ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Բուլղարիայում ՀՀ դեսպանի հրաժեշտի հանդիպումները

01 ապրիլի, 2016 | 16:01

BulgariaԲուլղարիայում ՀՀ դեսպան Արսեն Սհոյանը հրաժեշտի հանդիպումներ է ունեցել Բուլղարիայի նախագահի, երկրի գործադիր և օրենսդիր մարմինների ներկայացուցիչների հետ:

Մարտի 31-ին նախագահական նստավայրում Արսեն Սհոյանին ընդունել է Բուլղարիայի Հանրապետության նախագահ Ռոսեն Պլևնելիևը: Նախագահն իր խոսքում կարևորել է վերջին տարիների ընթացքում Հայաստանի և Բուլղարիայի բարեկամական հարաբերություններում արձանագրված առաջընթացը՝ հույս հայտնելով, որ երկու երկրների փոխգործակցությունը կրելու է շարունակական բնույթ:

Դեսպանն իր խոսքում նշել է, որ իր դիվանագիտական առաքելության ընթացքում ջանքեր է գործադրել հայ-բուլղարական հարաբերությունները բոլոր բնագավառներում առավել խորացնելու ուղղությամբ: Դեսպան Սհոյանը միաժամանակ շնորհակալություն է հայտնել այն ջերմ ու կառուցողական վերաբերմունքի համար, որ ցուցաբերում են Բուլղարիայի նախագահը, իշխանությունները և բուլղար ժողովուրդը Հայաստանի և բուլղարահայ համայնքի նկատմամբ:

Նախագահ Պլևնելիևը Արսեն Սհոյանին պարգևատրել է «Ստարա Պլանինա» շքանշանով:

Հանդիսությանը ներկա էին Բուլղարիայի ԱԺ պատգամավորներ` հայ-բուլղարական պատգամավորական խմբի ղեկավար Աթանաս Զաֆիրովի գլխավորությամբ, ԲՀ ԱԳՆ ներկայացուցիչներ, Սոֆիայում հավատարմագրված օտարերկրա դեսպաններ:

ՀՀ դեսպանը հրաժեշտի հանդիպումներ է անցկացրել նաև երկրի նախկին վարչապետ, Բուլղարիայի Թագավոր Սեմյոն Սաքսոբուրսկիի, ԱԳ նախարար Դանիել Միտովի, Բուլղարիայի Ժողովրդական ժողովի նախագահ Ցեցկա Ցաչևայի և ԲՀ ԱԺ Հայաստան-Բուլղարիա պատգամավորական խմբի անդամների հետ:


Առնչվող նյութեր
1. Բուլղարահայ նկարիչ Բեդիգ Բեդրոսյանի հուշարձանը Սիլիստրայում
2. Սոֆիայում տեղի ունեցավ հանդիպում արձակագիր Նարինե Աբգարյանի հետ
3. Պեյո Յավորովին նվիրված միջոցառումներ Բուլղարիայում
4. Դեսպան Սարգսյանը քննարկել է Սոֆիայի և Երևանի միջև ուղիղ ավիաչվերթի վերաբացման հարցը:
5. Բուլղարիա-Հայաստան պատգամավորական խումբը նոր կազմ ունի
6. «Եթե մարդն իր արմատները մոռանա, կործանված է». Գևորգ Գրիգորյան
7. ՍՈՖԻԱ. Հուշատախտակ 300-ամյա հայկական եկեղեցու տեղում
8. «Զվարթնոց վերածննդի» հիմնադրամի երգի-պարի համույթը «Պլովդիվ 2017» միջազգային ֆոլկլորային փառատոնում
9. Բուլղարիա. Հիշատակի ձեռնարկներ Սոֆիայում, Պլովդիվում, Վառնայում, Բուրգասում, Սլիվենում
10. «Բուլղարների համաշխարհային ասոցիացիա»-ն ընդունել է Հայոց ցեղասպանությունը դատապարտող հռչակագիր

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: