ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
13 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

«Եզդիների կրոնական աշխարհայացքը» գիրքը նվիրված է հայ և եզդի ազատամարտիկների հիշատակին

20 ապրիլի, 2017 | 16:59

ezdiner book

Երևանի պետական համալսարանի հրատարակչությունում լույս է տեսել «Եզդիների կրոնական աշխարհայացքը» գիրքը, որտեղ ներկայացված են եզդիների հիմնական հավատալիքները, սրբավայրերն ու սրբությունները, ինչպես նաև եզդիների համար պարտադիր համարվող հիմնական կրոնական ծեսերն ու արարողությունները։

Գրքի հեղինակն է ԵՊՀ Արևելագիտության ֆակուլտետի իրանագիտության ամբիոնի դասախոս, պատմական գիտությունների թեկնածու Թերեզա Ամրյանը, խմբագիրն է ԵՊՀ իրանագիտության ամբիոնի վարիչ, բանասիրական գիտությունների թեկնածու Վարդան Ոսկանյանը։

Գիրքը բաղկացած է երեք գլուխներից։ Առաջին գլուխը նվիրված է աստծուն,կրոնական հավատալիքներին,երկրորդում ներկայացված են  եզդիականության կրոնի, Լալիշի կիրճում գտնվող եզդիների գլխավոր տաճարը,սրբերի մասունքներն,այստեղ հեղինակն անդրադարձել է նաև 2012 թվականին Արմավիրի մարզի Ակնալիճ գյուղում  բացված եզդիական գլխավոր սրբատեղիի մասին,որը համարվում է եզդիների  առաջին  հուշակոթողն եզդի ժողովրդի  համար,մեր երկրում։

Երրորդ գլխում ներկայացված են եզդիական ծեսերը, սովորույթներն ու ավանդույթները։ Գիրքը գրված է գիտական ու ակադեմիական ոճով ու նպատակ կա այն թարգմանելու անգլերեն,պարսկերեն և այլ լեզուներով։
Թերեզա Ամրյանը վստահ է, որ մեր հայրենակիցներից շատերը կհետաքրքրվեն գրքով և կցանկանան ավելի խորը գիտելիքներ ունենալ հարուստ մշակույթ և չափազանց յուրահատուկ աշխարհայացք ունեցող եզդի ժողովրդի կրոնի ու ավանդույթների վերաբերյալ. «Եզդիների կրոնին անդրադարձել են մի շարք օտարալեզու գիտնականներ և հեղինակներ:

Հայերենով նույնպես կան գրքեր՝ նվիրված եզդիների կրոնի որոշ առանձնահատկություններին. դրանց մեծ մասը, սակայն, զուտ սիրողական բնույթ ունեն և գիտական մեթոդաբանության կիրառմամբ չեն մեկնաբանում եզդիական կրոնի իրողությունները»:
Հեղինակը պատմեց, որ օգտագործվել և վերլուծվել են եզդիական կրոնական տեքստերը, որոնք ավանդաբար, սերնդեսերունդ փոխանցվում են բանավոր ճանապարհով։
Նրա խոսքով՝ «Եզդիների կրոնական աշխարհայացքը» վերնագիրը կրող գիրքը տարիների ընթացքում կատարված հետազոտությունների արդյունքն է, որը հիմնված է թե՛ առկա գրականության մանրակրկիտ վերլուծության և թե՛ Հայաստանի եզդիական համայնքում իրականացրած դաշտային աշխատանքի վրա:
«Գիրքս նվիրել եմ մերօրյա հերոսների՝ հայ և եզդի ազատամարտիկների հիշատակին, որոնք իրենց կյանքը նվիրաբերել են մեր ընդհանուր հայրենիքի ազատագրության սրբազան գործին»,- հավելեց հեղինակը:

Գիրքը նախատեսված է արևելագետների,ազգագրագետների,աստվածաբանների և մշակութաբանների,ինչպես նաև եզդիների հավատալիքներով հետաքրքրվող ընթերցող լայն շրջանակի համար։

Ապրիլի 19-ին ԵՊՀ իրանագիտության ամբիոնում հավաքվել էին հայ ու եզդի ուսանողներ, մտավորականներ , լեզվաբաններ՝ մասնակցելու «Եզդիների կրոնական աշխարհայացքը» գրքի շնորհանդեսին:

Շնորհանդեսի բացման ու ողջույնի խոսքով հանդես եկավ գրքի խմբագիրը՝  ԵՊՀ իրանագիտության ամբիոնի վարիչ, բանասիրական գիտությունների թեկնածու Վարդան Ոսկանյանն,ով  խոսեց Հայաստանում բնակվող եզդիական համայնքի,նրանց կրոնական հավատքի, ինչպես նաև մի քանի խոսքով ներկայացրեց գիրքը գրելու գաղափարը։ Այնուհետև ելույթ ունեցավ գրքի հեղինակ, ԵՊՀ Արևելագիտության ֆակուլտետի իրանագիտության ամբիոնի դասախոս, պատմական գիտությունների թեկնածու Թերեզա Ամրյանն, ով խոսեց գրքի ու դրա արժեքի մասին։

Ելույթներով հանդես եկան նաև եզդի հոգևորական Հասան Ամրոյանը, պարսից  լեզվի դասախոսներ Գառնիկ Գևորգյանը, Նվեր Դավթյանը և այլք։

Գրքի շնորհանդեսն ավարտվեց քննարկումով։

Հուսանք,որ նշված աշխատությունը շուտով կգտնի իր ընթերցողներին՝  ամրապնդելով հայ և եզդի ժողովուրդների դարավոր բարեկամությունը։

 

Գարիկ Ավետիսյան

Լուսանկարը՝ Սիրարփի Կարապետյանի

 


Առնչվող նյութեր
1. Հայաստանը Ֆրանկֆուրտի գրքի միջազգային ցուցահանդեսում
2. Բացառիկ հայկական ցուցահանդես՝ չեխական հրաշագեղ դահլիճում
3. Պրահայում ավարտվեց Գրքի եւ գրականության միջազգային տոնավաճառ-փառատոնը
4. Հայաստանն առաջին անգամ մասնակցեց Լայպցիգի Գրքի ամենամյա տոնավաճառին
5. Լույս է տեսել «Արարատ»-ի բնագիրները» գրքի Բ հատորը
6. Երեւանյան գրքի փառատոնը ավարտվեց, հաղթողների գործերը կհրատարակվեն
7. Ցեղասպանությանը նվիրված չեխերեն գրքի շնորհանդեսը նոյեմբերի 14-ին
8. Մեծի Տանն Կիլիկիո Գարեգին Ա Հովսեփյան Կաթողիկոսին նվիրված վավերագրերի ժողովածուների շնորհանդես Մայր Աթոռ Սուրբ Էջմիածնում
9. Եզդիական նոր տարին նշվեց Ակնալճի սրբատեղիում
10. ,,Հայաստան՝ լեռների, վանքերի ու գինու երկիր,,. Շնորհանդես եւ ցուցահանդես Հրադեց Կրալովե քաղաքում

Մեկնաբանություն

Վերջին լուրեր
1.Սարիկ Անդրեասյանի «Չներվածը» ներկայացվեց Պրահայի հանդիսատեսին
2.«Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
3.ՑՈՒՑԱՀԱՆԴԵՍ, ԳՐՔԻ ՇՆՈՐՀԱՆԴԵՍ ԵՎ ՀԱՄԵՐԳ` ՆՎԻՐՎԱԾ ՎԱԶԳԵՆ Ա-Ի ԾՆՆԴՅԱՆ 110 ԱՄՅԱԿԻՆ
4.Գագիկ Ղալաչյանը՝ Ղազախստանում Հայաստանի դեսպան
5.Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
6.ՀՀ մշտական ներկայացուցիչ դեսպան Արման Կիրակոսյանի հայտարարությունը ԵԱՀԿ Մշտական Խորհրդի նիստին
7.Հայկ Մարությանն ընդունել է Չեխիայի դեսպանին
8.Սիմոն Մարտիրոսյան.Ութ տարի անց Հայաստանն ունեցավ աշխարհի նոր չեմպիոն և կրկնակի ռեկորդակիր
9.Յուրի Վարդանյանը կհուղարկավորվի Երևանի Կոմիտասի անվան պանթեոնում
10.Սա Ձեր ապրած կյանքի գնահատականն է. նախագահ Սարգսյանը Երվանդ Մանարյանին հանձնել է Հայաստանի Հանրապետության ժողովրդական արտիստի կրծքանշանը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: