ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2017
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Գերմանիա. «ՇՈՂԵՐ» երգչախումբը մասնակցեց Մյունխենի մշակութային երեկոյին

10 սեպտեմբերի, 2017 | 18:37

Գերմանիայի Մյունխեն քաղաքում արդեն  տասնմեկ տարի  քաղաքապետարանը կազմակերպում է մշակութային երեկո՝ «Գիշերային երազներ» խորագրի ներքո: Քաղաքի մի շարք  կենտրոնական փողոցներում կառուցվում են բեմեր, որտեղ հնչում է բազմաժանր երաժշտություն, տեղի են ունենում շոու-ներկայացումներ և ելույթ են ունենում պարային խմբեր:

Այս տարի հերթական  «Գիշերային երազներին» երգչախմբային արվեստը մյունխենցիներին ներկայացրեց հայկական «Շողեր» երգչախմբը, որին մեր ընթերցողն արդեն ծանոթ է այս գարնանը Շվեցարիայում կայացած Հայաստանի մշակույթին նվիրված փառատոնից:

Մյունխենի Ռիխարդ Շտրաուսի անունը կրող շատրվանի մոտ կառուցված բեմը մի քանի ժամով էր  տրամադրվել ,,Շողեր,,ին: Բոլոր կատարումները  գերմաներենով ներկայացնում և մեկնաբանում էր խմբի ղեկավար Արմինե Բաբայանը:

Մակար Եկմալյանի և Կոմիտաս Վարդապետի մշակումներից բացի, որոնք բնականաբար անչափ տպավորիչ են ցանակացած ունկնդրի համար, գերմանական բեմից հնչեցին նաև երևանյան քաղաքային ֆոլկլորը  ներկայացնող երգեր, ինչպես  «Լավ էլի» խմբի «Գարուն է եկել», Ռուբեն Հախվերդյանի  «Ձյունը», Կոնստանտին Օրբելյանի  «Երգ ճանապարհի»,  Էդգար Հովհաննիսյանի «Երևան-Էրեբունի»  ստեղածագործությունները: Իսկ Ստեփան Շաքարյանի ժողովրդական երգերի շարքը՝ «Մուշի գովերքով» եզրափակեց համերգը:

Նշենք, որ «Շողեր»  կամերային երգչախմբի երգացանկը ներառում է նաև աֆրիկական, բրիտանական, բավարական և ավստրիական ազգային երգեր, որոնք միջմշակութային այդ երեկոյի  լրացումը դարձան:

Մեզ հետ զրույցում երգչախմբի գեղարվեստական ղեկավար և խմբավար Արմինե Բաբայանը նշեց, որ նման մեծ միջոցառման մի մասնիկ լինելն ու քաղաքի կենտրոնական բեմում երգելը  մեծ պատիվ է և պատասխանատվություն:

«Մենք ուրախ ենք, որ երգչախմբի հինգ տարվա գործունեությունը այսպիսի արդյունքներ է տալիս, և մեր ջանքերը իզուր չեն անցնում: «Շողերը» շարունակելու է իր առաքելությունը  և հայկական երգը շարունակելու է հնչել միջազգային բեմերից»,- ասաց նա:

 

Սոնա Հայկազուն

Գերմանիա, Մյունխեն

 

 

 


Առնչվող նյութեր
1. Բրիտանահայոց թեմի առաջնորդը՝ Գերմանիայի միջազգային հեղինակավոր համաժողովում
2. Բեռլինում հայկական 15 նորարարական ստարտափ ներկայացվեց գերմանական լսարանին
3. Գերմանիա. Ազատ Օրդուխանյանը Հայաստանում նախադեպը չունեցող առողջապահական մեծ աղետի մասին
4. Հայ Մշակույթի Օրեր Շտուտգարտում այս տարվա հոկտեմբերին
5. Դեսպան Սմբատյանի այցը Սաքսոնյա-Անհալտ երկրամասի Վիթենբերգ քաղաք
6. Գերմանահայ Թեմի Առաջնորդը և Բունդեսթագի Պատգամավորը Հայկական Կազմակերպության Անդամներ Դարձան
7. Արչի Գալենցը սեփական անցյալով եւ նոր կոչով փորձում է միավորել ներկա արվեստագետներին. “Ժամանակացույց. Խուսափելով աղետից” ցուցահանդեսը Երեւանում
8. Գերմանացի դիվանագետներ. «Լեռնային Ղարաբաղը նոր սահմանադրություն որդեգրեց. դիտորդների տպավորությունները»
9. Գերմանիայում հիշատակեցին Հայոց ցեղասպանության 102-րդ տարելիցը
10. Ֆրանկոֆոնիայի տոնը Բեռլինի Ֆրանսիական կենտրոնում

Մեկնաբանություն

Ամենաշատ դիտվածները
1.Նալբանդյանը շշպռեց մեջ ընկած Մամեդյարովին.-տեսանյութ
2.Սոպրանո Անուշ Հովհաննիսյանն անցել է BBC Քարդիֆի ՚՚Աշխարհի երգիչ՚՚ մրցույթի եզրափակիչ փուլ
3.Հայ օպերային երգիչները գրավում են Քովենթ Գարդենը. 40 օրում 13 ելույթ Լոնդոնում
4.Եվրոպայի երկու չեմպիոն Պրահայում. Մամիկոն Ղարիբյանի եւ Մանուել Պետրոսյանի պատվին երկու անգամ հնչեց Հայաստանի օրհներգը -լուսանկարներ
5.Հայաստանի տիկնիկային թատրոնը հաղթեց Պրահայի միջազգային փառատոնում
6.՚՚Հաց բերողին՚՚ ազատեցին Ֆրանսիայում անախորժություններից խուսափելու համար. ֆրանսահայերի բողոքի ցույց խորհրդավոր ընթրիքի ժամին
7.Հայ բժշկուհիները օդանավում փրկեցին չինուհու կյանքը
8.Հայ մտավորականների բաց նամակը ՀՀ ոստիկանապետին. Մենք ցանկանում ենք ապրել պետությունում, որտեղ անպատիժ չմնան հովանավորյալները
9.Չեխիայի խորհրդարանը ճանաչեց Հայերի ցեղասպանությունը
10.«Միկոյանն իրադրության պատանդն էր, ինչ-որ չափով՝ ստալինյան զոհ»
© ORER.CZ 2003-2012, ORER.EU 2012-2017
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: