս խմբերի խարանման մասին։

«Մենք հատկապես մտահոգված ենք այս երևույթի չափերի և քրեական վարույթների սակավաթվության միջև առկա հակադրությամբ»,– ասել է ՌԱԵՀ-ի նախագահ՝ Քրիստիան Ահլունդը։

«Պաշտոնական տվյալների համաձայն՝ 2011թ.-ից ի վեր հետաքննվել է ընդամենը երեք հանցագործություն, որոնցից մեկն է ավարտվել դատապարտմամբ։ Տուժողները, ըստ երևույթին, չեն ցանկանում հանցագործությունների մասին հաղորդում ներկայացնել ոստիկանությանը։ Կոչ եմ անում իշխանություններին՝ ապահովել, որպեսզի ԼԳԲՏ անձանց կամ նրանց իրավունքները պաշտպանողների նկատմամբ հանրության շրջանում հրահրված բռնությունների և ատելության, հատկապես՝ սպառնալիքների բոլոր դեպքերը քննվեն և, համապատասխանաբար, պատժվեն»։

ՌԱԵՀ-ը նաև նշել է ադրբեջանցիների և հրեաների դեմ ուղղված անհանդուրժող հայտարարությունների և «գենդերային հավասարություն» հասկացությանն ընդդիմանալու մասին, որը կրոնական ու պահպանողական առաջնորդների կողմից ընկալվում է որպես հակահայկական և ոչ ավանդական։ Դեռևս չկա ինտեգրման համապարփակ քաղաքականություն, շարունակվում են հայկական էթնիկական ծագում չունեցող միգրանտների նկատմամբ խտրականության դրսևորման վերաբերյալ պնդումները, և իրենց սոցիալական ինտեգրման համար միգրանտներին չի տրամադրվում բավարար տևողությամբ աջակցություն, նշվում է զեկույցում։

Որպես երկու տարվա ընթացքում իրականացվելիք առաջնահերթ առաջարկություններ՝ ՌԱԵՀ-ը կոչ է անում իշխանություններին կարգավորել ինտեգրման տարբեր ռազմավարությունները բոլոր խոցելի խմբերի համար և փոփոխել Հայաստանի քրեական իրավունքը։

«Արգելված հիմքերի» ցանկը պետք է բացահայտորեն ներառի մաշկի գույնը, լեզուն, ազգությունը, ազգային կամ էթնիկական ծագումը, սեռական կողմնորոշումը և գենդերային ինքնությունը։ Բացի այդ, պետք է քրեականացվեն բռնությունների և ռասայական խտրականության հրահրումը, ինչպես նաև ցեղասպանության, մարդկության դեմ հանցագործությունների և պատերազմական հանցագործությունների հանրային ժխտումը, պարզունակացումը, արդարացումը կամ համակերպումը։

Այլ առաջարկություններ ներառում են՝ հոմոֆոբ/տրանսֆոբ շարժառիթը որպես ծանրացուցիչ հանգամանք ամրագրելը, Մարդու իրավունքների պաշտպանին ավելի շատ լիազորություններ տրամադրելը՝ նրան մասնավոր հատվածում խտրականության հարցերով զբաղվելու հնարավորություն տալու նպատակով, ոստիկանության դեմ բողոքների քննության անկախ մեխանիզմ ստեղծելը և լրատվամիջոցների համար էթիկայի կանոնագրքի և խորհրդարանականների համար վարքի կանոնագրքի ընդունման խրախուսումը։

Զեկույցը, ներառյալ՝ Կառավարության դիտարկումները, մատչելի է այստեղ։ Այն պատրաստվել է 2015թ. սեպտեմբերին ՌԱԵՀ-ի Հայաստան կատարած այցից հետո, և դրանում հաշվի են առնվել մինչև 2016թ. մարտի 17-ը տեղի ունեցած զարգացումները։

ՌԱԵՀ-ը Եվրոպայի խորհրդի՝ մարդու իրավունքների պաշտպանության մարմին է, որը կազմված է անկախ փորձագետներից և մշտադիտարկում է ռասիզմի, այլատյացության, հակահրեականության և անհանդուրժողականության խնդիրներն այնպիսի հիմքերով, ինչպիսիք են՝ «ռասան», ազգային/էթնիկական ծագումը, մաշկի գույնը, քաղաքացիությունը, կրոնը և լեզուն (ռասայական խտրականություն)։ Այն պատրաստում է զեկույցներ և մշակում առաջարկություններ անդամ պետությունների համար։

ՌԱԵՀ-ի վերաբերյալ լրացուցիչ տեղեկություններ՝ www.coe.int/ecri


Առնչվող նյութեր
1. Հայաստանի անկախության 27-ամյակին նվիրված միջոցառում Լիոնում
2. Ին՞չ եփել այսօր՝ քաղաքական կաթսայում. հայացք Երեւանից
3. Սա մեզ կանգնեցնելու խղճուկ փորձ է, բայց չենք ընկճվելու. ՀՔԾ պետը՝ հրապարակված ձայնագրության մասին
4. ԻՆՍՏԻՏՈՒՑԻՈՆԱԼ ԱՋԱԿՑՈՒԹՅՈՒՆ ՀԱՅԱՍՏԱՆԻ ՀԱՄԱՅՆՔՆԵՐԻ ՄԻՈՒԹՅԱՆԸ (ՀՀՄ)
5. Արա Բաբլոյանը Հայաստանի նախագահի ու վարչապետի հետ քննարկել է ներքաղաքական վիճակը
6. Մհեր Սահակյան. «Չինաստանի Մեկ գոտի, մեկ ճանապարհ նախաձեռնությունը և Հայաստանը» /նոր գիրք/
7. Գերմանիայի կանցլեր Անգելա Մերկելի առաջին այցը Հայաստան
8. Հիմնադրվել է «Սասնա Ծռեր» կուսակցությունը
9. Միլան Շտյեխ. Չեխիան միշտ պատրաստ է երկխոսության մեջ լինել Հայաստանի հետ
10. Անընդունելին եւ ընդունելին՝ քարոզչական պատերազմին մէջ. Րաֆֆի Տուտագլեան

Մեկնաբանություն

Վերջին լուրեր
1.«Իմ առաջադրանքը ձեզ շատ պարզ է` ամեն օր լուծել թեկուզ փոքր, բայց որևէ կոնկրետ խնդիր». Վարչապետը հանդիպել է Արարատի մարզի համայնքների ղեկավարներին
2.Գաֆեսճյան արվեստի կենտրոնում տեղի ունեցավ Հայաստանում Եվրոպական Ժառանգության օրերի պաշտոնական բացումը
3.ՀՀ քաղաքացիական ավիացիայի կոմիտեի նախագահի այցը Չինաստան
4.Երեւանի ավագանու ընտրությունների կապակցությամբ Եվրոպայի Հայերի Համագումարի կոչը Երեւանցիներին.
5.Ռումանիոյ Հայոց Թեմի առաջնորդ Տ. Տաթև եպիսկոպոս Հակոբյանի շնորհավորական ուղերձը ՀՀ անկախության 27-րդ տարեդարձի առիթով
6.Հայաստանի անկախության 27-ամյակին նվիրված միջոցառում Լիոնում
7.ԱՌԱՋԻՆԷՆ ՄԻՆՉԵՒ ՉՈՐՐԱՐԴ ՀԱՅԱՍՏԱՆԻ ՀԱՆՐԱՊԵՏՈՒԹԻՒՆ. ԱՆԿԱԽՈՒԹՅԱՆ ՕՐ
8.Պապը Կը Շնորհաւորէ Մխիթարեան Միաբանութեան 300ամեակը
9.Չինական գեղագրությունը և գրաֆիկան Հայաստանում
10.Հայաստանի և Էստոնիայի հարյուրամյակներին նվիրված համերգ Տալլինում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: