ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Բուրգասի Սբ. Խաչ հայկական եկեղեցում մեծ շուքով նշվեց Քրիստոսի Համբարձման տոնը

06 մայիսի, 2016 | 10:15
burgas 2016 may ambartsman tonԲուլղարիայի Հայոց թեմի առաջնորդ հոգեշնորհ Տ. Իսահակ վարդապետ Պողոսյանի օրհնությամբ, Բուրգասի Սբ. Խաչ եկեղեցու հոգևոր հովիվ արժանապատիվ Տ. Պողոս քահանա Միքայելյանի և Վառնայի Սբ. Սարգիս եկեղեցու հոգևոր հովիվ արժանապատիվ Տ. Բարթուղիմեոս քահանա Հակոբյանի նախաձեռնությամբ, ս.թ. մայիսի 5-ին, հառիթ Մեր Տեր Հիսուս Քրիստոսի Համբարձման տոնի,Վառնայի հավատավոր հայորդիների մի հոծ բազմություն ուխտավորաբար մեկնել էր Բուրգաս: Վառնահայ ուխտավորներին Բուրգասի եկեղեցում մեծ խանդավառությամբ դիմավորեցին տեղի հավատավոր հայորդիները: Բուրգաս էին ժամանել նաև Պլովդիվի հոգևոր հովիվ արժանապատիվ Տ. Հրաչ քահանա Մուրադյանը, և Ռուսեի հոգևոր հովիվ արժանապատիվ Տ. Տիրայր քահանա Հատավյանը, հաղորդում են Բուլղարիայի Հայոց թեմի մամլո դիվանից:
Հանդիսավոր Սուրբ և Անմահ Պատարագը մատուցեց արժ. Տ. Հրաչ քահանա Մուրադյանը, իսկ արժ. Տ. Բարթուղիմեոս քահանա Հակոբյանը ներկաներին խոսեց հավուր պատշաճի քարոզը: Տեր Հայրն իր տոնական քարոզում ներկա հավատավոր ժողովրդին մասնավորաբար հորդորեց ամուր մնալ այն հավատքի մեջ, որի համաձայն Քրիստոսի Համբարձումը բաժանում չէ: «Երբ Քրիստոս Համբարձվեց , նա մեզ չթողեց մենակ, այլ գնաց, որ Մխիթարիչ Սուրբ Հոգին գա և մեզ մշտապես առաջնորդի մեր հոգևոր կյանքում: Այսօր մենք Սուրբ Հոգու մշտական ներկայության մեջ անդադար ունենք Քրիստոսի առաջնորդությունը: Ամուր պահենք մեր այս հավատքը: Երբեք չմոռանանք, որ Տերը մեզ հետ է: Իսկ մեր զորությունը հենց այս ճշմարտության մեջ է, ինչպես Պողոս առաքյալն է իր առաքելական թղթում հայտարարում. «Եթե Աստված մեր կողմն է, ո՞վ կլինի մեզ հակառակ:»
Սուրբ Պատարագի ավարտին կատարվեց Հայրապետական մաղթանք: Արարողության ընթացքում հոգևոր հայրերը և ներկա ժողովուրդն աղոթեցին Մայր Աթոռ Ս. Էջմիածնի անսասանության ու Լուսավորչի Աթոռի 132-րդ գահակալ Գարեգին Բ Ամենայն Հայոց Կաթողիկոսի կենաց արևշատության համար:
Այնուհետև Վառնայից ժամանած ուխտավորները մասնակցեցին Բուրգասի Սբ. Խաչ եկեղեցու ծխականների կողմից պատրաստված ,,Սիրո Ճաշին,,: Ճաշի ընթացքին ուխտավորներն իրենց երախտիքի խոսքը ուղղեցին առաջնորդ Հայր սուրբին և հոգևոր հայրերին, ովքեր իրենց ուխտագնացությունը դարձրեցին անմոռանալի, Բուրգասի հայ հավատավոր ժողովրդին, առաջնորդությամբ հոգևոր հովվի նման հյուրընկալություն կազմակերպելու համար, ինչպես նաև Բուլղարահայոց Թեմական խորհրդի ատենապետ տիար Անդրանիկ Շաքարյանին, ով հոգ էր տարել ուխտավորների ճանապարհափոխադրությունը:

«ԿԱՆԹԵՂ ԱՐԱՐԱՏՅԱՆ»
Հայկական Տեղեկատվական Կայք (ԲՈՒԼՂԱՐԻԱ)

burgas 2016 hamabartsman ton may


Առնչվող նյութեր
1. Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
2. Հ.Բ.Ը.Միութեան կալուածի վաճառման համաձայնագրի վերջին զարգացումները քննարկվել են Կանադայի թեմի անդամական ժողովում
3. Մայր Աթոռ Սուրբ Էջմիածնում նշվեց Գարեգին Բ Ամենայն Հայոց Կաթողիկոսի օծման և գահակալության 19-րդ տարեդարձը
4. Մայր Աթոռ Ս. Էջմիածնում ավարտվեց Գերագույն հոգևոր խորհրդի ժողովը
5. Գերագույն հոգևոր խորհուրդն անդրադարձ կատարեց համասեռամոլության երևույթին
6. Հայ-բուլղարական բարեկամությանը նվիրված մշակութային միջոցառում Սոֆիայում
7. Օծվել է Ախթալայի Սբ. Աստվածածին վանքի խաչը
8. Հայ-բուլղարական կրթական պայմանագրի ստորագրում Սոֆիայում
9. Բուրգասում բացվեց Վազգեն Վեհափառի անվան թանգարանը
10. Հայոց եկեղեցիներում կկատարվի հոգեհանգիստ Շառլ Ազնավուրի համար

Մեկնաբանություն

Վերջին լուրեր
1.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
2.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
3.Եվրամիությունը աջակցում է «Հայաստանում ընտրական գործընթացների աջակցություն» ծրագրին
4.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
5.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
6.Գարեգին Բ- Նիկոլ Փաշինյան հանդիպում Մայր Աթոռում
7.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
8.Արման Նուռի անհատական մեծ ցուցահանդեսը Վենոզայում
9.Հայաստանի դպրոցներում կներդրվի Աշխարհատեղեկատվական համակարգը
10.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: