ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
16 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Դանիայի խորհրդարանը ՚՚Հայոց ցեղասպանության մասին՚՚ բանաձեւով քննադատել է Թուրքիային՝ կոչ անելով վերացնել գրաքննությունը եւ բացել արխիվները

26 հունվարի, 2017 | 11:32

Danish ParliamentԿոպենհագեն.- Հունվարի 26-ին Դանիայի խորհրդարանը երկրորդ անգամ քննարկեց ՚՚Հայոց ցեղասպանության մասին՚՚ բանաձեւը, որը հունվարի 19-ի բուռն քննարկումներից հետո այսօր դրվեց քվեարկության։ Ինչպես հաղորդում է  ՕՐԵՐ-ի թղթակից Անահիտ Կարապետյանը, արդյունքում 89 կողմ են քվեարկել,9 դեմ եւ 11 ձեռնապահ։ 

Դանիայի խորհրդարանի ՚՚Հայոց ցեղասպանության մասին՚ F3 բանաձեւով Դանիան հաստատում է մայիսի 19-ի իր նախորդ բանաձեւը, ինչպես նաեւ Թուրքիային կոչ է անում բացել 1915 թվականի իրադարձությունների հետ կապված բոլոր արխիվները, չսահմանափակել խոսքի ազատությունը ՝ վերացնելով գրաքննությունը։

Ինչ վերաբերում է Հայոց ցեղասպանության հատվածին, ապա թեեւ բանաձեւի վերանագրում գրվում է ՚՚Հայոց ցեղասպանություն՚՚ բառակապակցությունը, ապա տեքստում այդ հարցին անդրադարձ է կատարվում տարօրինակ մեկնաբանությամբ՝ այն է, Դանիայի խորհրդարանը  պատմական իրադարձությունների նկատմամբ պաշտոնական դիրքորոշում հայտնելու փորձառություն չունի, ինչը լիովին համապատասխանում է դանիական քաղաքական ավանդույթներին։

Եվ սա այն պարագայում, երբ Դանիայի իշխող կուսակցության եւ ըննդիմության ներկայացուցիչների գերակշռող մասը ընդունում է Հայոց ցեղասպանության փաստը եւ հրապարակավ այն ճանաչում։ Այսինքն Դանիայի խորհրդարանն այս պարագայում լիովին առաջնորդվեց  սփյուռքում հայտնի նշանաբանով՝ ՚՚կողմ ըլլալով, դեմ եղանք՚՚։

Ամեն դեպքում, թեեւ բանաձեւի տեքստում կոնկրետ Հայոց ցեղասպանության դատապարտում չկա, բայց այն եւս մեկ սթափեցնող կոչ է Թուրքիայի համար՝ վերացնելու ազատ խոսքի սահմանափակումները եւ բացելու ցեղասպանության հետ կապված իրական արխիվները, եթե իհարկե դրանք չեն ոչնչացվել։
Բանաձևը ի սկզբանե այլ տեքստ ուներ եւ ընդունվել է  վերափոխելուց հետո՝ հեռացնելով բանաձևից 《Հայոց ցեղասպանություն》 եւ《Օսմանյան կայսրություն》 բառերը։ Եթե դա նախնական տարբերակում  Հայոց ցեղասպանության վերաբերյալ բանաձև էր,  այժմ այն դատապարտում է խոսքի եւ  մամուլի ազատությունը Թուրքիայում և ոչ մի առնչություն չունի Հայոց ցեղասպանության հետ։

Ներկայացնում ենք բանաձևի հայերեն թարգմանությունը.

՚՚Դանիական Ֆոլկեթինգը (խորհրդարանը) հաստատում է 2015 թվականի մայիսի 19ի N. 54 բանաձևը, վերաբերյալ ողբերգական և արյունալի իրադարձություններին արևելյան Անատոլիայում 1915 – 1923 թթ.։
Ֆոլկեթինգը գտնում է, որ հաշտեցման բարենպաստ տարբերակ կլինի պատմական փաստերով բաց երկխոսությունը առանց գրաքննչության՝ նշված ժամանակաշրջանի պաշտոնական փաստաթղթերի արգելահանում։
Ֆոլկեթինգը մտահոգված է թուրքական օրենսգրքի արգելքով՝ իր քաղաքացիների և մամուլի համար արգելք հանդիսացող 《ցեղասպանություն》 բառի կիրառմամբ, և գտնում է, որ դա սահմանափակում է մարդու ազատ խոսքի և ազատ գիտահետազոտությունների իրավունքը, առանց հստակ ձևակերպում տալու տվյալ բառի վերաբերյալ։
Ֆոլկեթինգը հավատարիմ է մնում  իր խորհրդարանական սովորույթին և պատմական իրադարձություններին գնահատական չի տալիս։՚՚

ՕՐԵՐ

Orer.eu


Առնչվող նյութեր
1. «Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
2. Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
3. Հայ Դատի Աջակցութիւնը Վայելող Քոնկրեսի Թեկնածուներուն 92 Տոկոսը՝ Յաղթական
4. Դոկտ. Արման Կիրակոսեանի նոր մենագրութեան շնորհահանդէս-գինեձօնը Ավստրիայում
5. Մակրոնը այցելեց Հայոց ցեղասպանության հուշահամալիր
6. Ֆրանսահայ լուսանկարիչ Գրիգոր Ճօլօլեանի հազվագյուտ ու անտիպ լուսանկարները՝ Հայոց ցեղասպանության թանգարանում
7. Հայոց ցեղասպանության թանգարան-ինստիտուտի նոր տնօրեն է ընտրվել Հարություն Մարությանը
8. ՑԵՂԱՍՊԱՆՈՒԹՅՈՒՆԸ ԴԱՐՁՅԱԼ ՀԱՄԱՇԽԱՐՀԱՅԻՆ ՕՐԱԿԱՐԳՈՒՄ Է
9. Ծայրահեղականության, խտրականության և ատելության միտումները ցնցում են միջազգային օրակարգը. Զոհրաբ Մնացականայան
10. Ջորջ Բարսեղյանի եզակի նվիրատվությունը Հայոց ցեղասպանության թանգարանին

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: