ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

,,Դորիանսն,, անցավ «Եվրատեսիլ-2013»ի եզրափակիչ

16 մայիսի, 2013 | 22:21

ՄԱԼՄՅՈ- Մայիսի 16-ին Շվեդական Մալմյո քաղաքի «Մալմյո Արենա» համերգասրահում կայացած «Եվրատեսիլ-2013» երաժշտական մրցույթի երկրորդ կիսաեզրափակչի արդյունքում եզրափակիչ են անցել մասնակից 17 երկրներից  տասը, այդ թվում՝ Հայաստանի ,,Դորիանս,, խումբը։ Անցել են նաեւ Ադրբեջանը, Ֆինլանդիան, Մալթան, Իսլանդիան, Հունաստանը, Հունգարիան,Նորվեգիան,Վրաստանը, Ռումինիան:

Ինչպես գրել է  bravo.am-ը ,,Հայկական ռոք-խմբի հիանալի ելույթի կապակցությամբ միայն կարելի է BRAVO ասել: Գոռ Սուջյանը, Արման Փահլեւանյանը, Գագասը, Արման Ջալալյանը եւ Էդգար Սահակյանը մեծ վարպետությամբ, իրենց բնորոշ խարիզմայով ու առանց թերացումների ներկայացրին “Lonely Planet” երգը, որի երաժշտության հեղինակն է աշխարհահռչակ ռոք-երաժիշտ Թոնի Այոմին,,:

«Մեծ հնգյակի» երկրները (Գերմանիա, Մեծ Բրիտանիա, Ֆրանսիա, Իտալիա եւ Իսպանիա), ինչպես նաեւ մրցույթը հյուրընկալող Շվեդիան եզրափակիչ դուրս կգան առանց նախընտրական փուլի: Եզրափակիչը կկայանա մայիսի 18-ին:

 

Tert.am-ն իր հերթին ներկայացրել է «Եվրատեսիլ» մրցույթին Հայաստանի 6-ամյա մասնակցության պատկերը.

2006-ին Անդրեն իր Without Your Love երգով ապահովեց միանգամից 8-րդ հորիզոնական, որը «պահպանեց» նաև հաջորդ մասնակիցը՝ Հայկոն՝ Anytime You Need երգով 2007-ին: Ի դեպ, Հայկոն մինչ օրս միակն էր հայաստանյան մասնակիցներից, ով կիսաեզրափակիչ հաղթահարելու խնդիր չի ունեցել՝ նախորդ տարվա արդյունքների ընձեռած հնարավորության շնորհիվ «ավտոմատ որակավորում» ստանալով:

2008-ին Qele Qele-ով Սիրուշոն գրանցեց մինչ օրս լավագույն արդյունքը՝ 4-րդ հորիզոնական: Հաջորդիվ՝ 2009-ին Ինգա և Անուշ Արշակյանները 10-րդն էին հավաքած միավորներով՝ իրենց Jan Jan երգով: 2010-ին Հայաստանը 7-րդն էր իր Եվա Ռիվասի Apricot Stone կատարումով: 2011-ին Էմմին Boom Boom-ով չհաղթահարեց կիսաեզրափակչի շեմը:

2012-ին Հայաստանը ստիպված էր հրաժարվել իր մասնակցությունից, քանի որ «Եվրատեսիլն» անց էր կացվում Բաքվում, ինչը մի շարք խնդիրներ էր հարուցում: Բացի այդ, մրցույթի կազմակերպման շրջանում Ադրբեջանի կողմից հրադադարի խախտումը մրցույթին չմասնակցելու հիմնական պատճառ դարձավ՝ ի նշան բողոքի:

Լուսանկարը՝ bravo.am-ի

 Orer.eu


Առնչվող նյութեր
1. ԴՈՐԻԱՆՍ ռոք խումբը հանդես կգա Կոպենհագենում մայիսի 10-ին՝ Եվրատեսիլին ընդառաջ
2. Հայկական դրոշը հայտնվել է «Եվրատեսիլ 2013»-ը խորհրդանշող տարատեսակ պարագաների վրա
3. «Եվրատեսիլում» «Դորիանսը» հանդես կգա «Lonely planet» երգով

Մեկնաբանություն

Վերջին լուրեր
1.«Իմ առաջադրանքը ձեզ շատ պարզ է` ամեն օր լուծել թեկուզ փոքր, բայց որևէ կոնկրետ խնդիր». Վարչապետը հանդիպել է Արարատի մարզի համայնքների ղեկավարներին
2.Գաֆեսճյան արվեստի կենտրոնում տեղի ունեցավ Հայաստանում Եվրոպական Ժառանգության օրերի պաշտոնական բացումը
3.ՀՀ քաղաքացիական ավիացիայի կոմիտեի նախագահի այցը Չինաստան
4.Երեւանի ավագանու ընտրությունների կապակցությամբ Եվրոպայի Հայերի Համագումարի կոչը Երեւանցիներին.
5.Ռումանիոյ Հայոց Թեմի առաջնորդ Տ. Տաթև եպիսկոպոս Հակոբյանի շնորհավորական ուղերձը ՀՀ անկախության 27-րդ տարեդարձի առիթով
6.Հայաստանի անկախության 27-ամյակին նվիրված միջոցառում Լիոնում
7.ԱՌԱՋԻՆԷՆ ՄԻՆՉԵՒ ՉՈՐՐԱՐԴ ՀԱՅԱՍՏԱՆԻ ՀԱՆՐԱՊԵՏՈՒԹԻՒՆ. ԱՆԿԱԽՈՒԹՅԱՆ ՕՐ
8.Պապը Կը Շնորհաւորէ Մխիթարեան Միաբանութեան 300ամեակը
9.Չինական գեղագրությունը և գրաֆիկան Հայաստանում
10.Հայաստանի և Էստոնիայի հարյուրամյակներին նվիրված համերգ Տալլինում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: