ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
14 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Դաշնակահար Արմեն-Լեւոն Մանասերյանը կրկին հաղթեց, այս անգամ՝ Մալթայում

17 փետրվարի, 2017 | 17:59

armen manaseryan3

 

Օրեր առաջ` փետրվարի 8-ից 12-ը Մալթայի Հանրապետության մայրաքաղաք Վալետայում ավարտվեց 5-րդ «Valletta International PIANO Competition 2017» դաշնակահարների միջազգային մրցույթը, որտեղ մեր հայրենակից Արմեն-Լևոն Մանասերյանը արժանացավ պատվավոր Առաջին մրցանակի և Գավաթի, որն ի դեպ վերջին չորս ամիսների ընթացքում, հայ դաշնակահարի երկրորդ հաղթանակն է:

Նշենք, որ դաշնակահարը 2016 թվականի հոկտեմբերի վերջին նույնպես նվաճել էր Առաջին մրցանակ և Գավաթ Ֆրանսիայի Նիցցա քաղաքում կայացած 9-րդ «Concours International de Piano Nice Côte d’Azur» դաշնակահարների Միջազգային մրցույթում:

Մալթայում Արմեն-Լևոնը արժանացել է նաև Հատուկ Մրցանակի` ձայնասկավառակի ձայնագրություն «KNS Classics» ստուդիայի հետ, ինչպես նաև համերգների և փառատոների հրավերներ:

«Valletta International PIANO Competition 2017» մրցույթը ներկայացնում էր մշակույթի և արվեստի հարցերով զբաղվող Եվրոպական Կենտրոնը և մրցույթի կազմակերպիչն էր ճանաչված «EPTA – MALTA» («European Piano Teachers Association») կազմակերպությունը:
armen manaseryan 2

Մեր հայրենակիցը մասնակցում էր «SENIOR» ենթախմբի «E կատեգորիայում»: Մրցույթային երկու փուլերը տեղի էին ունեցել Վալետայի «Mediterranean Conference Centre» համերգային դահլիճում, իսկ «GRAND PIANO GALA» -ն` Վալետայի «Temi Zammit Hall» դահլիճում, որտեղ մեր հայրենակիցը, իր ցանկությամբ, մի անգամ ևս հնչեցրեց Արամ Խաչատրյանի «Տոկկատը»:

Պատասխանելով ՕՐԵՐ-ի հարցերին, թե ինչո՞վ էր առանձնանում այս մրցույթը եւ ինչպիսի՞ն էին մրցակիցները, Արմենը նշեց, որ ամեն մի մրցույթ ունի իր բարդությունը և յուրահատկությունը: ՙ՚Մրցակիցներս տարբեր դաշնամուրային դպրոցների ներկայացուցիչներ էին: Իրենց հետ մրցելը միայն հաճույք էր՚՚,- ասաց նա:

Մրցույթի ժյուրիի կազմում էին դաշնակահարներ 22 երկրից` Մալթայից, Չինաստանից, Բուլղարիայից, Լատվիայից, Լիտվայից, Հունգարիայից, Պորտուգալիայից , Ալբանիայից, Ավստրիայից, Բելգիայից, Հայաստանից, Ճապոնիայից, Թայվանից, Ռուսաստանից, Ուկրաինայից, Մեծ Բրիտանիայից, Լեհաստանից, Սերբիայից, Բելառուսից, Ամերիկայի Միացյալ Նահանգներից, Իտալիայից և Իսպանիայից: Մրցույթին նախորդում էին ժյուրիում ընդգրկված անվանի դաշնակահարների Վարպետության դասերը:

armen levon manaserian gavat

Հայ դաշնակահարը բազմաթիվ միջազգային և հանրապետական մրցույթների դափնեկիր է և մեդալակիր, Հայաստանը բազմիցս ներկայացրել է ՀՀ մշակույթի նախարարության աջակցությամբ:

Երևանի Պ.Ի. Չայկովսկու անվան միջնակարգ մասնագիտական երաժշտական դպրոցի նախկին սանը (պրոֆեսոր` Շուշանիկ Բաբայանի դասարան) և Կոմիտասի անվան պետական կոնսերվատորիայի Բակալվրիատի և Մագիստրատուրայի դաշնամուրային բաժնի շրջանավարտը (պրոֆեսոր` Սերգեյ Սարաջյանի դասարան), այժմ իր ուսումն է շարունակում Բելգիայի Լիեժի Թագավորական կոնսերվատորիայում (պրոֆեսոր Եթիեն Րապպեի և Ֆրանսուա Տիրիի դասարաններում), համատեղելով Կոմիտասի անվան պետական կոնսերվատորիայի ասպիրանտուրայի հետ (պրոֆեսոր Ս.Սարաջյանի դասարան):

Շնորհավորում ենք մեր հայրենակցին եւ մաղթում նորանոր հաղթանակներ։

ՕՐԵՐ


Առնչվող նյութեր
1. Մահացել է Մոնսերատ Կաբալյեն. նա երկու անգամ Արցախ էր այցելել
2. Հոգեհանգստյան կարգ տեղի ունեցավ Պրահայի Սուրբ Հոգի եկեղեցում, իսկ ՀՀ դեսպանությունում ցավակցություններ գրանցվեցին սգո մատյանում
3. Վարդան Մամիկոնյանի անմոռանալի համերգը Պրահայում. նա հիշեց նաեւ Ազնավուրին
4. Պրահա. «Կադանս»ի առաջին համերգն հոյակապ էր, նույնիսկ կոտրված ջութակը չխանգարեց
5. Հայրիկ Մուրադյանի «Հայրենի երգեր» ժողովածուն ներկայացվել է Երեւանում
6. Էմանուել Ճգնավորյանն ու Սերգեյ Բաբայանը OPUS KLASSIK-ի հաղթողներ
7. Իվետա Մուկուչյանի համերգը “Պաչա Բարսելոնայում”
8. «Արշակի երգի» համաշխարհային պրեմիերան հուլիսի 6-ին Տաթեւի վանական համալիրում
9. Կյանքից հեռացել է Նադեժդա Սարգսյանը
10. Նիկոլ Փաշինյանն ընդունել է Քշիշտոֆ Պենդերեցկուն և նրա տիկնոջը

Մեկնաբանություն

Վերջին լուրեր
1.Գարեգին Բ- Նիկոլ Փաշինյան հանդիպում Մայր Աթոռում
2.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
3.Արման Նուռի անհատական մեծ ցուցահանդեսը Վենոզայում
4.Հայաստանի դպրոցներում կներդրվի Աշխարհատեղեկատվական համակարգը
5.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
6.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
7.Յուրի Վարդանյանի հուղարկավորությունը Կոմիտասի պանթեոնում
8.«Մենք սպասում ենք Հայաստանի Հանրապետության պատմության մեջ լավագույն ընտրություններին». Պյոտր Սվիտալսկին:
9.Չեխական «Դոմեստիկ» ֆիլմը կցուցադրվի Երեւանում
10.Ամենայն Հայոց Կաթողիկոսն ընդունեց Հայկական Բարեգործական Ընդհանուր Միության նախագահին
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: