ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
27 հունիսի, 2017
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Դեսպան Սեյրանյանի դասախոսությունը Հրադեց Կրալովե քաղաքի համալսարանում

21 ապրիլի, 2017 | 08:34

Ապրիլի 19-ին Չեխիայում ՀՀ դեսպան Տիգրան Սեյրանյանն այցելեց Հրադեց Կրալովե երկրամասի համանուն մայրաքաղաք, որտեղ նա հանդիպում ունեցավ Հրադեց Կրալովեի համալսարանի ռեկտոր Կամիլ Կուչայի եւ փիլիսոփայության ֆակուլտետի ղեկավարության հետ։

Հանդիպմանը քննարկվեցին կրթության բնագավառում Հայաստանի բուհերի հետ գործակցության հարցեր։ ԲՈՒՀ-ի ղեկավարը տեղեկացրեց, որ համալսարանը, որտեղ նաև հայաստանցի ուսանող է ուսանում, ներգրավված է «Erasmus» և «Erasmus+» ծրագրերում և պատրաստ է ավելի մեծ թվով ուսանողներ ընդունել Հայաստանից։

Համալսարանի պրոռեկտոր դոկտոր Կարել Կոուպան մանրամասն ներկայացրեց այն ֆակուլտետները, որոնց հետ կարող են իրականացվել համատեղ ծրագրեր, այդ թվում՝ ուսանողների փոխանակման ծրագրեր։ Նա հավելեց, որ Հրադեց Կրալովեի համալսարանը հայտնի է բնագիտական առարկաների մասնագիտացմամբ եւ այդ բնագավառում համարվում է Չեխիայի լավագույն համալսարաններից մեկը։ Նաեւ հնարավորություն կա, Հայաստանի բուհից տեղափոխվելու դեպքում եւ ավարտելով այս համալսարանը, ստանալ երկու համալսարանների դիպլոմները։

Այնուհետև, դեսպան Սեյրանյանը համալսարանի փիլիսոփայության ֆակուլտետի քաղաքագիտության ամբիոնի ուսանողադասախոսական կազմի առջև հանդես եկավ «Հայաստանի արտաքին քաղաքականությունը» թեմայով դասախոսությամբ և պատասխանեց ներկաներին հետաքրքրող հարցերին։ Հակիրճ ելույթ ունեցավ նաեւ  քաղաքագիտության ամբիոնի վարիչ Յան Պրոուզան։

Այնուհետեւ, ինչպես արդեն տեղեկացրել էինք, դեսպանը մասնակցեց  Չեխիա-Հայաստան միջխորհրդարանական բարեկամության խմբի ղեկավար, խորհրդարանի Պատգամավորների պալատի շրջակա միջավայրի հարցերի կոմիտեի նախագահ Ռոբին Բյոհնիշի հեղինակած «Հայաստանը՝ լեռների, վանքերի և գինու երկիր» երկլեզու  պատկերագրքի շնորհանդեսին և նրա լուսանկարների ցուցահանդեսի բացմանը։

ՕՐԵՐ

Լուսանկարները՝ Օրեր-ի


Առնչվող նյութեր
1. Լեժակիում հիշել են ֆաշիզմի զոհերին. մասնակցել է նաեւ Հայաստանի դեսպանը
2. Անատոլի եւ Դավիթ Հունանյանները կրկին դարձան քիքբռնցքամարտի Չեխիայի չեմպիոններ
3. Չեխական բիզնեսի պատվավոր մրցանակներ Գեւորգ Ավետիսյանին, Կարել Գոտին, Իվանա Թրամփին եւ այլոց
4. Հասմիկ Պապյանի շռայլ նվերը Պրահային
5. Կարինա Մովսեսյանը արժանացել է ամերիկյան երեք մրցանակի
6. ՀՅԴ Լիբանանի Հայ Դատի Մարմինի Պատուիրակութիւնը Հանդիպում Ունեցաւ Չեխիոյ Դեսպանին Հետ
7. Բելլինիի ,,Նորման,, եւ հայ-չեխական բարեկամությունը
8. Դոկտոր Հայկ Ութիջյանին շնորհվել է Կարլի համալսարանի փիլիսոփայության ֆակուլտետի պատվո անդամություն
9. Հունիսի 14-ին Հասմիկ Պապյանը Նորմայի դերերգով հանդես կգա Պրահայում
10. ՊՐԱՀԱ. Հայ պատանի ֆուտբոլիստներին դիմավորեցին Հենրիխ Մխիթարյանի մեծարմամբ

Մեկնաբանություն

Ամենաշատ դիտվածները
1.Նալբանդյանը շշպռեց մեջ ընկած Մամեդյարովին.-տեսանյութ
2.Սոպրանո Անուշ Հովհաննիսյանն անցել է BBC Քարդիֆի ՚՚Աշխարհի երգիչ՚՚ մրցույթի եզրափակիչ փուլ
3.Հայ օպերային երգիչները գրավում են Քովենթ Գարդենը. 40 օրում 13 ելույթ Լոնդոնում
4.Եվրոպայի երկու չեմպիոն Պրահայում. Մամիկոն Ղարիբյանի եւ Մանուել Պետրոսյանի պատվին երկու անգամ հնչեց Հայաստանի օրհներգը -լուսանկարներ
5.՚՚Հաց բերողին՚՚ ազատեցին Ֆրանսիայում անախորժություններից խուսափելու համար. ֆրանսահայերի բողոքի ցույց խորհրդավոր ընթրիքի ժամին
6.Հայաստանի տիկնիկային թատրոնը հաղթեց Պրահայի միջազգային փառատոնում
7.Հայ բժշկուհիները օդանավում փրկեցին չինուհու կյանքը
8.Հայ մտավորականների բաց նամակը ՀՀ ոստիկանապետին. Մենք ցանկանում ենք ապրել պետությունում, որտեղ անպատիժ չմնան հովանավորյալները
9.Չեխիայի խորհրդարանը ճանաչեց Հայերի ցեղասպանությունը
10.«Միկոյանն իրադրության պատանդն էր, ինչ-որ չափով՝ ստալինյան զոհ»
© ORER.CZ 2003-2012, ORER.EU 2012-2017
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: