ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
16 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Գոհար Մարկոսյան-Կասպերի ՚Պենելոպե՚ վեպի հայերեն թարգմանության շնորհանդեսը Երեւանում

16 մայիսի, 2016 | 14:38

penelope arm bookՄայիսի 14-ին, Կոմիտասի անվան Կամերային երաժշտության տանը կայացել է արձակագիր, բանաստեղծ Գոհար Մարկոսյան-Կասպերի հիշատակին նվիրված ցերեկույթ և հեղինակի «Պենելոպե» վեպի հայերեն թարգմանության շնորհանդեսը:

Ինչպես տեղեկացնում են Հայաստանի մշակույթի նախարարությունից, «Պենելոպե» վեպը ռուսերեն բնագրից հայերեն թարգմանվել և հրատարակվել է ՀՀ մշակույթի նախարարության աջակցությամբ: Թարգմանիչ՝ Կարինե Խոդիկյան, հրատարակիչ՝ «Անտարես» ՍՊԸ:

penelope arm ereko
Շնորհանդեսին ներկա էր ՀՀ մշակույթի նախարար Հասմիկ Պողոսյանը. լրագրողների հետ զրույցի ընթացքում նա նշել է. «Գոհար Մարկոսյան-Կասպերի ստեղծագործություններն ընթերցել եմ տարիներ առաջ` բնագրով և շատ ուրախ եմ, որ «Պենելոպե» վեպը թարգմանվեց հայերեն: Գոհարը խորը փիլիսոփայական մտածողությամբ հանդերձ ստեղծել է ժամանակին խիստ համահունչ գրականություն: Վստահ եմ, որ «Պենելոպե» վեպը Կարինե Խոդիկյանի թարգմանությամբ կարժանանա հայ ընթերցողի հավանությանը, և թարգմանիչներն ու հրատարակիչները կանդրադարնան Գոհարի մյուս ստեղծագործություններին»:

penelope karine xhodikyan
Միջոցառումը վարում էր «Պենելոպե» վեպի հայերեն թարգմանության հեղինակ Կարինե Խոդիկյանը: Հիշատակի խոսքով հանդես են եկել կինոգետ Դավիթ Մուրադյանը, գրող Ռուսլան Սաղաբալյանը և այլք: Գրողի քույրը՝ Հասմիկ Մարկոսյանն ու ամուսինը՝ Կալե Կասպերը, ներկայացնելով իրենց հուշերը, նաև շնորհակալություն են հայտնել «Պենելոպե» վեպի հայերեն թարգմանությունը նախաձեռնած և իրականացրած անձանց:
Գոհար Մարկոսյան-Կասպերը (1949-2015 թթ.) ծնվել և մեծացել է Երևանում, օպերային երգչի և բալետի արտիստի ընտանիքում: Հետագայում ապրել է Էստոնիայում, գրել՝ ռուսերեն: Բանաստեղծություններ սկսել է գրել դեռևս դպրոցական տարիքից, այնուհետև՝ պատմվածքներ և վեպեր: 1991 թվականին տպագրվել է նրա բանաստեղծական առաջին՝ «Իմ անավարտ Պալատը» ժողովածուն: Նույն տարում տեղափոխվելով Տալլին՝ ամուսնացել է էստոնացի հայտնի գրող, հրապարակախոս Կալե Կասպերի հետ: Գոհար Մարկոսյան-Կասպերը մասնագիտությամբ բժիշկ էր, սակայն նրա կյանքում գրականությունը առանցքային դերակատարում ունեցավ: Նա յոթ վեպի և նովելների ժողովածուի հեղինակ է: Կասպերի ստեղծագործությունները տպագրվել են Սանկտ-Պետերբուրգում և Տալլինում հրատարակվող «Զվեզդա», «Նևա», «Տալլին», «Ռադուգա» ամսագրերում, նաև թարգմանվել՝ էստոներեն, ֆրանսերեն, իսպաներեն, գերմաներեն, հոլանդերեն: Փարիզի հայկական թատերախումբը բեմադրել է նրա «Գերեզմանաքար» պիեսը: Ամուսնու՝ Կալե Կասպերի համահեղինակությամբ, Գոհար Մարկոսյան-Կասպերը գրել է կոմպոզիտոր Ջոակինո Ռոսինիի մասին գիրք, ինչպես նաև «Սեսիլի մահը» բազմասերիանոց ֆիլմի և մի շարք այլ հեռուստասերիալների սցենարներ:
Հայազգի գրողը կրկնակի արժանացել է Էստոնիայի մշակութային հիմնադրամի ամենամյա մրցանակի՝ «Կարիատիդները» և «Մեմենտո Մորի» վեպերի համար: «Պենելոպե» վեպի համար արժանացել է Յուրի Դոլգորուկիի անվան միջազգային գրական մրցանակի:

Գոհար Մարկոսյան-Կասպերի վերջին հարցազրույցը ՕՐԵՐ ամսագրին կարող եք կարդալ այստեղ։

penelope ruslan saghabalianpenelope karlpenelope davit muradyan

 


Առնչվող նյութեր
1. Էստոնաբնակ գրող Գոհար Մարկոսյան-Կասպերի հիշատակին
2. ԳԵՐՄԱՆԱԿԱՆ TALKING ABOUT BORDERS ՄՐՑՈՒՅԹԻ 2015-Ի ՀԱՂԹՈՂ Է ՃԱՆԱՉՎԵԼ ԿԱՐԻՆԵ ԽՈԴԻԿՅԱՆԸ

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: