ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Բուլղարիա.համերգներ, պատարգներ, հիշատակի միջոցառումներ

27 ապրիլի, 2016 | 15:57

BULGARIA 2016 APRILԱպրիլի 22-24-ին Բուլղարիայում տեղի ունեցան Հայոց ցեղասպանության 101-րդ տարելիցին նվիրված մի շարք միջոցառումներ:

Ապրիլի 22-ին Բուլղարիայում ՀՀ դեսպանության աջակցությամբ ՀԲԸՄ Սոֆիայի գրասենյակը կազմակերպեց համերգ` նվիրված Հայոց ցեղասպանության 101-րդ տարելիցին և Արցախի պաշտպանության հերոսներին: Համերգին ելույթ ունեցան Հայաստանից հրավիրված Երևանի կոնսերվատորիայի պրոֆեսոր Ծովինար Հովհաննիսյանը և նրա սաները:

Ապրիլի 23-ին Սոֆիայի համակարգող խորհրդի նախաձեռնությամբ տեղի ունեցավ ջահերով երթ Սոֆիայի հայկական տնից դեպի «Երևանյան այգի», որտեղ գտնվող խաչքարի մոտ կայացավ հիշատակի արարողություն: Ելույթներ ունեցան պատմաբան Վլադիմիր Միտովը և «Բուլղարիայի ազատագրական ազգային ճակատ» կուսակցության փոխնախագահ Դանչո Խաչիևը:

Ապրիլի 24-ին Սոֆիայի Սուրբ Մարիամ Աստվածածին եկեղեցում տեղի ունեցավ Հայոց ցեղասպանության սրբադասված նահատակներին, ինչպես նաև Արցախի պաշտպանական մարտերում զոհված հայորդիներին նվիրված պատարագ: Նույն օրը միջոցառում կազմակերպվեց նաև Սոֆիայի հայկական գերեզմանատանը: Բուլղարիայում ՀՀ դեսպան Արմեն Սարգսյանն իր ելույթում ներկայացրեց ՀՀ Նախագահ Սերժ Սարգսյանի ուղերձը Հայոց ցեղասպանության 101-րդ տարելիցի առիթով:

Ապրիլի 23-ին և 24-ին հիշատակի միջոցառումներ տեղի ունեցան նաև Պլովդիվում, Վառնայում, Բուրգասում, Ռուսեում և Բուլղարիայի այլ քաղաքներում:

Պլովդիվում կազմակերպվեց նաև բարեգործական համերգ և հանգանակություն՝ ի աջակցություն Արցախի:

sofia 2016 april 4 sofia 2016 april sofia 2016 april2 bulgaria baregortsakan 2016 bulgaria baregortsakan hamerg2016


Առնչվող նյութեր
1. Բուլղարահայ նկարիչ Բեդիգ Բեդրոսյանի հուշարձանը Սիլիստրայում
2. Հայոց ցեղասպանության թանգարան-ինստիտուտի նոր տնօրեն է ընտրվել Հարություն Մարությանը
3. ՑԵՂԱՍՊԱՆՈՒԹՅՈՒՆԸ ԴԱՐՁՅԱԼ ՀԱՄԱՇԽԱՐՀԱՅԻՆ ՕՐԱԿԱՐԳՈՒՄ Է
4. Ծայրահեղականության, խտրականության և ատելության միտումները ցնցում են միջազգային օրակարգը. Զոհրաբ Մնացականայան
5. Հայ մարմնակրթական ընդհանուր միության հիմնադրման 100-ամյակին նվիրված միջոցառում Բուլղարիայում
6. Սոֆիայում տեղի ունեցավ հանդիպում արձակագիր Նարինե Աբգարյանի հետ
7. Ջորջ Բարսեղյանի եզակի նվիրատվությունը Հայոց ցեղասպանության թանգարանին
8. Գերմանիայի կանցլերը ծաղկեպսակ դրեց ցեղասպանության հուշակոթողին եւ եղեւնի տնկեց Ծիծեռնակաբերդում
9. Կոստադին Բոնեւի ցեղասպանության մասին ֆիլմը ,,Ոսկե ծիրան,,ում
10. ՀԱՅՈՑ ՑԵՂԱՍՊԱՆՈՒԹՅԱՆ ԹԱՆԳԱՐԱՆ-ԻՆՍՏԻՏՈՒՏԻ ՇՈՒՐՋ ՍՏԵՂԾՎԱԾ ԻՐԱՎԻՃԱԿԻ ՄԱՍԻՆ

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: