ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
13 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Երեւանյան գրքի փառատոնը ավարտվեց, հաղթողների գործերը կհրատարակվեն

28 նոյեմբերի, 2017 | 10:12


Գրքի առաջին փառատոնը Երևանի սրտում՝ ՀՀ մշակույթի նախարարության աջակցությամբ և «Միհր» ստեղծագործողների միության ջանքերով, այլևս իրողություն է.

«Գրքի և հրատարակչության եռօրյա հրաշալի երևանյան հրավառություն, որը մեզ պարգևեց ավելի շատ լույս, ավելի շատ ջերմություն և կարողացավ կողք-կողքի բերել հրատարակչին ու գրողին, ընթերցողին ու գիրքը»,- Երևանի Հանրապետության հրապարակի շենքերից մեկի մեծ սրահում երեք օր շարունակված շնորհանդեսների, գրքերի ցուցահանդես-վաճառքի, ընթերցանության, հեղինակների հետ հանդիպումների ավարտին և մրցանակակիրների անունների հրապարակումից առաջ Փառատոնն այսպես բնորոշեց մշակույթի նախարար Արմեն Ամիրյանը։

Փառատոնի կարևոր բաղադրիչը ժամանակակից հայ գրականության մրցանակաբաշխությունն էր։ Իսկ մրցութային 4 անվանակարգերում հաղթողներն են՝

Արձակ. Համբարձում Համբարձումյան (1-ին մրցանակ) և Հովհաննես Երանյան (2-րդ մրցանակ)։

Չափածո. Ներսես Աթաբեկյան (1-ին մրցանակ) և Հուսիկ Արա ( 2-րդ մրցանակ)։

Դրամատուրգիա. Գուրգեն Խանջյան (1-ին մրցանակ) և Անուշ Ասլիբեկյան ( 2-րդ մրցանակ)։

Մանկապատանեկան գրականություն. Սիլվա Հովհաննիսյան (1-ին մրցանակ) և Էլֆիք Զոհրաբյան (2-րդ մրցանակ)։

1-ին հորիզոնականում հաղթողների դրամական պարգևը 500 հազարական դրամ է, 2-ինը՝ 300 հազարական դրամ։ Գումարը կփոխանցվի հեղինակի ընտրած հրատարակչին, իսկ վերջինս կպարտավորվի մեկ տարում հրատարակել գրողի ժողովածուն կամ վեպը։

Հաղթողներին ձայների 60 և 40 հարաբերակցությամբ որոշել են մասնագիտական և հանրային հանձնախմբերը։ Մասնագիտական հանձնախմբի նախագահը ԵՊՀ պրոֆեսոր, գրականագետ Վազգեն Գաբրիելյանն է, անդամները՝ գրաքննադատ, արձակագիր Ալեքսանդր Թոփչյանը, ռեժիսոր Դավիթ Մաթևոսյանը, գրականագետներ Հայկ Համբարձումյանը,Արքմենիկ Նիկողոսյանը, Հասմիկ Հակոբյանը և Քրիստինե Հովհաննիսյանը։

Իրականացվեց նաև փառատոնի օրերին ծնված գաղափարը. 19 հայտատուների, որոնք գնահատող հանձնախմբերից ստացել են 30 և ավելի միավոր, հավաստագրեր շնորհվեցին։ Եթե 2018 թվականի ընթացքում նրանք կարողանան գտնել հրատարակիչների, որոնք պատրաստ են սեփական ներդրումով հրապարակել այդ հեղինակների գործերը, Գրքի երևանյան փառատոնը կաջակցի այդ գործընթացին՝ գրքի հանրահռչակման և գովազի համար փոխանցելով 100 հազարական դրամ։

Հավաստագրեր շնորհվեցին Արմեն Հայաստանցուն ( դրամատուրգիա անվանակարգում), Կարինե Խոդիկյանին (դրամատուրգիա), Էլֆիք Զոհրաբյանին (դրամատուրգիա), Անուշ Մարգարյանին (մանկապատանեկան գրականություն), Մանուշակ Հովհաննիսյանին (մանկապ.գր.), Սոնա Պողոսյանին (մանկապ.գր), Արփի Ոսկանյանին (արձակ), Ռոբերտ Միրզոյանին (արձակ), Լևոն Շահնուրին (արձակ), Նարեկ Թոփուզյանին (արձակ), Լուսինե Խառատյանին (արձակ), Անուշ Սարգսյանին (արձակ), Արամ Թարվերդյանին (չափածո), Ռուզաննա Ոսկանյանին (չափածո),Վահե Արսենին (չափածո), Արփի Ոսկանյանին (չափածո), Գևորգ Համբարձումյանին (չափածո), Մանե Գրիգորյանին (չափածո), Սուսաննա Ղազոյանին (չափածո)։

Մրցութային 133 հայտերի մեջ իր մրցանակակիրներին էր ընտրել նաև «1 դրամ» կայքը, որն իր սահմանած 100 հազարական դրամի պարգևները հանձնեց Արամ Թարվերդյանին (չափածո) և Արփի Ոսկանյանին (արձակ)։

Արմեն Ամիրյանը վստահ է, որ հաջորդ տարի արդեն գրքի ոչ թե երևանյան, այլ հանրապետական փառատոն ենք ունենալու՝ մոտ ապագայում միջազգայինի վերաճելու ակնկալիքով.

«Վստահ եմ նաև, որ հրատարակիչներն ու գրքերն այնքան ավելի շատ են լինելու, որ այս մեծ սրահում նեղվածքը շատ ավելի խիտ է լինելու»։


Առնչվող նյութեր
1. Հայաստանը Ֆրանկֆուրտի գրքի միջազգային ցուցահանդեսում
2. Բացառիկ հայկական ցուցահանդես՝ չեխական հրաշագեղ դահլիճում
3. Պրահայում ավարտվեց Գրքի եւ գրականության միջազգային տոնավաճառ-փառատոնը
4. Բրյուսելում ստորագրվեց «Ստեղծագործ Եվրոպա» ծրագրի «Մշակույթ» բաղադրիչին Հայաստանի միանալու հուշագիրը
5. Հայաստանն առաջին անգամ մասնակցեց Լայպցիգի Գրքի ամենամյա տոնավաճառին
6. Լույս է տեսել «Արարատ»-ի բնագիրները» գրքի Բ հատորը
7. Ցեղասպանությանը նվիրված չեխերեն գրքի շնորհանդեսը նոյեմբերի 14-ին
8. Մեծի Տանն Կիլիկիո Գարեգին Ա Հովսեփյան Կաթողիկոսին նվիրված վավերագրերի ժողովածուների շնորհանդես Մայր Աթոռ Սուրբ Էջմիածնում
9. «Եզդիների կրոնական աշխարհայացքը» գիրքը նվիրված է հայ և եզդի ազատամարտիկների հիշատակին
10. ,,Հայաստան՝ լեռների, վանքերի ու գինու երկիր,,. Շնորհանդես եւ ցուցահանդես Հրադեց Կրալովե քաղաքում

Մեկնաբանություն

Վերջին լուրեր
1.Անդրան Աբրահամյանը ճանաչվեց Լավագույն ռեժիսոր ՙՖամուֆեստ՚ կինոփառատոնում
2.Հ.Բ.Ը.Միութեան կալուածի վաճառման համաձայնագրի վերջին զարգացումները քննարկվել են Կանադայի թեմի անդամական ժողովում
3.Սարիկ Անդրեասյանի «Չներվածը» ներկայացվեց Պրահայի հանդիսատեսին
4.«Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
5.ՑՈՒՑԱՀԱՆԴԵՍ, ԳՐՔԻ ՇՆՈՐՀԱՆԴԵՍ ԵՎ ՀԱՄԵՐԳ` ՆՎԻՐՎԱԾ ՎԱԶԳԵՆ Ա-Ի ԾՆՆԴՅԱՆ 110 ԱՄՅԱԿԻՆ
6.Գագիկ Ղալաչյանը՝ Ղազախստանում Հայաստանի դեսպան
7.Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
8.ՀՀ մշտական ներկայացուցիչ դեսպան Արման Կիրակոսյանի հայտարարությունը ԵԱՀԿ Մշտական Խորհրդի նիստին
9.Հայկ Մարությանն ընդունել է Չեխիայի դեսպանին
10.Սիմոն Մարտիրոսյան.Ութ տարի անց Հայաստանն ունեցավ աշխարհի նոր չեմպիոն և կրկնակի ռեկորդակիր
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: