ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 հոկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Դեսպան Մինասյանի հանդիպումը Ռումինիայի վարչապետի հետ

16 մայիսի, 2018 | 15:49

Մայիսի 15-ին Ռումինիայում ՀՀ դեսպան Սերգեյ Մինասյանը հանդիպեց Ռումինիայի վարչապետ Վասիլիկա-Վիորիկա Դանչիլային:

Ռումինիայի վարչապետը Հայաստանի վարչապետի պաշտոնում Նիկոլ Փաշինյանի ընտրության կապակցությամբ խնդրեց նրան փոխանցել իր շնորհավորական նամակը, որը հանձնեց անձամբ և վստահություն հայտնեց, որ հայ-ռումինական հարաբերություններն էլ ավելի կխորանան:

Դեսպան Մինասյանը Ռումինիայի վարչապետին ներկայացրեց Հայաստանի ներքաղաքական զարգացումները, վստահեցնելով, որ Հայաստանը ոչ միայն հանձնառու կմնա իր բոլոր միջազգային պարտավորությունների կատարմանը, այլև ակտիվ քայլեր կձեռնարկի իր միջազգային ներգրավվածությունը նոր մակարդակի բարձրացնելու ուղղությամբ:

Վարչապետ Դանչիլան Հայաստանի դեսպանին հայտնեց, որ Ռումինիայի կառավարությունն ավարտել է ԵՄ-Հայաստան համապարփակ և ընդլայնված գործընկերության համաձայնագրի հետ կապված ներպետական ընթացակարգերը, և փաստաթուղթն արդեն իսկ փոխանցել է Ռումինիայի խորհրդարան՝ վավերացման համար:

Հայաստանի դեսպանը գոհունակությամբ արձանագրեց ԼՂ հակամարտության հարցում վերջին տարիներին Ռումինիայի որդեգրած հավասարակշռված մոտեցումը, ինչին արձագանքելով՝ վարչապետ Դանչիլան վստահեցրեց, որ այդ մոտեցումը կլինի շարունակական, նշելով, որ Ռումինիան աջակցում է հակամարտության խաղաղ և երկարաժամկետ կարգավորման միակ ձևաչափը հանդիսացող ԵԱՀԿ Մինսկի խմբի համանախագահության միջնորդական առաքելության ջանքերին՝ հիմնված միջազգային իրավունքի սկզբունքների վրա:

Կողմերն անդրադարձան նաև ընթացիկ տարվա հոկտեմբերի 11-12-ը Երևանում կայանալիք Ֆրանկոֆոնիայի XVII գագաթնաժողովին՝ նշելով այդ իրադարձության կարևորությունը Հայաստանի և ֆրանկոֆոն շարժման համար:

Զրուցակիցները քննարկեցին միջազգային հարթակներում համագործակցությունը, երկկողմ տնտեսական հարաբերությունների ոլորտին առնչվող հարցեր:


Առնչվող նյութեր
1. Բոտոշան. Հայաստանին ու Ռումինիային նվիրված ցուցահանդես
2. Բուխարեստում նշվեց Հայաստանի Հանրապետության Դիվանագետի օրը
3. Ռումինիա. Գեռլան եւ Իջևանը կդառնան քույր քաղաքներ, Կլուժ նահանգն ու Արմավիրի մարզը կհամագործակցեն
4. Դեսպան Սերգեյ Մինասյանն իր հավատարմագրերը հանձնեց Ռումինիայի նախագահին
5. Ռումինիա. Գեորգենում բացվել է Հայ համայնքի տունը եւ տեղադրվել հայկական խաչքար

Մեկնաբանություն

Վերջին լուրեր
1.Գերմանիայի Հալլեի համալսարանի «Մեսրոպ» հայագիտական կենտրոնի 20-ամյա հոբելյանին նվիրված միջոցառում
2.,,Ֆինանսական խնդիրները չպետք է արվեստի զարգացման համար խոչընդոտ դառնան». Արման Ղուկասյան
3.350 ԱՄԵԱԿ. ՀԱՅԵՐԷՆ ԱՍՏՈՒԱԾԱՇՈՒՆՉԻ Ա. ՏՊԱԳՐՈՒԹԻՒՆԸ ԱՄՍԹԵՐՏԱՄԻ ՄԷՋ
4.ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՓՈՐՁԻ ՓՈԽԱՆԱԿՄԱՆ ԾՐԱԳԻՐ ՀԱՅԱՍՏԱՆՈՒՄ
5.Հայաստանի արտգործնախարարի և ԵՄ Եվրոպայի և Կենտրոնական Ասիայի հարցերով գործադիր տնօրենի հանդիպումը
6.Հայկական ներկապնակի բազմաթիվ գույները և երանգները
7.Չեխիան հարգում է հակամարտության կողմերին զենք-զինամթերք չվաճառելու պայմանավորվածությունը. դեսպան Միկիսկա
8.Եկել է ժամանակը, որ հայ ժողովուրդը ծնի իր նոբելյան մրցանակակիրներին. Արմեն Սարգսյան
9.Բրյուսելում մեկնարկել է դրամաշնորհային ծրագիր հայ արվեստագետների համար
10.Լեզվի կոմիտեն տարածել է որ-ի եւ ով-ի գործածության հորդորակ
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: