ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Դադիվանքում գաղտնարան է հայտնաբերվել

01 դեկտեմբերի, 2017 | 08:45

Դադիվանքի վանական համալիրի փոքր գմբեթով եկեղեցու հիմքի ուսումնասիրման ժամանակ գաղտնարան է հայտնաբերվել:

 Այս մասին «Արմենպրես»-ի հետ զրույցում նշեց Դադիվանքի վերականգնման նախագծերի հեղինակ, ճարտարապետ Սամվել Այվազյանը:

«Վերականգնման աշխատանքների շրջանակում իրականացվում էր հիմքերի ուսումնասիրություն, երբ գաղտանարան հայտնաբերվեց: Այդ թաքստոցը եկեղեցու ներսում՝ հարավային պատիկ տակ է: Այդ գաղտանարանը զմռսված էր, և մինչ այժմ այն ուսումնասիրված չէ: Որոշվեց, որ եկեղեցու վերականգնման նախագծում ներառվի նաև այս գաղտանարանի ցուցադրումը: Այսինքն՝ ոչ միայն պետք է ամբողջական եկեղեցին վերականգնվի, այլև պայմաններ ստեղծվեն այդ թաքստոցը ցուցադրելու համար: Նախատեսված է դնել ապակեպատ ծածկ, բացվող դռնակ, լույսեր»,-ասաց Սամվել Այվազյանը:

Նա տեղեկացրեց, որ գաղտանարանը հայտնաբերելուց հետո հրավիրել են հնագետի: Այժմ մասնագետներն ուսումնասիրում են` հասկանալու, թե ինչի համար է ծառայել այդ գաղտնարանը:

Ինչ վերաբերում է Դադիվանքի վանական համալիրի փոքր գմբեթով եկեղեցու վերականգնման աշխատանքներին, ապա Սամվել Այվազյանը նշեց, որ վերականգնման նախագիծն ամբողջությամբ ավարտված է:

«Այս ընթացքում աշխատանքներ տարվեցին դետալների, նյութերի հայթայթման ուղղությամբ: Կարելի է ասել, որ քարի հայթայթման հարցը կարգավորվեց: Իրականում այդ քարատեսակից չկար, բայց մի տեղ գտնվեց, որտեղ կան պահանջվածին շատ նման քարեր: Այսօր խնդիր ունենք կղմինդրի հետ կապված: Քանի որ այն ստանդարտ չէ, հետևաբար գտնելը դժվարացավ: Եկար չարչարվեցինք, փնտրեցինք, և հիմա գտնվեց մեկը, ով համաձայնել է փորձնական սարքել: Վերջնական ինչ-որ բան ասելու համար այդ աշխատանքի արդյունքը պետք է տեսնել»,-ասաց Սամվել Այվազյանը: Նրա խոսքով, քանի որ ներկայում եղանակային պայմանները բարենպաստ չեն, հետևաբար եկեղեցու բուն վերականգնման աշխատանքները սկսվեն հաջորդ տարվա գարնանը:

Անդրադառնալով կառույցի վիճակին, Սամվել Այվազյանը նշեց, որ այն կանգնուն է, ներկայում վտանգ չի սպառնում, պարզապես արդեն քայքայվել է վրայի ծածկը, և չաքեր են առաջացել: Այս միջոցառումներն իրականացվում են հետագայում լուրջ խնդիրներից խուսափելու համար:
Դեռևս 2000 թվականին եղել է Դադիվանքի վանական համալիրի փոքր գմբեթով եկեղեցու վերականգնման ծրագիր, այն ժամանակ այդ նույն նախագծով շինարարական որոշակի աշխատանքներ կատարվել են, բայց ավարտին չեն հասցվել: Ներկայիս ծրագրի գլխավոր նպատակն է՝ եկեղեցու ամբողջական վերականգնումն՝ իր պատմական տեսքին առավելագույնս մոտ:

 

Artsakhpress.am


Առնչվող նյութեր
1. Արտակ Բեգլարյանը` Արցախի Մարդու իրավունքների պաշտպան
2. Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ
3. Արցախն ունի անկախ եւ ճանաչված պետություն լինելու բոլոր հատկանիշները. Յարոմիր Շտետինա
4. Նիկոլ Փաշինյանը ցավակցել է Արայիկ Խանդոյանի ընտանիքին
5. Վահրամ Կաժոյան. Ադրբեջանը պարբերաբար կոպտորեն խախտում է Բանդունգյան սկզբունքները
6. Հայաստանի եւ Արցախի նախագահները Ստեփանակերտի հուշահամալիրում հարգանքի տուրք են մատուցել հերոսների հիշատակին
7. Ադրբեջանական կողմին խորհուրդ եմ տալիս այդքան վստահ չլինել նրանում, որ ինքը վերահսկում է ռազմական դրության էսկալացիայի հարցը.Դավիթ Տոնոյան
8. Հասմիկ Պապյանի մենահամերգը Շուշիում
9. «ԲրուտԱրտ» կավագործության միջազգային սիմպոզիումը Արցախում
10. Վարչապետը ժամանել է Արցախ. Նիկոլ Փաշինյանն ու Բակո Սահակյանն այցելել են Ճարտարի նորակառույց Սուրբ Վարդանանք եկեղեցի

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: