ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
16 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

ԵԱՀԿ.Դեսպան Կիրակոսյանը փաստեց, որ ադրբեջանական կողմը մինչ այժմ խոչընդոտում է այս համաձայնությունների իրականացմանը

10 նոյեմբերի, 2017 | 16:37

ԵԱՀԿ-ում ՀՀ մշտական ներկայացուցիչ Արման Կիրակոսյանի ելույթը ԵԱՀԿ Մշտական խորհրդի նիստին

Նոյեմբերի 9-ին ԵԱՀԿ Մշտական խորհրդի 1163-րդ նիստին ԵԱՀԿ-ում Հայաստանի առաքելության ղեկավար, դեսպան Արման Կիրակոսյանը հանդես եկավ ելույթով՝ ի պատասխան ԵԱՀԿ Մինսկի խմբի համանախագահների զեկույցի։

Բարձր գնահատելով համանախագահների ջանքերը՝ դեսպան Կիրակոսյանը վերահաստատեց հայկական կողմի անվերապահ աջակցությունը ԵԱՀԿ Մինսկի խմբի համանախագահների համաձայնեցված ձևաչափին և ղարաբաղյան հակամարտության խաղաղ լուծման հանձնառությունը։

Դեսպան Կիրակոսյանն ընդգծեց, որ Ժնևյան գագաթաժողովն ու դրա ընթացքում ձեռք բերված պայմանավորվածությունը, որի համաձայն բանակցությունները պետք է ակտիվացվեն և շփման գծում պետք է ձեռնարկվեն հավելյալ միջոցներ լարվածության թուլացման նպատակով, հանդիսանում է համանախագահների հետևողական ջանքերի արդյունքը։

Հայկական կողմն արձանագրեց, որ վերջին շրջանում համանախագահները ստիպված են եղել հասցեական հայտարարություններով նախանշել զինադադարը խախտող կողմին, ինչն անհրաժեշտ է շփման գծում լարվածության նվազեցման համապատասխան մեխանիզմների բացակայության պայմաններում։

ՀՀ առաքելության ղեկավարը վերահաստատեց հայկական կողմի անվերապահ աջակցությունը Վիեննայի և Սանկտ Պետերբուրգի գագաթաժողովների ընթացքում ձեռք բերված պայմանավորվածություններին, որոնք ենթադրում են ԵԱՀԿ հետաքննության մեխանիզմների ստեղծում և ԵԱՀԿ գործող նախագահի անձնական ներկայացուցչի գրասենյակի ընդլայնում։

Միաժամանակ դեսպան Կիրակոսյանը փաստեց, որ ադրբեջանական կողմը մինչ այժմ խոչընդոտում է այս համաձայնությունների իրականացմանը և շարունակաբար խախտում հրադադարի ռեժիմը:

Դեսպանի խոսքով, ուժի կամ ուժի սպառնալիքի կիրառման հետագա կանխումը կենսական նշանակություն ունի հրադադարի ռեժիմի ամրապնդման և բանակցությունների առաջմղման համար։

Հայկական կողմն ընդգծեց, որ հակամարտության գոտում բնակվող մարդկանց նկատմամբ իրականացված վայրագությունները պետք է անվերապահորեն դատապարտվեն:

Հայաստանի դեսպանը շեշտեց, որ Արցախի բնակչությունը, նրանց անվտանգությունը, ինքնորոշման իրավունքն ու ազատությունն այսօր և ապագայում այլընտրանք չունեն:

Դեսպան Կիրակոսյանը շնորհակալություն հայտնեց նաև ԵԱՀԿ գործող նախագահի անձնական ներկայացուցչին և նրա թիմին՝ հակամարտության գոտում նրանց գործունեության համար, և վերահաստատեց հայկական կողմի համոզմունքը, որ Լեռնային Ղարաբաղի հակամարտության գոտում ԵԱՀԿ-ն իր մշտական ներկայությամբ պետք է ակտիվորեն ներգրավվի շփման գծում լարվածության թուլացման գործընթացին:


Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: