ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Բուլղարիա. Վառնայում անցկացվեց ավանդական ջահերով երթ

26 ապրիլի, 2016 | 09:08

varna 2016 genocide25.04.2016, ԿԱՆԹԵՂ ԱՐԱՐԱՏՅԱՆ – Ապրիլի 23-ին, Բուլղարիայի Հայերի Միության (ԲՀՄ) նախաձեռնությամբ տեղի ունեցավ այլևս ավանդական դարձած Ջահերով երթ: Երեկոյան ժամը 20:00-ին, հարյուրավոր հայորդիներ և բուլղար բարեկամներ Վառնայի ս. Սարգիս հայկական եկեղեցու բակից, վառված ջահերով շարժվեցին դեպի Հայոց ցեղասպանության հուշարձանը:

Երթի մասնակիցները, որոնց առաջնորդում էին Վառնայի հոգևոր հովիվ Տ. Բարթուղիմեոս քահանա Հակոբյանը և ԲՀՄ գլխավոր քարտուղար Ներսես Կետիկյանը, քայլեցին Վառնայի գրեթե բոլոր կենտրոնական փողոցներով և հասան հուշարձանի մոտ, որը գտնվում է Վառնայի քաղաքապետարանի անմիջական հարևանությամբ:

Ներկաներին իր հովվական խոսքն ուղղեց տեր Բարթուղիմեոսը, ով մասնավորապես նշեց, որ այլևս հայությունը այս օրը չի սգում իր զոհերի համար: «Մենք այսօր եկել ենք այստեղ, որպեսզի խնդրենք մեր Սուրբ Նահատակների բարեխոսությունը Աստծու առաջ, որպեսզի Տերը խաղաղություն հաստատի մեր հայրենյաց սահմաններին: Մենք այստեղ ենք, որպեսզի մեր բողոքն արտահայտենք օտար երկրների իշխանություններին, որպեսզի վերջ տան կեղծավորությանը և ստիպեն Ադրբեջանի իշխանություններին դադարեցնել նոր ցեղասպանության փորձերը Արցախի հայության նկատմամբ:», իր խոսքում նշել է տեր հայրը:

Այնուհետև ԲՀՄ անունից ելույթ ունեցավ Ներսես Կետիկյանը, ով նշեց, որ այդօրվա երթը նվիրվում է նաև Արցախում հերոսաբար զոհված հայորդիների հիշատակին:«Այսօր մենք հավաքվել ենք այստեղ, որպեսզի դիմենք Բուլղարիայի և բոլոր Եվրոպական երկրների իշխանություններին: Վերջ տվեք կեղծավորությանը, հստակ մատնացույց արեք ագրեսորին, որպեսզի թուրքական քոչվոր ցեղերի արշավանքը չհասնի ձեզ: Հակառակ դեպքում, Արցախի հայության հանդեպ ցեղասպանություն իրագործելու թուրքական փորձերը կհասնեն եվրոպական ժողովուրդներին:», իր խոսքում նշել է նա:

Միջոցառմանը իրենց մասնակցությունն էին բերել Վառնայի բոլոր հայկական կազմակերպությունների, ինչպես նաև ВМРО բուլղար քաղաքական կուսակցության ներկայացուցիչները: Միջոցառման ավարտից հետո, Վառնայի ՀՄԸՄ-ի երիտասարդները վերադարձան եկեղեցու բակ, ուր ողջ գիշեր պատվո պահակություն իրականացրեցին Հայոց ցեղասպանության հուշաքարի առջև:

«ԿԱՆԹԵՂ ԱՐԱՐԱՏՅԱՆ»
Հայկական Տեղեկատվական Կայք (ԲՈՒԼՂԱՐԻԱ)

varna jaher 2016l varna jaher2016


Առնչվող նյութեր
1. «Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
2. Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
3. Դոկտ. Արման Կիրակոսեանի նոր մենագրութեան շնորհահանդէս-գինեձօնը Ավստրիայում
4. Հայ-բուլղարական բարեկամությանը նվիրված մշակութային միջոցառում Սոֆիայում
5. Հայ-բուլղարական կրթական պայմանագրի ստորագրում Սոֆիայում
6. Մակրոնը այցելեց Հայոց ցեղասպանության հուշահամալիր
7. Ֆրանսահայ լուսանկարիչ Գրիգոր Ճօլօլեանի հազվագյուտ ու անտիպ լուսանկարները՝ Հայոց ցեղասպանության թանգարանում
8. Սոֆիայում բացվեց բուլղարահայ հայտնի նկարիչ Արշակ Ներսիսյանի ցուցահանդեսը
9. Սոֆիայում նշվեց Հայաստանի անկախության 27-ամյակը
10. Բուլղարահայ նկարիչ Բեդիգ Բեդրոսյանի հուշարձանը Սիլիստրայում

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: