ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Դիդիե Ռեյնդերս,,Պուտինը պետք է հասկանաˋ Հայաստանը համագործակցելու է ԵՄ-ի հետ,,

25 հունվարի, 2014 | 19:26

didie randej belgiaԱրդեն 10 տարուց ի վեր Բելգիայի դիվանագիտական հարաբերությունները Հայաստանի հետ գտնվում են ոչ ակտիվ հարթության վրա: Իհարկե, սա ամենևին չի նշանակում, որ հայ-բելգիական հարաբերությունները սառեցված են, կամ ասենք,Բելգիայում Հայաստանը դիվանագիտական բավարար կորպուս չունի: Պարզապես, ինչպես ժողովրդական խոսքն է ասում, ,,Կարևորն այն չէ թե ինչ ես աշխատում, կարևորն այն է, թե ինչպես ես աշխատում,,:

Եթե մինչ օրս բելգիական քաղաքական հարթակը Հայաստանի ուղղությամբ սահմանափակ հետաքրքրություն է դրսևորել,ապա, այն կարելի է վերագրել ոչ միայն իբեեւ մեր դիվանագիտության պասիվության արդյունք, այլ ընդհանրապես հայաստանյան ոչ ճիշտ քաղաքականության հետևանք:

Բայց, եթե հայ-բելգիական քաղաքական շփումները դեռևս գտնվում են այսպես ասած ,,ձեռնպահ,, կարգավիճակում, ապա գործարար շրջանակներում հետաքրքրություններն օր օրի արթնանում են, ինչն էլ աստիճանաբար քաղաքական առանցքային տրամաչափերն ընդլայնելու հիմք են նախապատրաստում: Սա, իհարկե, պայմանավորված է նաև հայ- բելգիական առևտրաարդյունաբերական պալատի կողմից մշակվող նոր մեխանիզմներով: Ըստ որի, բելգիահայ արվեստի,սպորտի ինչպես նաև այլ ասպարեզներում կարևոր նշանակություն ունեցող անձանց միջոցով փորձում են բելգիական լայն հասարակությանը Հայաստանն առավել ճանաչելի դարձնել։

Հայաստանյան ,,Ազգ,, օրաթերթն արդեն տեղեկացրել է Բելգիայի Թագավորության արտաքին գործերի նախարար Դիդիե Ռեյնդերսի Հայաստան կատարելիք այցի մասին:

Վերջերս նախարարն իր մասնակցությունն էր բերել Բելգիայի Լիեժ քաղաքում բելգիահայ բռնցքամարտիկ,Եվրոպայի եռակի չեմպիոն Ալեքս Միսկիրտչյանին սատարելու մրցամարտին, որի ընթացքում, նա պատասխանեց նաեւ մեր հարցերին :

-Արդեն մի քանի ամիս է Ձեր Հայաստան կատարվելիք այցի մտադրության շուրջ խոսակցություններ են ծավալվում։ Ի վերջո ե՞րբ է նախատեսվում Ձեր այցը:

-Մայիսին Բելգիայում կայանալու է օրենսդիր մարմնի և մարզային, ինչպես նաև Եվրոխորհրդարանի ընտրություններ: Իմ այցր Հայաստան կլինի հավանաբար հունիսին, ամեն դեպքում միայն ընտրություններից հետո կփորձեմ այդ հարցերը կազմակերպել։

– Ո՞րն է Հայաստան գնալու հիմնական նպատակը:

– Նախ, ուզում ենք վերականգնել երկկողմ հարաբերությունները Հայաստանի հետ, երկրորդ՝ աշխուժացնել գործնական և տնտեսական շփումներն ու ընդլայնել հետաքրքրությունների շրջանակները: Ուզում ենք Հայաստան տանել գործարար աշխարհի մարդկանց: Այս առումով, Բելգիայում արդեն կազմակերպվել են համապատասխան սեմինարներ, եղել են որոշակի շփումներ:

Բելգիայի վալոնական հատվածում արտահանման և ներկրման ուղղությամբ տարվել են բավականչափ աշխատանքներ : Հայ-բելգիական առևտրաարդյունաբերական պալատի նախձեռնությամբ, Հայաստանի ուղղությամբ երկկողմ շփման եզրերն առավել հետաքրքրական են դառնում:

– Երևի տասը տարի է Բելգիայի կողմից որեւէ պաշտոնական այց Հայաստան չի եղել։ Ինչպե՞ս հասկանալ քաղաքական դաշտում Հայաստանի նկատմամբ հանկարծակի հետաքրքրությունը:

– Այո, երբեք չի եղել։ Այդ պատճառով ես, որպես արտգործնախարար ուզում եմ վերականգնել քաղաքական շփումները եւ պաշտոնական այցով լինել Հայաստանում: Փորձում ենք միաժամանակ ակտիվացնել նաև տնտեսական հարաբերությունները, թեպետ, այս ուղղությամբ արդեն որոշակի քայլեր արվել են: Եթե տնտեսական հարաբերություններն ակտիվանում են, ապա քաղաքական հետաքրքրություններն ևս վերականգնվում են ։

-Ինչպիսի՞ն է Բելգիայի պաշտոնական դիրքորոշումր Լեռնային Ղարաբաղի հիմնախնդրի վերաբերյալ:

Կարծում եմ, միշտ պետք է երկխոսությունների ճանապարհն ընտրել։ Նույնը փորձում ենք Ադրբեջանի հետ:

Սա առնչվում է նաև Հայաստան –ԵՄ համագորցակցությանը: Գիտենք,որ Ռուսաստանի ճնշումներն առանձնապես ուժեղ էին բոլոր Արևելյան գործընկերության անդամ երկրների վրա: Այս առումով, ամսվա վերջին, Բրյուսելում ես հանդիպելու եմ Վլադիմիր Պուտինին և Սերգեյ Լավրովին: Մենք պետք է հասկացնել տանք, որ ԵՄ-ն համագործակցելու է Հայաստանի հետ և պետք է Ռուսաստանը վերջապես հասկանա, որ ԵՄ- Հայաստան հարաբերությունները չի խանգարում ռուս – հայկական հարաբերությանը: Չի կարելի կտրուկ ասել. կամ Ռուսաստան, կամ Եվրամիություն: Պուտինին պետք է հասկացնել, որ կարելի է համագործակցել և ԵՄ-ի, և Ռուսաստանի և Հայաստանի հետ: Նույնը վերաբերվում է նաև մյուս անդամ երկրներին: Այս առումով եղել են որոշակի երկխոսություններ, բայց ներկայումս առաջընթաց չկա:

– Ի՞նչ տպավորություն ստացաք երեկոյից, և ինչպե՞ս եք Ձեզ զգում հայկական միջավայրում:

– Հիանալի երեկո էր, հատկապես, որ շատ հայերի հանդիպեցի: Հայկական միջավայրում լավ ժամանակ անցկացրեցի : Առավել ևս, որ երեկոն ավարտվեց Ալեքսի հաղթանակով : Հիմա Ալեքսը կմասնակցի աշխարհի առաջնությանն, ինչը ուրախալի է ևʹ հայերի, ևʹ բելգիացիների համար:

Զրույցը վարեց Արաքս Սաֆարյանը

Բրյուսել

Հատուկ ,,Օրեր,,ի համար


Առնչվող նյութեր
1. Հայաստանի դպրոցներում կներդրվի Աշխարհատեղեկատվական համակարգը
2. «Մենք սպասում ենք Հայաստանի Հանրապետության պատմության մեջ լավագույն ընտրություններին». Պյոտր Սվիտալսկին:
3. ՀՀ մշտական ներկայացուցիչ դեսպան Արման Կիրակոսյանի հայտարարությունը ԵԱՀԿ Մշտական Խորհրդի նիստին
4. ԱՆՇԱՐԺ ԳՈՒՅՔԻ ԳՆԵՐԸ ԲԱՐՁՐԱՆՈՒ՞Մ ԵՆ
5. 52 տարի` օգտակար լինելու ցանկությամբ
6. Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ
7. Հայկ Մարությանի ուղերձը՝ «Էրեբունի-Երևանի» հիմնադրման 2800-ամյակի առթիվ
8. ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՓՈՐՁԻ ՓՈԽԱՆԱԿՄԱՆ ԾՐԱԳԻՐ ՀԱՅԱՍՏԱՆՈՒՄ
9. Հայաստանի արտգործնախարարի և ԵՄ Եվրոպայի և Կենտրոնական Ասիայի հարցերով գործադիր տնօրենի հանդիպումը
10. Այս փուլում և՛ կառավարությունը, և՛ բոլոր պետական մարմինները պետք է անխափան գործեն. Նիկոլ Փաշինյանը և Արմեն Սարգսյանը քննարկել են ներհայաստանյան քաղաքական իրավիճակը

Մեկնաբանություն

Վերջին լուրեր
1.Գավառում վերաբացվեց Լևոն Քալանթարի անվան դրամատիկական թատրոնը
2.«Բուկինիստ» գրախանութում տեղի ունեցավ Ալիսա Գանիևայի «Խոցված զգացմունքներ» վեպի շնորհանդեսը
3.Մտորումներ Լատվիայի անկախության 100-ամյակի առթիվ
4.Մեր ժամանակի ամենամեծ վտանգը համարում եմ գերտերությունների մոլագար մրցակցությունը՝ աշխարհի վերաբաժանման համար. Աստղիկ Մելիքբեկյան
5.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
6.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
7.Եվրամիությունը աջակցում է «Հայաստանում ընտրական գործընթացների աջակցություն» ծրագրին
8.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
9.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
10.Գարեգին Բ- Նիկոլ Փաշինյան հանդիպում Մայր Աթոռում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: