ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
24 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Գևորգ Աբաջյանի «Փշրանքներ փշրված իմ կյանքից» գրքի շնորհանդեսը Երևանում

28 սեպտեմբերի, 2013 | 17:04

Abajyan bookԵՐԵՎԱՆ- Հայաստանի Մշակույթի նախարարության աջակցությամբ հրատարակվել է թատերագետ,գրականագետ, բանասիրական գիտությունների թեկնածու‚ ՀԽՍՀ արվեստի վաստակավոր գործիչ Գևորգ Աբաջյանի «Փշրանքներ փշրված իմ կյանքից» գիրքն, որը նվիրված է նրա մահվան 10 ամյակին: Գրքի շնորհանդեսը տեղի ունեցավ այսօր`սեպտեմբերի 27-ին, Երևանի Ավետիք Իսահակյանի անվան կենտրոնական գրադարանում, որը ներկայացրեցին նրա կինը`ԽՍՀՄ ժողովրդական արտիստուհի Վարդուհի Վարդերեսյանն ու արվեստաբան Ռոբերտ Դավթյանը:

Գևորգ Աբաջյանի այս հուշ-վավերագրությունը մի ամբողջ վեպ արժե, որտեղ ներկայացված են մեծն մտավորականի հուշերն ու մտորումներն անցած կյանքի ու գործունեության մասին: Գրքի խմբագիրն է Սեյրանուհի Գեղամյանը:

Ներկաները նախ մեկ րոպե լռությամբ հարգեցին ԽՍՀՄ եւ Հայաստանի ժողովրդական արտիստ Սոս Սարգսյանի եւ երաժշտագետ, մշակույթի վաստակավոր գործիչ Արուս Սարյանի հիշատակները:

Բացման ու ողջույնի խոսքով հանդես եկավ գրադարանի տնօրեն,արվեստի վաստակավոր գործիչ Հասմիկ Կարապետյանն, ով հակիրճ ներկայացրեց հավաքույթի նպատակը`շնորհակալություն հայտնելով այս հետաքրքիր նախաձեռնության համար:

Այնուհետև խոսք տրվեց մեծն արտիստուհուն, ով հատվածներ էր կարդում եւ հիշարժան դրվագներ պատմում մեր մեծանուն դերասանների ու արվեստագետների, ինչպես նաև ամուսնու կյանքից։ Նրա ասելով‚ գիրքը վաղուց էր պատրաստ հրատարակության, սակայն ինչ-ինչ պատճառներով ուշանում էր, և վերջապես Հայաստանի Հանրապետության Մշակույթի նախարարությունը հանձն առավ գրքի տպագրությունը:

Իսկ արվեստաբան Ռոբերտ Դավթյանը նշեց, որ նա հաղորդումներ է պատրաստում մեր մեծերի մասին, որոնք հեռարձակվում են յուրաքանչյուր կիրակի ‚‚Կենտրոն‚‚ հեռուստալիքով‚ և որ այս շնորհանդեսը ևս հեռարձակվելու է այդ հաղորդման շրջանակներում: Իր ելույթում նա մեջբերումներ կատարեց Սոս Սարգսյանի խոսքերից:

Շնորհանդեսի ընթացքում ելույթներով հանդես եկան նաեւ գրքի խմբագիր Սեյրանուհի Գեղամյանը, թատերական գործիչների միության նախագահ Երվանդ Ղազանչյանը, արվեստի վաստակավոր գործիչ‚ թատերագետ Լևոն Մութաֆյանը, արվեստաբան, թատերագետ Հայկազ Երանոսյանը և այլք:

Գարիկ Ավետիսյան

Orer.eu


Առնչվող նյութեր
1. «Լույսը լուսացավ, բարին շա՜տ շատացավ» գրքի շնորհանդես
2. Իսրայելահայ բանաստեղծուհի Անուշ Նագգաշյանի գրքի շնորհանդեսը

Մեկնաբանություն

Վերջին լուրեր
1.Երեւանի ավագանու ընտրություններում առաջատարը ,,Իմ քայլը,, կուսակացությունների դաշինքն է՝ 80.7 տոկոսով
2.Իսպանիա. Հայաստանին նվիրված տոնական համերգ Սանտա Կոլոմա դե Գրամանետիում
3.«Իմ առաջադրանքը ձեզ շատ պարզ է` ամեն օր լուծել թեկուզ փոքր, բայց որևէ կոնկրետ խնդիր». Վարչապետը հանդիպել է Արարատի մարզի համայնքների ղեկավարներին
4.Գաֆեսճյան արվեստի կենտրոնում տեղի ունեցավ Հայաստանում Եվրոպական Ժառանգության օրերի պաշտոնական բացումը
5.ՀՀ քաղաքացիական ավիացիայի կոմիտեի նախագահի այցը Չինաստան
6.Երեւանի ավագանու ընտրությունների կապակցությամբ Եվրոպայի Հայերի Համագումարի կոչը Երեւանցիներին.
7.Ռումանիոյ Հայոց Թեմի առաջնորդ Տ. Տաթև եպիսկոպոս Հակոբյանի շնորհավորական ուղերձը ՀՀ անկախության 27-րդ տարեդարձի առիթով
8.Հայաստանի անկախության 27-ամյակին նվիրված միջոցառում Լիոնում
9.ԱՌԱՋԻՆԷՆ ՄԻՆՉԵՒ ՉՈՐՐԱՐԴ ՀԱՅԱՍՏԱՆԻ ՀԱՆՐԱՊԵՏՈՒԹԻՒՆ. ԱՆԿԱԽՈՒԹՅԱՆ ՕՐ
10.Պապը Կը Շնորհաւորէ Մխիթարեան Միաբանութեան 300ամեակը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: