ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Դի Կապրիոն եւ Թոմ Հենքսը պետք է աջակցեն ,,Հայաստանի մանուկներ,, հիմնադրամի բարեգործական երեկոյին

19 նոյեմբերի, 2017 | 10:37

ԱՍՊԱՐԵԶ.- «Հայաստանի մանուկներ» հիմնադրամը (COAF), տօներուն ընդառաջ՝ կը յայտարարէ ամենամեծ բարեգործական ձեռնարկին՝ 14րդ ամէնամեայ դրամահաւաք-երեկոյին մասին:

Ամէն տարի հիմնադրամի աջակիցները կը հաւաքուին Նիւ Եորքի մէջ՝ մասնակցելու երկար սպասուած ու աստղային երեկոյին: Բարեգործական այս ձեռնարկին իրենց աջակցութիւնը կը յայտնեն աշխարհահռչակ անհատներ՝ Լիոնարտօ Տի Քափրիօ, Թամ Հենքս, Արիանա Կրանտէ, Քլոյի Քարտաշեան, Քոնըն Օ՛Պրայըն, Թինա Ֆէյ եւ ուրիշներ:

Ըստ հիմնադրամի փոխանցած տեղեկութիւններուն՝ հանդիսավարը «Էմմի» եւ «Թոնի» մրցանակներու դափնեկիր դերասանուհի Անտրէա Մարթինն է: Կալա-երեկոյին ընթացքին, արուեստի բացառիկ գործերու աճուրդը պիտի վարէ հանրաճանաչ Սայմըն տէ Փիւրի: Լուռ աճուրդին ներկայ պիտի ըլլան հանրածանօթ արուեստագէտներ եւ ձեւաւորողներ, պիտի առաջարկուի հիւրասիրութիւն, ընթրիք, մասնակիցները պիտի վայելեն ճազ կատարում, իսկ Հայաստանէն ժամանած տաղանդաւոր երեխաները հանդէս պիտի գան յատուկ ելոյթներով:

Իբրեւ տուրք ժամանակակից նորաձեւութեան՝ այս տարուան Կալայի կոմիտէն հիացմունք կը յայտնէ հագուստի ձեւաւորող Փաթրիսիա Ֆիլտին՝ անոր պարգեւելով «COAF-ի մարդասիրական մրցանակ»ը: Հիւրերը առաջինը պիտի ըլլան, որ պիտի դիտեն անոր վերջին հաւաքածոն:

Հայաստանի մանուկներ հիմնադրամի 14րդ ամէնամեայ դրամահաւաք-երեկոն պիտի իրականացուի Դեկտեմբեր 16ին, Նիւ Եորքի ժամանակով երեկոյեան ժամը 6էն-11:30, «Չիփրիանի» սրահին մէջ: Շուրջ 400 հիւրերու, աստղերու, էջատէրերու եւ լրագրողներու մասնակցութեամբ երեկոն պիտի հեռարձակուի լրատուամիջոցներով: Հիւրերէն իւրաքանչիւրը պիտի ստանայ անվճար ծրար՝ առատաձեռն հովանաւորներուն կողմէ տրամադրուած նուէրներով:


Առնչվող նյութեր
1. «Վերապրածը» համարվել է տարվա լավագույն ֆիլմ, իսկ գլխավոր դերակատար Լեոնարդո Դի Կապրիոն՝ լավագույն դերասան

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: