ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
16 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Բուլղարիա.Քահանայաց ժողով եւ նոր նշանակումներ Բուլղարահայոց թեմում

29 նոյեմբերի, 2016 | 11:45
bulgaria-ekghetsi-nshanԲուլղարիայի հայոց թեմի Առաջնորդ` Հոգեշնորհ Տ. Իսահակ վարդապետ Պողոսյանի կարգադրությամբ թեմում նոր նշանակումներ են կատարվել:
Ս.թ. նոյեմբերի 5-ից Արժանապատիվ Տ. Բարթուղիմեոս քահանա Հակոբյանը ազատվել է Վառնայի <<Ս. Սարգիս>> եկեղեցու հոգևոր հովվի պաշտոնից և նշանակվել թեմի փոքր ծխերի` Դոբրիչի, Շումենի, Սիլիստրայի, Սլիվենի, Խասկովոյի, Ստարա Զագորայի և Պազարջիկի հայկական եկեղեցիների այցելու  հովիվ:
Միաժամանակ, Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հրամանով Բուլղարիայում հոգևոր ծառայության կոչված Արժանապատիվ Տ. Հրաչյա քահանա Գյոզալյանը նշանակվել է Վառնայի Ս. Սարգիս եկեղեցու հոգևոր հովիվ:
bulgaria-church-2016ՔԱՀԱՆԱՅԻՑ ԺՈՂՈՎ ԲՈՒԼՂԱՐԻԱՅԻ ՀԱՅՈՑ ԹԵՄՈՒՄ
Ս.թ. նոյեմբերի 19-ին, Բուլղարիայի հայոց թեմի Առաջնորդարանում, օրհնությամբ և նախագահությամբ  Առաջնորդ` Հոգեշնորհ Տ. Իսահակ վարդապետ Պողոսյանի, տեղի ունեցավ Քահանայից ժողով, որին ներկա էին թեմի հոգևորականները:
Ժողովի ընթացքում քննարկվեցին եկեղեցական-ծիսական, հրատարակչական, թեմական մի շարք հարցեր: Որոշվեց ձեռնարկել աշխատանքներ թեմում հոգևոր, ազգային-եկեղեցական կյանքի աշխուժացման ուղղությամբ:
Քահանայից ժողովը միաձայն որոշեց առավել հաճախադեպ կազմակերպել ուխտագնացություններ դեպի սրբավայրեր Հայաստանում և Սփյուռքի հարևան թեմերում, ինչպես նաև Երուսաղեմում: Ուխտագնացությունների կազմակերպման պատասխանատու նշանակվեց Արժ. Տ. Բարթուղիմեոս քահանա Հակոբյանը:
Առաջնորդ Հայր Սուրբը  ողջունեց վերջին շրջանում քահանաների կողմից նախաձեռնված հավատացյալների փոխայցելությունները ծուխեր և հոգևոր հայրերեին հորդորեց շարունակել այդօրինակ հանդիպումները: Կարևորվեցին նաև հոգևորականների այցելությունները հիվանդներին, տկարներին,  հայ բանտարկյալներին:
Քահանայից ժողովը վերահաստատեց ամեն տարվա դեկտեմբեր ամսվա առաջին տասնօրյակում տարեկան հաշվետվություն ներկայացնելու և հունվարի 5-ին Նուռօրհնեք կատարելու որոշումը: Միաժամանակ որոշվեց նույնականացնել Թեմում գործածվող բլանկները: Աշխատանքների ղեկավարությունն ստանձնեց Արժ. Տ. Հրաչ քահանա Մուրադյանը:
Ժողովականներն անդրադարձան նաև Բուլղարահայոց թեմի եկեղեցիներում առկա սրբությունների գույքագրման խնդրին: Որոշվեց հարցը ներկայացնել Թեմական խորհրդի հատուկ ուշադրությանը: Առաջարկվեց նաև, տեսանելի ապագայում ավարտին հասցնել թեմում առկա սրբությունների տպագիր հավաքածու գրքույկի տպագրությունը: Միաժամանակ հատուկ ուշադրության առարկա դարձան հնարավոր պարագայում նոր թանգարաններ հիմնելու, հնամյա գրքերի նորոգման ու խնամքի, եկեղեցական զգեստների, ինչպես նաև եկեղեցական սրբությունների վերանորոգման աշխատանքների հարցերը:
Քննարկվեցին եկեղեցիներին կից գործող Կիրակնօրյա դպրոցների համար արևմտահայերենով դասագրքեր ձեռք բերելու, ինչպես նաև թեմում արևմտահայերենով Աստվածաշունչ ունենալու հարցը: Քաջալերվեց վերջին տարիներին Արժ. Տ. Բարթուղիմեոս քահանա Հակոբյանի կողմից կազմված և հրատարակված մի շարք գրքերի ու բրոշուրների աշխատանքը: Առաջնորդ Հայր Սուրբը հորդորեց  առավել պատրաստակամությամբ և ընդհանրական նպաստով ձեռնարկել այսօրինակ աշխատանքները: Համաժամանակ ներկայացվեցին որոշ նոր հրատարակություններ: Հավանության արժանացավ յուրահատուկ մեծ օրացույցի և Պատարագամատույցի եռալեզու տարբերակի հրատարակության հարցը:
Նկատի ունենալով, բավական ժամանակ ուշադրության արժանացած` Բուլղարիայի հայոց թեմի պատմություն ունենալու հարցը, որոշում ընդունվեց նպատակային աշխատանքներ տանել փաստաթղթերի որոնման, նյութերի համակարգման և Թեմի ընդհանրական պատմության շարադրման նախապատրաստության ուղղությամբ: Աշխատանքների պատասխանատվությունը դրվեց Արժ. Տ. Պողոս քահանա Միքայելյանի և Արժ. Տ. Հրաչյա քահանա Գյոզալյանի վրա:
Առաջարկվեց եկող տարվա Ս. Զատիկի տոնից անմիջապես հետո Թեմի կտրվածքով կազմակերպել Բարեգործական մեծ հանդիսություն: Հանդիսության հիմնական նպատակն է`  թեմական ողջ աշխատանքային ռեսուրսի և անհատ անձանց մեկտեղումը մեկ ընդհանուր հարկի տակ, ինչպես նաև հայ կյանքի մեջ նշանակալի ավանդ ունեցող անհատականություններին գնահատանքի արժանացնելը: Հանդիսությունը կուղեկցվի հանգանակությամբ ի նպաստ Սոֆիայի առաջնորդանիստ ,,Սուրբ Աստվածածին,, եկեղեցու շինարարական աշխատանքների ավարտի: Հանդիսության կազմակերպման հանձնախումբը կղեկավարի հոգեշնորհ Տ. Իսահակ վարդապետ Պողոսյանը:
Ժողովը փակվեց աղոթքով: Հավարտ ներկաները մասնակցեցին Սիրո ճաշի:
bulgaria-qahananeri-joxov-2016ՍՈՖԻԱՅԻ Ս. ԱՍՏՎԱԾԱԾԻՆ ԱՌԱՋՆՈՐԴԱՆԻՍՏ ԵԿԵՂԵՑՈՒՄ ԱՄԵՆԱՅՆ ՍՐԲՈՑ ՏՈՆԻՆ ՄԱՏՈՒՑՎԵՑ ՍՈՒՐԲ և ԱՆՄԱՀ ՊԱՏԱՐԱԳ
Ս.թ. նոյեմբերի 19-ին, հավարտ Քահանայից ժողովի Սոֆիայի Առաջնորդանիստ <<Սուրբ Աստվածածին>> եկեղեցում, հանդիսապետությամբ Թեմակալ Առաջնորդ հոգեշնորհ Տ. Իսահակ վարդապետ Պողոսյանի, մատուցվեց Սուրբ և Անմահ Պատարագ: Պատարագիչն էր Պլովդիվի <<Ս. Գևորգ>> եկեղեցու հոգևոր հովիվ Արժանապատիվ Տ. Հրաչ քահանա Մուրադյանը:
Պատարագի ընթացքին, քարոզիչ Հայր Սուրբը շնորհավորելով ներկաներին, իր խոսքի մեջ անդրադարձավ օրվա խորհրդին, մասնավորապես նշելով. <<Քրիստոսէ զատ մենք շատ  օրինակներ ունինք և պարտինք հետևիլ սրբոց օրինակին: Հենց միայն այն պատճառավ, որ եթե մենք կըրնանք ապրիլ առանց մեր ժողովուրդի, ապա մեր ժողովուրդ առանց մեզի չըպիտի կըրնայ…>>:
Հավարտ Պատարագի, Տ. Իսահակ վարդապետ Պողոսյանն ի գնահատություն երկարամյա  հոգևոր ծառայության, թեմի ամենատարեց սպասավոր Արժանապատիվ Տ. Գևորգ քահանա Խաչերյանին քահանայից դասի անունից հանդիսավորապես հանձնեց Ս. Գևորգ Զորավարի սրբապատկերը:
Սուրբ և Անմահ Պատարագին ներկա էին բազմաթիվ հավատացյալներ, այդ թվում` Բուլղարիայում ՀՀ դեսպանատան աշխատակիցները:
bulgaria-patarag-2016Բուլղարահայ մանուկներին հանձնվեցին ՀՀ Կրթության և Գիտության նախարարության Շնորհակալագրեր
Հայաստանի Հանրապետության անկախության 25-ամյակի տոնակատարությունների շրջանակում, ՀՀ Սփյուռքի նախարարության նախաձեռնությամբ, ՀՀ Կրթության և Գիտության նախարարությանն առընթեր Գեղագիտության ազգային կենտրոնը Սփյուռքի հայկական դպրոցների աշակերտների համար կազմակերպել էր նկարչական մրցույթ, որին ներկայացված նկարները տեղ են գտել բացառիկ հավաքածուի մեջ:
Այս տարվա ամռանը, Բուլղարահայոց Առաջնորդ Տ. Իսահակ վարդապետ Պողոսյանի, Բուլղարիայում ՀՀ Դեսպանատան խորհրդատու` Տիկին Նելլի Մաթևոսյանի, Սոֆիայի Համադրիչ խորհրդի նախաձեռնությամբ և ՀԲԸՄ, ՀՄԸՄ հայկական կազմակերպությունների աջակցությամբ ծրագրին իրենց մասնակցությունը  բերեցին հայ մանուկները, որոնց աշխատանքները ևս ուղարկվեցին Հայաստան:
Ս.թ. նոյեմբերի 20-ին, Սոֆիայի <<Ս. Աստվածածին>> հայոց եկեղեցում տոնախմբություն էր: Ս. Պատարագի ավարտին Առաջնորդ Հայր Սուրբը կատարեց Մանուկների օրհնության կարգ կատարեց, ապա  խմբված մանուկներին հանձնվեցին շնորհակալագրեր:
Նույն օրը, հառիթ հոգեշնորհ Տ. Իսահակ վարդապետ Պողոսյանի  ծննդյան տարեդարձի, ՀՕՄ Սոֆիայի մասնաճյուղի Կիրակնօրյա մանկապարտեզի սաները ևս պատրաստել էին անակնկալ: Իրենց ուսուցիչների՝ Տիկին Վարդանուշ Մանուելյանի և Տիկին Սնեժանա Հովակիմյանի գլխավորությամբ մանկահասակ երեխաները ծաղիկներ և նվերներ  փոխանցեցին Առաջնորդ Հորը, ինչպես նաև  ներկայացրին գեղարվեստական ծրագիր: Հանդիպումն անցավ ջերմ մթնոլորտում և եզրափակվեց ընդհանրական լուսանկարով:

 

ԲՈՒԼՂԱՐԻԱՅԻ ՀԱՅՈՑ ԹԵՄ


Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: