ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
15 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

ԳԱՍՊԱՐ ԿԱՐԱՊԵՏՅԱՆ. Եւրոմիութեան շրջանակներէն ներս մարտահրաւէրները ամէնօրեայ են եւ բազմազան

30 մայիսի, 2013 | 11:32

ՕՐԵՐ եվրոպական ամսագրի գլխավոր խմբագիր Հակոբ Ասատրյանի  հարցերին պատասխանում է Եվրոպայի Հայ Դատի գրասենյակի ատենապետ Գասպար Կարապետյանը

ՕՐԵՐ, 10-12, 2012

– 2012-ին Բրյուսելում ՀՀ ԱԺ նախագահի այցելության շրջանակներում ստեղծվեց նաեւ Եվրախորհրդարան-Հայաստան բարեկամական խումբը։ Ի՞նչ համատեղ աշխատանքներ եք նախատեսում իրականացնել այդ խմբի հետ։

-Եւրոխորհրդարանէն ներս արդէն կը գործեն բարեկամութեան զանազան երկիրներու հետ խումբեր: Նկատի ունենալով, որ այդ խումբերը օգտակար կը հանդիսանան տուեալ երկիրներուն Եւրոպական Միութեան հետ յարաբերութիւններու մշակման, յանգեցանք այն համոզումին, թէ պէտք է ստեղծուի նման խումբ մըն ալՙ Հայաստանի համար: Կարգ մը խորհրդակցութիւններ ունենալէ ետք բարեկամ եւրոերեսփոխաններու հետ, հանդիպեցանք Եւրոմիութեան մօտ ՀՀ դեսպան պրն. Աւետ Ադոնցին, որուն ներկայացուցինք մեր ծրագիրը: Պրն. դեսպանը մեծ պատրաստակամութեամբ ընդունեց գործակցաբար յաջողցնելու այս ծրագիրը:

Անմիջապէս նախագահի պաշտօնը առաջարկեցինք տիկ. Էլէնի Թէոխարուսին, որ անվերապահօրէն ընդունեց մեր առաջարկը: Էլէնի Թէոխարուս հայ ժողովուրդի մեծ բարեկամներէն է, Արցախի ազատագրական պատերազմի ժամանակ, բազմաթիւ անգամներ գտնուած է Արցախ, իր ծառայութիւնները մատուցած իբրեւ վիրաբոյժ մեր մարտիկներուն եւ ժողովուրդին: Ան երկու անգամ պարգեւատրուած է Արցախի պետութեան կողմէ, պատուոյ ոսկի շքանշանով:

Յունուար 9, 2013-ին Եւրոխորհրդարանէն ներս Հայաստանի հետ Բարեկամութեան Խումբի կազմութեան պաշտօնական յայտարարութիւնը տեղի ունեցաւ, տիկ. Թէոխարուսի նախագահութեամբ, ներկայութեամբ ՀՀ Ազգային Ժողովի նախագահ պրն. Յովիկ Աբրահամեանի գլխաւորած պատուիրակութեան մը: Ներկայ էին եւրոերեսփոխաններ, այլ պաշտօնական հրաւիրեալներ եւ պելճիքահայ համայնքի ներկայացուցիչներ: Մինչեւ հիմա խումբին մասնակցիլ ընդունած են մօտ 40 եւրոերեսփոխաններ, որոնց թիւը անշուշտ ժամանակի ընթացքին կը բարձրանայ:

Առաջին հիմնական նախաձեռնութիւնը պիտի ըլլայ խումբին անդամներու Հայաստան Ապրիլ 24-ին այցելութեան կազմակերպումը: Խումբին անդամները նաեւ պիտի այցելեն Արցախ: Ներկայիս գործունէութեան ծրագիր մը պատրաստուելու վրայ է, մինչեւ 2014-ի կիսուն, երբ տեղի պիտի ունենան եւրոխորհրդարանի նոր ընտրութիւնները: Իբրեւ գործունէութեան դաշտ կարելի է համարել, խումբին եւ իր անդամներուն քաղաքական դիրքաւորումները ի նպաստ մեր հարցերուն երբ քննութեան առարկայ են, միջոցառումներու մասնակցութիւն, ուր կը քննուին մեր հիմնախնդիրներուն առնչուող հարցեր, հակազդել թուրքեւազերի ապատեղեկատուութեան եւ զրպարտութիւններուն, հայկական թէ օտար համալսարաններէ ներս սեմինարներու եւ դասախօսութիւններու կազմակերպումը, ուսումնասիրութիւններու հրատարակութիւններ եւ այլ ամեն տեսակի աշխատանք:

-Եվրամիության շրջանակներում բավականին ծավալուն աշխատանքի կարիք կա։ Որո՞նք են Ձեր գրասենյակի աշխատանքի հիմնական թիրախները, այլ հայկական կազմակերպությունների հետ համագործակցում ե՞ք։

– Եւրոմիութեան շրջանակներէն ներս աշխատանքները եւ մարտահրաւէրները ամէնօրեայ են եւ բազմազան: Մեր աշխատանքային հիմնական թիրախներն ենՙ խորհրդարանին կողմէ պատրաստուող զանազան զեկուցոյցներուն մէջ (Հայաստան, Ազրպէյճան, Թուրքիա, Վրաստան, Եւրոմիութեան ընդլայնում, մարդկային իրաւանց հարցեր, տարածաշրջան) հայութեան հետ կապուած հարցերը անաչառ կերպով ներկայացուին: Լուսաբանել եւ քարոզչութիւն տանիլ Արցախի ժողովուրդին ազատ ինքնորոշման իրաւունքին շուրջ, որ արդէն կայացած իրականութիւն մըն է: Յայտնաբերել ու դիմակազերծել Ազրպէյճանի ապատեղեկատուական եւ հակահայ ամբաստանութիւններն ու արշաւները, հակադարձել եւ լուսարձակի տակ բերել մնայուն կերպով, Ազրպէյճանի ոչ ժողովրդավարական համակարգը, մարդկային եւ կրօնական իրաւունքներու բռնաբարումը, ինչպէս նաեւ անոր իշխանութիւններուն ռազմատենչ քաղաքականութիւնը, որ կրնայ աննախատեսելի հոլովոյթներու առաջնորդել ամբողջ շրջանը: Կ՚օժանդակենք նաեւ ՀՀ Ազգային Ժողովի պատուիրակութիւններուն աշխատանքը, Պրիւքսել այցելութիւններու ընթացքին, ինչպէս նաեւ կ՚ընկերակցինք Եւրոխորհրդարանի պատուիրակութիւններուն, երբ կÿայցելեն Հայաստան: Այս կէտին կարելի է նշել թէՙ ներկայիս Հայաստանի պատկերը Եւրոպական կառույցներուն մօտ դրական է եւ գործակցութիւնը օրէ օր աւելի կը զարգանայ:

Կը զբաղինք Ջաւախքի մեր հայրենակիցներուն դիմագրաւած հարցերով, ջանալով կարելի եղածին չափ օժանդակել իրենց: Պրիւքսել հրաւիրեցինք Ջաւախքի հայ կազմակերպութիւններու համակարգող ներկայացուցիչը, որ մեծ թիւով հանդիպումներ ունեցաւ եւրոերեսփոխաններու, Եւրոմիութեան պաշտօնակատարներու հետ, իսկ մենք ալ մեր կարգին Թիֆլիսի եւ Ախալքալաքի մէջ հանդիպեցանք արտաքին գործոց նախարարութեան, մարդու իրաւունքներու պաշտպանին եւ այլ պաշտօնակատարներու հետ, հարցերուն մօտէն ծանօթանալու եւ իրաւունքները բարձրացնելու նպատակով: Այս ուղղութեամբ աշխատանքները կը շարունակուին: Մենք ըստ պարագայի կը զբաղինք նաեւ Եւրոպայի կամ այլ գաղութներու հարցերով։ Այս շրջանին Սուրիոյ մեր համայնքին համար մարդասիրական եւ ապահովութեան հարցը մեր օրակարգին վրայ է: Անցեալին միջամտեցինք Յունաստանի տնտեսական ճգնաժամէն տառապող հայ դպրոցներու դրամական օժանդակութեան տրամադրուելիք գումարներու համար։ Շուտով պիտի հանդիպինք նաեւ Եւրոմիութեան կրթութեան, մշակոյթի, բազմալեզուականութեան եւ երիտասարդութեան հարցերու յանձնակատարին, Սփիւռքի մեր հարցերն ալ քննարկելու նպատակովՙ այս ոլորտներուն մէջ։ Պարբերաբար կը հրատարակենք նաեւ լուսաբանական պրակներ, որոնք կը բաժնուին Եւրոպական հաստատութիւններունուն:

Եւրոպական միութեան հաստատութիւններէն զատ կը զբաղինք նաեւ, երբ կարիքն զգացուի, օժանդակելով ՀՀ Ազգային Ժողովի պատուիրակութիւններուն, երբ կարծարծուին հարցեր` առնչուած հայութեան, ԵԱՀԿի եւ Եւրախորհուրդի խորհրդարանական վեհաժողովներուն, կամ Նաթոյի ծիրէն ներս եւ ընթացքին:

Մենք Պրիւքսելի մէջ շատ լաւ գործակցութիւն ունինք ՀՀ դեսպանութեան հետ, որուն հետ համագործակցաբար կարելի կÿըլլայ թափ տալ մեր ժողովուրդը հետաքրքրող հարցերուն եւ մարտահրաւէրներուն: Նոյն ձեւի համագործակցութիւն ունինք նաեւ Եւրոպացի հայ բարեկամներու (EuFoA) կազմակերպութեան հետ։

-Անցյալ տարի կազմակերպեցիք նաեւ Եվրախորհրդարանի պատգամավորների այց Լեռնային Ղարաբաղի Հանրապետություն։ Նրանց այցն ի՞նչպիսի նշանակություն ունեցավ։

-Մի քանի տարի առաջ կազմակերպեցինք այցը Հայաստան եւ Արցախ երկու Ֆրանսացի եւրոերեսփոխաններուՙ տիկ. Միշել Ռիվազիի (Կանաչներու խումբ) եւ պրն. Տամիէն Ապատի (ԵԺԿ խումբ): Իրենց ընկերակցեցաւ մեր գրասենեակի օրուան նախագահ Հիլտա Չոպոյեանը: Երկու երեսփոխաններն ալ տեղւոյն վրայ մեծ թիւով հանդիպումներ ունենալէ ետք, վերադարձան շատ լաւ տպաւորութիւններով: Միշել Ռիվազի կը շարունակէ անդամ ըլլալ եւրոխորհրդարանին, իսկ Տամիէն Ապատ Ֆրանսայի վերջին ընտրութիւններուն, ազգային երեսփոխան ընտրուեցաւ եւ այլեւս Պրիւքսել չի գտնուիր:

Երկուքին ալ ներդրումը մեր հիմնախնդիրներուն կարելի է նկատել շատ օգտակար, քանի անոնք իւրաքանչիւր պարագայի իրենց դիրքաւորումներով, կը նպաստէին եւ Ռիվազի կը շարունակէ նպաստել մեր բոլոր հարցերուն: Օրինակՙ երբ կը քննուէին զեկուցումներ Թուրքիոյ եւ Հարաւային Կովկասի մասին, անոնք առաջարկած են բաւական յօդուածներու փոփոխութիւններ ի նպաստ մեր դիրքերուն, զանազան նիստերու ընթացքին միշտ դիրքաւորուած են դրական կամ պատասխանած հակահայ ելոյթներու: Մեր գրասենեակին օժանդակած են ու կÿօժանդակեն երբ իրենց կարիքը զգացուի: Նշենք նաեւ որ Միշել Ռիվազի նորաստեղծ Հայաստանի հետ բարեկամութեան խումբի չորս փոխ նախագահներէն մէկն է:

-Վերջին տարիներին Հայ դատի գրասենյակի աշխատանքի բնույթը փոխվել է այն առումով, որ բացի Հայոց ցեղասպանության եւ Թուրքիայի հետ առնչվող հարցերից, փորձում եք նաեւ աշխատանքներ տանել Հայաստանի եւ Արցախի աջակցության ուղղությամբ։ Ի՞նչ զարգացումներ կան այս ուղղությամբ եւ որքանո՞վ է փոխվել Հայաստանի դեմքը Եվրոպական կառույցներում։

– Այս տարի Պրիւքսելի մէջ պիտի կազմակերպենք Եւրոպահայութեան 3րդ համագումարը: Առաջին օրը, նուիրուած պիտի ըլլայ ներհայկական հարցերու եւ հանդիպումը տեղի պիտի ունենայ Պրիւքսելի հիւրանոցներէն մէկուն սրահէն ներս: Այա հանդիպման ընթացքին պիտի քննուին երեք հիմնական օրակարգերՙ այսինքն, Եւրոպայի զանազան երկիրներու մէջ գտնուող հայկական գաղութներու վիճակն ու միջգաղութային գործակցութեանց կարելիութիւնները, 2015-ին Ցեղասպանութեան հարիւրամեակին ընթացքին համաեւրոպական միջոցառումներու եւ նախաձեռնութիւններու քննարկումը եւ վերջապէս Եւրոպայի թուրքեւազերի միացեալ ճակատին յարձակումներուն հակազդելու հարցը: Երկրորդ օրը, համագումարը պիտի շարունակուի Եւրոխորհրդարանէն ներս, օտար մասնագէտներու եւ քաղաքական աձնաւորութիւններու մասնակցութեամբ: Երկու նիստերու ընթացքին պիտի քննուին Հայկական Ցեղասպանութեան եւ Թուրքիոյ կողմէ հատուցման հարցը, ինչպէս նաեւ հարաւային Կովկասի հոլովոյթներու հեռանկարները:

Կոչ կÿընենք զանազան գաղութներու միութիւններու եւ կառոյցներու ներկայացուցիչներուն, ինչպէս նաեւ փափաքող անհատ հայրենակիցներու, ներկայ ըլլալու եւ գործօն մասնակցութիւն ունենալու համագումարի աշխատանքներուն, որպէսզի յաջողինք, յանգիլ եզրակացութիւններու եւ աշխատանքային ծրագրեր մշակելու, կարելի եղածին չափ աւելի մեծ թիւով ներկայացուցչական ըլլալուՙ համաեւրոպական, հայկական առումով:

ՕՐԵՐ, 10-12, 2012

 Orer.eu


Առնչվող նյութեր
1. Բելգիացի պատգամավորների նամակը Բելգիայի Արտաքին գործերի նախարարին
2. Լեռնային Ղարաբաղ այցելելը հանցագործություն չէ. ահազանգում են բելգիացի պատգամավորները
3. Գասպար Կարապետյան. Եվրոխորհրդարանի բանաձեւը հավասարակշռված է
4. Եվրոպահայերին սպասվում է խիտ ու հետաքրքիր ծրագրի քննարկում. Արամ Ա-ի եւ Բակո Սահակյանի ներկայությամբ
5. Գասպար Կարապետյան. ,,Ամեն կերպ Թուրքիայի վրա ճնշում պետք է բանեցնենք, որպեսզի ճանաչի ցեղասպանությունը եւ կատարի իր պատասխանատվության հատուցումները,,
6. ՓԱՐԻԶ. 3,860,000 դոլար Հայ Դատի աշխատանքների համար
7. Բելգիայի խորհրդարանականների այցը Մայր Աթոռ Ս. Էջմիածին
8. ԵՒՐՈՊԱՅԻ ՀԱՅ ԴԱՏԻ ՀԱՆՁՆԱԽՄԲԻ ՆԱԽԱԳԱՀԻ ՀԱՆԴԻՊՈՒՄՆԵՐԸ ՎՐԱՍՏԱՆՈՒՄ
9. ՀՅԴ Հայ դատի Եվրոպայի հանձնախմբի գրասենյակի ղեկավար Գասպար Կարապետյանին` Մխիթար Գոշի մեդալ
10. ՌՈՒՄԻՆԱՀԱՅ ԵՐԻՏԱՍԱՐԴՆԵՐԸ ՀԱՆԴԻՊԵԼ ԵՆ ԵՎՐՈՊԱՅԻ ՀԱՅ ԴԱՏԻ ՀԱՆՁՆԱԽՄԲԻ ՆԱԽԱԳԱՀԻ ՀԵՏ

Մեկնաբանություն

Վերջին լուրեր
1.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
2.Գարեգին Բ- Նիկոլ Փաշինյան հանդիպում Մայր Աթոռում
3.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
4.Արման Նուռի անհատական մեծ ցուցահանդեսը Վենոզայում
5.Հայաստանի դպրոցներում կներդրվի Աշխարհատեղեկատվական համակարգը
6.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
7.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
8.Յուրի Վարդանյանի հուղարկավորությունը Կոմիտասի պանթեոնում
9.«Մենք սպասում ենք Հայաստանի Հանրապետության պատմության մեջ լավագույն ընտրություններին». Պյոտր Սվիտալսկին:
10.Չեխական «Դոմեստիկ» ֆիլմը կցուցադրվի Երեւանում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: