ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
23 հունիսի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Դեսպան Սարգսյանը քննարկել է Սոֆիայի և Երևանի միջև ուղիղ ավիաչվերթի վերաբացման հարցը:

23 հոկտեմբերի, 2017 | 16:23

Հոկտեմբերի 23-ին Բուլղարիայում ՀՀ դեսպան Արմեն Սարգսյանը հանդիպում ունեցավ ԲՀ տրանսպորտի, տեղեկատվական տեխնոլոգիաների և կապի նախարար, Հայաստան-Բուլղարիա տնտեսական և գիտատեխնիկական համագործակցության միջկառավարական հանձնաժողովի բուլղարական կողմի համանախագահ Իվայլո Մոսկովսկու հետ:

Հանդիպման ընթացքում քննարկվեց 2015թ. դեկտեմբերին Սոֆիայում կայացած միջկառավարական հանձնաժողովի վերջին նիստի որոշումների իրականացման ընթացքը: Կարևորվեց համագործակցության խթանմանն ուղղված կոնկրետ քայլերի ձեռնարկման, համապատասխան գերատեսչությունների միջև գործնական կապերի ամրապնդման անհրաժեշտությունը: Ներկայացվեցին նոր առաջարկություններ` կապված Հայաստանի և Բուլղարիայի մի շարք քաղաքների միջև ապակենտրոնացված համագործակցության հաստատման և զարգացման հետ:

Նշելով երկու երկրների առևտրատնտեսական փոխանակումների առկա ցուցանիշների ոչ բավարար մակարդակը` հանդիպման մասնակիցները պատրաստակամություն հայտնեցին այն հասցնել երկկողմ քաղաքական համագործակցության բարձր մակարդակին՝ այդ նպատակին ծառայեցնելով երկրներում առկա մեծ տնտեսական ներուժը:

Քննարկվեց Սոֆիայի և Երևանի միջև ուղիղ ավիաչվերթի վերաբացման հարցը: Այս կապակցությամբ, նկատի ունենալով ՀՀ կառավարության որդեգրած «Բաց երկնքի» քաղաքականությունը, ինչպես նաև «5-րդ ազատություն» ծրագիրը, որ տալիս են որոշակի արտոնություններ ավիափոխադրողներին` դեսպան Սարգսյանն առաջարկեց մեկ անգամ ևս շահագրգիռ քննարկումներ իրականացնել բուլղարական ընկերությունների հետ: Նախարար Մոսկովսկին խոստացավ մանրամասն ուսումնասիրել հարցն ու ընդունելի որոշումներ գտնել ուղիղ ավիաչվերթի վերաբացման ուղղությամբ:

Կողմերն անդրադարձան երկկողմ իրավապայմանագրային դաշտի բարելավման հարցերին, մասնավորապես՝ տարբեր ոլորտներում դեռևս 1990-ական թվականներին ստորագրված մի շարք երկկողմ փաստաթղթերի թարմացման անհրաժեշտությանը:

Հանդիպման ավարտին մտքեր փոխանակվեցին միջկառավարական հանձնաժողովի Երևանում նախատեսված հերթական նիստի անցկացման հետ կապված հարցերի շուրջ:

 

Կրթական համագործակցություն

Հոկտեմբերի 19-ին Բուլղարիայում ՀՀ դեսպան Արմեն Սարգսյանը հանդիպում ունեցավ ԲՀ կրթության և գիտության նախարար Կրասիմիր Վըլչևի հետ:

Հանդիպման ընթացքում քննարկվեցին կրթության և գիտության ոլորտներում երկկողմ համագործակցության խորացման ուղղությամբ ձեռնարկվող համատեղ քայլերի, ներկայումս իրականցվող ծրագրերի, ինչպես նաև հետագա փոխգործակցության ակտիվացման հետ կապված հարցեր:

Կողմերն արձանագրեցին, որ պատրաստ է ստորագրման երկու երկրների կրթության և գիտության նախարարությունների միջև համագործակցության հերթական ծրագիրը: Մտքեր փոխանակվեցին դրա ստորագրման եղանակների և ժամկետների վերաբերյալ:

Դեսպան Սարգսյանը կարևորեց Բուլղարիայում հայագիտության և հայոց լեզվի ուսումնասիրման զարգացման և խորացման անհրաժեշտությունը: Այս համատեքստում քննարկեց Սոֆիայի «Կլիմենտ Օխրիդսկի» համալսարանի Հայագիտություն և կովկասագիտություն բաժնի ուսանողների Հայաստան այցելելու և տարաբնույթ ճանաչողական և ուսումնական ծրագրերին և միջոցառումներին մասնակցելու հնարավորությունը:

Ընդգծելով երկու երկրների հնեաբանության ու պատմական հուշարձանների պահպանման հարուստ փորձառությունը՝ զրուցակիցները քննարկեցին Հայաստանի և Բուլղարիայի համալսարանների միջև այս բնագավառում համագործակցության և ուսանողների փոխանակման ծրագրեր իրականացնելու հնարավորությունները:

ԲՀ նախարարը խոստացավ անդրադառնալ ՀՀ դեսպանի կողմից ներկայացված առաջարկություններին Բուլղարիայի բուհերի ղեկավարների հետ առաջիկայում նախատեսված հանդիպման ժամանակ:

Դեսպան Սարգսյանը պատրաստակամություն հայտնեց մշտապես ակտիվորեն աջակցել Սոֆիայում ՀՀ դեսպանության և նախարարության, ինչպես նաև երկու երկրների կրթության և գիտության գերատեսչությունների ու առանձին բուհերի միջև գոյություն ունեցող ավանդական սերտ հարաբերությունների զարգացմանը և խորացմանը:

Տեղեկանք. Հայաստանի և Բուլղարիայի կրթության և գիտության նախարարությունների միջև համագործակցության ծրագրի շրջանակներում յուրաքանչյուր տարի Հայաստանի չորս քաղաքացիներ գործուղվում են Բուլղարիա` տեղի բուհերում բարձրագույն կրթություն ստանալու նպատակով:


Առնչվող նյութեր
1. Հայաստանի Հանրապետության 100-ամյակին նվիրված համերգ Սոֆիայում
2. Լոնդոն. Դեսպան Սարգսյանի և Միացյալ Թագավորության Եվրոպայի և Ամերիկայի հարցերով պետնախարարի հանդիպումը
3. Միացյալ Թագավորություն. ՀՀ դեսպան Արմեն Սարգսյանի հանդիպումը «Համագործակցության» գլխավոր քարտուղար, բարոնուհի Պատրիսիա Սքոթլանդի հետ
4. Պեյո Յավորովին նվիրված միջոցառումներ Բուլղարիայում
5. Բուլղարիա-Հայաստան պատգամավորական խումբը նոր կազմ ունի
6. «Եթե մարդն իր արմատները մոռանա, կործանված է». Գևորգ Գրիգորյան
7. ՍՈՖԻԱ. Հուշատախտակ 300-ամյա հայկական եկեղեցու տեղում
8. «Զվարթնոց վերածննդի» հիմնադրամի երգի-պարի համույթը «Պլովդիվ 2017» միջազգային ֆոլկլորային փառատոնում
9. Բուլղարիա. Հիշատակի ձեռնարկներ Սոֆիայում, Պլովդիվում, Վառնայում, Բուրգասում, Սլիվենում
10. Լոնդոն.Դեսպան Արմեն Սարգսյանի հանդիպումը բրիտանական խորհրդարանի Համայնքների պալատի ղեկավարի հետ

Մեկնաբանություն

Վերջին լուրեր
1.Թերեզինում բացվել է «Հոլոքոստ. ոչնչացում, ազատագրում, փրկություն» խորագրով ցուցահանդեսը
2.«Արմաթ» տեխնոլոգիական ճամբար Հայաստանում՝ Գուգարք ճամբարում
3.«Սևան Ստարտափ Սամմիթ 2018»ը տեղի կունենա հուլիսին Սեւանում
4.«Գալուստ Կիւլպէնկեան» հիմնարկությունն ու սփյուռքի նախարարությունը կհամագործակցեն տեղեկատվական տեխնոլոգիաների ոլորտում
5.Ինչպե՞ս է չեխական զենքը հայտնվել Ադրբեջանում. բացահայտում են չեխ լրագրողները
6.Մենք կարևորում ենք Արևելյան գործընկերության 20 արդյունք մինչև 2020 թվականը. ասել է Զոհրաբ Մնացականյանը Բրյուսելում
7.Նիկոլ Փաշինյանը հայ-չեխական կապերը քննարկել է Հայաստանում Չեխիայի դեսպանի հետ
8.Բրյուսելում կայացավ Հայաստան – Եվրամիություն գործընկերության խորհրդի առաջին նիստը
9.Փաշինյանը չի ընդունել Մանե Թանդիլյանի հրաժարականը. կուտակայինի շուրջ քննարկումները կշարունակվեն, նախարարը հանդես է եկել հայտարարությամբ
10.Բրյուսելում ստորագրվեց Բենիլյուքսի երկրների հետ ռեադմիսիայի համաձայնագիրը
Դիտել բոլորը
Ամենաշատ դիտվածները
1.Նալբանդյանը շշպռեց մեջ ընկած Մամեդյարովին.-տեսանյութ
2.Սոպրանո Անուշ Հովհաննիսյանն անցել է BBC Քարդիֆի ՚՚Աշխարհի երգիչ՚՚ մրցույթի եզրափակիչ փուլ
3.Հայ օպերային երգիչները գրավում են Քովենթ Գարդենը. 40 օրում 13 ելույթ Լոնդոնում
4.Եվրոպայի երկու չեմպիոն Պրահայում. Մամիկոն Ղարիբյանի եւ Մանուել Պետրոսյանի պատվին երկու անգամ հնչեց Հայաստանի օրհներգը -լուսանկարներ
5.Հայ բժշկուհիները օդանավում փրկեցին չինուհու կյանքը
6.Հայաստանի տիկնիկային թատրոնը հաղթեց Պրահայի միջազգային փառատոնում
7.՚՚Հաց բերողին՚՚ ազատեցին Ֆրանսիայում անախորժություններից խուսափելու համար. ֆրանսահայերի բողոքի ցույց խորհրդավոր ընթրիքի ժամին
8.Չեխիայի խորհրդարանը ճանաչեց Հայերի ցեղասպանությունը
9.Կարդինալ Դուկան անտուններին ճաշ տվեց իր նստավայրում, իսկ Պրահայի քաղաքապետը ձկնապուր բաժանեց Ստարոմեստսկա հրապարակում
10.«Միկոյանն իրադրության պատանդն էր, ինչ-որ չափով՝ ստալինյան զոհ»
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: