ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Գերմանիա. Դեսպան Սմբատյանի այցը Սաար երկրամաս

12 ապրիլի, 2018 | 09:12

Ապրիլի 10-ից 11-ը Գերմանիայում Հայաստանի դեսպան Աշոտ Սմբատյանն աշխատանքային այցով մեկնեց ԳԴՀ Սաար երկրամաս:

Այցի ընթացքում դեսպանին ընդունեց երկրամասի վարչապետ Թոբիաս Հանսը: Ողջունելով հյուրին՝ վարչապետը նշեց երկրամասի շահագրգռվածության մասին՝ Հայաստանի հետ ապակենտրոնացված համագործակցություն ծավալելու ուղղությամբ: Շնորհակալություն հայտնելով ընդունելության համար՝ դեսպան Սմբատյանն ընդգծեց ՀՀ-ԵՄ Համապարփակ և ընդլայնված գործընկերության համաձայնագրի շրջանակներում, ինչպես նաև ֆրանսերեն լեզվի լայն տարածում ունեցող Սաար երկրամասի և Ֆրանկոֆոնիայի միջազգային կազմակերպության անդամ հանդիսացող Հայաստանի միջև ֆրանկոֆոն հարթակում սերտ գործընկերություն հաստատելու անհրաժեշտությունը: Հանդիպման ավարտին դեսպան Սմբատյանը գրառում կատարեց Սաար երկրամասի կառավարության Ոսկե գրքում:

Սաարի երկրամասային խորհրդարանի՝ Լանդթագի նախագահ Շտեֆան Տոսկանիի հետ հանդիպման ընթացքում վերջինս գոհունակությամբ ընդգծեց Հայաստանում խորհրդարանական կառավարման համակարգին անցնելու գործընթացի հաջող ավարտը: Շտեֆան Տոսկանիի խնդրանքով դեսպանը մանրամասն ներկայացրեց ՀՀ արտաքին քաղաքականության առաջնահերթությունները: Հանդիպման ավարտին դեսպանը գրառում կատարեց Լանդթագի Հյուրերի ոսկե գրքում:

Սաար երկրամասի Բարձրագույն երաժշտական դպրոցի ռեկտոր պրոֆ. Վոլֆգանգ Մայերի հետ ունեցած զրույցի ընթացքում կողմերն անդրադարձան երաժշտական բուհերի միջև գործընկերության հեռանկարներին վերաբերող բազմաբնույթ հարցերի:

Դեսպանին ընդունեց նաև Սաարբրյուքենի համալսարանի նախագահ պրոֆ. Մանֆրեդ Շմիթը: Հանդիպման ընթացքում երկուստեք գոհունակությամբ ընդգծվեց Երևանի պետական համալսարանի, Հայ-ռուսական սլավոնական համալսարանի և Սաարբրյուքենի համալսարանի միջև հաստատված ակտիվ փոխգործակցությունը: Կարևորվեց գործընկերության առավել ընդլայնման և խորացման անհրաժեշտությունը:

Դեսպան Սմբատյանը ելույթ ունեցավ Սաարբրյուքենի համալսարանում, որին ներկա էին տարբեր ծրագրերով այդ ուսումնական հաստատությունում կրթություն ստացող Հայաստանցի ուսանողները: Ելույթից հետո դեսպանը պատասխանեց ներկաների բազմաթիվ հարցերին:

Այցի շրջանակներում Աշոտ Սմբատյանը հանդիպում ունեցավ նաև երկրամասի մայրաքաղաք Սաարբրյուքենի քաղաքապետ Շարլոտե Բրիցի, երկրամասի կրթության և մշակույթի նախարար Ուլրիխ Կոմերսոնի, երկրամասի Առևտրաարդյունաբերական պալատի գործադիր տնօրեն Օլիվեր Գրոլի հետ:

Տեղեկանք․ Սաարը համարվում է Գերմանիայի միակ ֆրանկոֆոն երկրամասը, որտեղ տարիներ շարունակ իրականացվում է «Ֆրանսիա» ռազմավարությունը։


Առնչվող նյութեր
1. Գերմանիայում Հայաստանի դեսպան Աշոտ Սմբատյանի այցը Մանհայմ քաղաք
2. Բեռլին. Հայաստանի Հանրապետության 100-ամյակին և Երևանի 2800-ամյակին նվիրված համերգ
3. Գերմանիայի կանցլերն այցելեց Մայր Աթոռ Սուրբ Էջմիածին
4. Մերկելը վստահեցրեց, որ Գերմանիան Հայաստանին կաջակցի Արցախի խնդրում եւ ԵՄ վիզաների ազատականացման հարցում
5. Գերմանիայի կանցլեր Անգելա Մերկելի առաջին այցը Հայաստան
6. Գերմանահայոց գործարարների միությունն իր զորակցությունն է հայտնել Մայր Աթոռին եւ Ամենայն Հայոց կաթողիկոսին
7. Հայ-գերմանական հարաբերությունների անցյալն ու ներկան քննարկել են Բեռլինում
8. Հայաստանի և Գերմանիայի արտգործնախարարները նախանշեցին երկկողմ հարաբերությունների զարգացման ուղիները
9. Հայաստանն անվտանգ երկրների շարքում ընդգրկելու մասին մտադրություն է հայտնել Գերմանիայի ՆԳՆ պետքարտուղարը
10. ԳԴՀ ԱՐՏԳՈՐԾՆԱԽԱՐԱՐԸ ՃԻՇՏ Էՙ ԱԴՐԲԵՋԱՆԻՆ ԶԻՆԱԹԱՓԵԼԸ ՄԵՐ ԳՈՅՈՒԹՅԱՆ ԽՆԴԻՐՆ Է

Մեկնաբանություն

Վերջին լուրեր
1.Սեւան Քէլէշեանը կամրջում է հայաստանցուն եւ սփյուռքահային. «Ի՞նչ Կ’ըսեմ, Ի՞նչ Կ’ըսես» հարղորդումը եթերում
2.Երկարամյա դադարից հետո Եպիսկոպոսական Պատարագ մատուցվեց Բուրգասի Ս. Խաչ եկեղեցում
3.Էստոնիա. Քննարկվել է հայ-էստոնական թվային ֆորում անցկացնելու գաղափարը
4.Լեհաստանի Զամոշչ քաղաքում բացվել է հայկական խաչքար և տեղի են ունեցել մի շարք մշակութային միջոցառումներ
5.Ին՞չ եփել այսօր՝ քաղաքական կաթսայում. հայացք Երեւանից
6.Աշխարհում յուրաքանչյուր 5 վայրկյանը մեկ 15 տարին չլրացած երեխա է մահանում. ՄԱԿ-ի զեկույց
7.Բուլղարահայ նկարիչ Բեդիգ Բեդրոսյանի հուշարձանը Սիլիստրայում
8.Լոնդոնի Թագավորական քոլեջում փորձաքննվել է ՀՀ Չինաստանի «Մետաքսի ճանապարհին» միանալու ռազմավարությունը` հայ գիտնականի մասնակցությամբ
9.Րաֆֆի Հերմոն Արաքսին՝ սփյուռքի նախարարության պատվոգիր
10.Ռումինիա. Գալաց քաղաքի Ս. Աստվածածին հայոց եկեղեցու 160 ամյակը նշվեց մեծ շուքով
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: